+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

3,2 myń qazaqstandyq aǵza aýystyrý úshin kezekte tur

2020 jylǵy 24 aqpan 18:12
Bólisińiz:
3,2 myń qazaqstandyq aǵza aýystyrý úshin kezekte tur

ALMATY. QazAqparat - Búgin Almatydaǵy Dostyq úıinde QR Densaýlyq saqtaý mınıstri Eljan Birtanovtiń qatysýymen «Halyq densaýlyǵy jáne densaýlyq saqtaý júıesi týraly» Kodeks jobasyn talqylaýǵa arnalǵan «dóńgelek ústel» ótti, dep habarlaıdy QazAqparat tilshisi.

Otyrys barysynda mamandar transplantologııa máselesin tilge tıek etti.

Zań jobasy boıynsha jumys tobynyń tóraǵasy, QR Májilis depýtaty Záýresh Amanjolova transplantologııaǵa qatysty jumys tobynyń pozıtsııasyn jetkizdi.

«Transplantatsııa óte kerek. Bul, medıtsınanyń jetken jetistiginiń aıǵaǵy. Biz de Qazaqstannyń jetken jetistigimen maqtanýymyz kerek. Bizde talantty hırýrgtar óte kóp. Biraq sońǵy jyldary donorlyq kórsetkish tómendep ketti. Búginde 3200 adam aǵzasyn aýystyrýǵa kezekte tur. Olardyń 70 paıyzyna búırek kerek. 250-i balalar. Al bizde balalar transplantologııasy múlde joq», - dedi Májilis depýtaty.

Onyń aıtýynsha, endi adam músheleri shetelge jiberilmeıdi, jiberilse tek Qazaqstan azamattaryna ǵana.

Jańa kodekske sáıkes, ólgen adamnyń múshesin donorlyqqa berý úshin mindetti túrde jaqyn týysynyń nemese jubaıynyń (eriniń) kelisimi qajet etiledi.

Jumys tobyna osy taqyrypta 1 myńǵa jýyq hat kelgen.

«2006 jyldan bastap men basqaratyn qor muqtaj balalardyń organdaryn aýystyrýǵa ota jasaýǵa kómektesip keledi. Biz kóbinese shetelge shyǵamyz. Biraq sońǵy ýaqytta shetelde bizdiń balalarǵa aǵzany berýdi shekteı bastady. Qazir tek Úndistanǵa barýǵa bolady. Biraq ol jaqta da úlken kezek. Balalar da, úlkender de medıtsınalyq kómek alýǵa, ómir súrýge quqyǵy bar», - dedi QR balalar quqyǵyn qorǵaý jónindegi ýákil Arýjan Saın.

Esterińizge sala keteıik, QR Májilisiniń spıkeri Nurlan Nyǵmatýlın «Nur Otan» partııasy fraktsııasynyń keńeıtilgen otyrysynda jańa kodeks jobasyn talqyǵa salǵan bolatyn.

Fraktsııanyń keńeıtilgen otyrysynda Densaýlyq saqtaý kodeksi jobasynyń árbir normasy jan-jaqty, tereń talqylandy.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT