+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

29 sáýir. Týǵan kún ıeleri

2021 jylǵy 29 sáýir 08:10
Bólisińiz:
29 sáýir. Týǵan kún ıeleri

NUR-SULTAN. QazAqparat - Búgin, ıaǵnı 29 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

Uqsas jańalyqtar
23 qazan. QazAqparat kúntizbesi 22 qazan. Týǵan kún ıeleri 22 qazan. QazAqparat kúntizbesi

ESІMDER

115 jyl buryn (1906-1968) kompozıtor, dırıjer, mýzykatanýshy, etnograf, Qazaqstannyń halyq ártisi, ónertaný ǵylymynyń doktory, professor, akademık, eki márte Memlekettik syılyqtyń jáne Shoqan Ýálıhanov atyndaǵy syılyqtyń laýreaty Ahmet Qýanuly JUBANOV dúnıege keldi.

Aqtóbe oblysynyń Temir aýdanynda týǵan. 1929-1932 jyldary - Lenıngradtaǵy M.Glınka atyndaǵy mýzyka tehnıkýmynyń skrıpka synybyna oqýǵa qabyldanyp, keıin Rımskıı-Korsakov atyndaǵy konservatorııada goboı synyby boıynsha jáne Lenıngrad konservatorııasynyń tarıhı-teorııalyq fakýltetinde qosymsha bilim alady.

1932-1933 jyldary Lenıngrad ónertaný akademııasynyń aspıranty. 1933 jyly Almaty mýzyka-drama tehnıkýmynda sabaq berip, qazaq tilinde alǵashqy «mýzyka álippesin» qurastyrady. A.Jubanovtyń jetekshiligimen 20 ǵasyrdyń 30-jyldary qazaq mýzykasyn zertteıtin ǵylymı kabınet, mýzyka-tájirıbelik sheberhana, KSRO Ǵylym Akademııasynyń Qazaq fılıaly tóralqasy janynan ónertaný sektory (qazirgi Ádebıet jáne óner ınstıtýtynyń mýzyka bólimi) ashyldy. 1934 jyly A.Jubanov alǵash 11 adamnan quralǵan dombyrashylar ansambli negizinde Qazaq ulttyq halyq aspaptar orkestrin uıymdastyrdy. 1935-1945 jyldary Qazaq fılarmonııasynyń kórkemdik jetekshisi ári dırıjeri boldy. 1945-1951 jyldary - Almaty konservatorııasynyń (qazirgi Qazaq ulttyq konservatorııasy) rektory, 1954-1961 jyldary osy konservatorııadaǵy ózi ashqan halyq aspaptar kafedrasynyń meńgerýshisi bolyp, qazaq halyq mýzykasynyń tarıhynan, dırıjerlik óner men aspaptanýdan sabaq berdi. 1961-1968 jyldary A.Jubanov Ádebıet jáne óner ınstıtýtynyń mýzyka bólimin basqardy. A.Jubanov - qazaq halqynyń qazirgi zamanǵy kásibı mýzykasynyń negizin qalaǵan aǵa býyn kompozıtorlardyń biri. Ol qazaq mýzykasyn kúrdeli aspaptyq sımfonııalyq shyǵarmalarmen baıytty. Olar: «Tájik bıi», «Qazaq bıleri», «Tólegen Toqtarov», «Arııa», «Abaı sıýıtasy», t.b. soǵys jyldaryndaǵy onyń «Sert», «Qalǵanynsha qasyq qan», «Moskva», «Maıdannan hat», «Qarlyǵash» sııaqty vokaldyq týyndylary qazaq halqynyń ulttyq mýzyka mádenıetine sony órnek qosty. Budan soń ol Ǵ.Músirepovtiń «Qozy Kórpesh - Baıan sulý», M.Aqynjanovtyń «Isataı-Mahambet» (M.Ivanov-Sokolskıımen birge) pesasyna, «Amankeldi» fılmine mýzyka jazdy, «Otanym», «Aq sholpan», «Bizdiń el», «Jylqyshy», «Lırıkalyq án», t.b. ánder shyǵardy. Almaty qalasy kósheleriniń birine, Respýblıkalyq mýzyka mektep-ınternatyna A.Jubanov esimi berilgen.


67 jyl buryn (1954) aqyn, Qazaqstan Jazýshylar odaǵynyń tóraǵasy, Qazaqstan Respýblıkasy Jýrnalıstıka akademııasynyń akademıgi, Qazaqstan Memlekettik syılyǵynyń jáne Qazaqstan Jýrnalıster odaǵynyń M.Jumabaev atyndaǵy syılyǵynyń laýreaty, Qazaqstannyń eńbek sińirgen qaıratkeri Ulyqbek Orazbaıuly ESDÁÝLET dúnıege keldi.

Shyǵys Qazaqstan oblysynda týǵan. Qazaq memlekettik ýnıversıtetin, A.Gorkıı atyndaǵy Ádebıet ınstıtýty janyndaǵy Joǵary ádebı kýrsty bitirgen.

«Qazaqstan pıoneri» gazetinde, «Jazýshy» baspasynyń poezııa redaktsııasynda redaktor, «Qazaq ádebıeti» gazetinde bólim meńgerýshisi qyzmetterin atqarǵan. 1988-1991 jyldary - Qazaqstan Jazýshylar odaǵy basqarmasynyń hatshysy. 1991-1993 jyldary - «Jas qazaq» gazetiniń bas redaktory. 1993-1997 jyldary - Qazaqstan Respýblıkasy Syrtqy ister mınıstrliginiń bas mamany. 1997-2001 jyldary - Qazaqstan Respýblıkasy Mádenıet, aqparat jáne qoǵamdyq kelisim mınıstrligi Tilderdi damytý departamentiniń bólim meńgerýshisi. 2001-2002 jyldary - Qazaqstan Respýblıkasy Premer-Mınıstri Keńsesiniń sektor meńgerýshisi. 2002-2008 jyldary «Qazaq ádebıeti» gazetiniń bas redaktory, 2008 jyldan «Juldyz» jýrnalynyń bas redaktory. Qazaqstan Jazýshylar odaǵynyń tóraǵasy. Aqynnyń «Qanat qaqty», «Jaratylys», «Kózderińe ǵashyqpyn», «Juldyz jaryǵy», «Altaıdyń altyn tamyry», «Zaman-aı», «Kıiz kitap», t.b. jyr jınaqtary jaryq kórgen. Onyń óleńderine belgili sazgerler án jazǵan. Birqatar óleńderi shet el tilderine aýdarylǵan. Ózi de kórkem aýdarma salasynda M.Lermontov, A.Blok, N.Rýbtsov týyndylaryn qazaq tiline tárjimalaǵan.

«Qurmet» ordenimen marapattalǵan.

65 jyl buryn (1956) Qazaqstan isker áıelderi qaýymdastyǵynyń prezıdenti Raýshan Birgebaıqyzy SÁRSEMBAEVA dúnıege keldi.

Almaty qalasynda týǵan. Almaty halyq sharýashylyǵy ınstıtýtyn bitirgen. Ekonomıka ǵylymdarynyń kandıdaty, áleýmettaný ǵylymdarynyń doktory. Genderlik teńdik máselelerine arnalǵan monografııa men oqý quralynyń, sondaı-aq 50-den astam maqalanyń avtory. «Nur Otan» HDP saıası keńesiniń múshesi.

Qazirgi qyzmetinde 1995 jylǵy qazannan beri.

60 jyl buryn (1961) Qazaqstan Respýblıkasy Parlament Senatynyń depýtaty, Áleýmettik-mádenı damý jáne ǵylym komıtetiniń múshesi, tanymal jýrnalıst Nurtóre Baıtilesuly JÚSІP dúnıege keldi.

Qyzylorda oblysynyń Shıeli aýdanynda týǵan. Ál-Farabı atyndaǵy Qazaq ulttyq ýnıversıtetin bitirgen. Pavlodar oblystyq «Qyzyl tý» gazetiniń tilshisi, kólik jáne kommýnıkatsııalar bóliminiń meńgerýshisi, bas redaktorynyń orynbasary qyzmetin atqarǵan. 1990-1996 jyldary - «Egemen Qazaqstan» gazeti ekonomıka bóliminiń meńgerýshisi, bas redaktorynyń orynbasary. 1996-2002 jyldary - «Jas alash» gazetiniń bas redaktory. 2002-2005 jyldary - «Aq Jol Qazaqstan» gazetiniń bas redaktory. 2005-2006 jyldary - «Egemen Qazaqstan» gazetiniń bas dırektory. 2006-2008 jyldary - «Astana habary» gazetiniń bas redaktory. 2008-2019 jyldary – respýblıkalyq saıası-qoǵamdyq «Aıqyn» gazetiniń bas redaktory. 2019 jyldan bastap – qazirgi qyzmetinde. Onyń «Biz kimnen kembiz», «Qazaqtyń qyzy», «Eles pen beles» atty pýblıtsıstıkalyq jınaqtary jaryq kórgen.

«Qurmet» ordenimen, medaldarmen marapattalǵan.

55 jyl buryn (1966) Qazaqstan Respýblıkasy Eńbek jáne halyqty áleýmettik qorǵaý mınıstrliginiń «Memlekettik áleýmettik saqtandyrý qory» AQ prezıdenti Almas Muhametkárimuly QURMANOV dúnıege keldi.

Almaty qalasynda týǵan.1991 jyly Lenın jáne Eńbek Qyzyl Tý ordendi Lenıngrad memlekettik ýnıversıtetin, 1997 jyly E.A. Bóketov atyndaǵy Qaraǵandy memlekettik ýnıversıtetin bitirgen. Іskerlik ákimshilendirý magıstri (Nazarbayev University). Máskeý qalasyndaǵy Búkilodaqtyq syrttaı qarjy-ekonomıkalyq ınstıtýtynyń aspırantýrasyn bitirgen. Ekonomıka ǵylymdarynyń kandıdaty.

Eńbek jolyn 1996 jyly QR Ulttyq Bankiniń Qaraǵandy oblystyq basqarmasynyń jetekshi ekonomısti retinde bastaǵan. Sodan keıin ár jyldary Respýblıkalyq bıýdjettik bank, Qazaqstan Respýblıkasy Qarjy mınıstrliginiń júıesinde jumys jasaǵan. QR Eńbek jáne halyqty áleýmettik qorǵaý mınıstrliginiń «Zeınetaqy tóleý jónindegi memlekettik ortalyǵy» RMQK bas dırektory, QR Eńbek jáne halyqty áleýmettik qorǵaý Vıtse-mınıstri, «Memlekettik áleýmettik saqtandyrý qory» AQ Prezıdenti, QR Densaýlyq saqtaý jáne áleýmettik damý mınıstrligi Medıtsınalyq qyzmetke aqy tóleý komıtetiniń Tóraǵasy, «Ulttyq medıtsınalyq holdıng» AQ Basqarma Tóraǵasynyń orynbasary, «University Medical Center» korporatıvtik qorynyń Basqarma Tóraǵasy laýazymdarynda qyzmet atqardy.

Qazirgi qyzmetinde 2019 jyldyń qańtar aıynan beri.

37 jyl buryn (1984) Nur-Sultan qalasy Mádenıet basqarmasynyń bastyǵy Nurlan Baıanǵalıuly ÁLІMJANOV dúnıege keldi.

Almaty qalasynda týǵan. T.Q. Júrgenov atyndaǵy Qazaq ulttyq óner akademııasynyń «Mýzykalyq teatr men kıno akteri» fakýltetin bitirgen.

Eńbek joly: 2003-2008 jyldary - Ǵ. Músirepov atyndaǵy Memlekettik akademııalyq teatrynyń akteri. «Habar» telearnasyndaǵy «Juldyzdy doda» televızııalyq shoýynyń júrgizýshisi. Oqý ordasynda júrip Ǵ.Músirepov atyndaǵy Qazaq memlekettik akademııalyq «Aǵaıyndy» teleserıalyndaǵy Qýanysh róli jáne «Elbasy joly», «Meniń balalyq shaǵymnyń aspany» kınoepopııasyndaǵy elbasy N.Á.Nazarbaevtyń rólderi arqyly jalpaq jurtshylyqqa asa tanymal boldy.

Qazaqstan Jastar Odaǵy «Serper» syılyǵynyń laýreaty. «Qazaqstannyń eńbek sińirgen qaıratkeri» qurmetti ataǵyn aldy. «Nur Otan» partııasynyń «Jas tulpar» jastar syılyǵynyń ıegeri. QR mádenıet pen óner salasyndaǵy memlekettik stependııanyń laýreaty.

Qazirgi qyzmetinde 2021 jyldyń qańtar aıynan beri.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT