28 maýsymda ótetin mańyzdy sharalar ańdatpasy
2022 jylǵy 27 maýsym 20:57

28 maýsymda ótetin mańyzdy sharalar ańdatpasy

NUR-SULTAN. QazAqparat – «QazAqparat» Halyqaralyq aqparat agenttigi 28 maýsym kúni Nur-Sultanda ótetin mańyzdy sharalar ańdatpasyn usynady.

NUR-SULTAN

9.00-de Úkimet úıinde Úkimet otyrysy ótedi. Kún tártibinde memlekettik qyzmet kórsetýdi tsıfrlandyrý jáne IT salasyn damytý jáne buqaralyq aqparat quraldaryn damytýdyń negizgi tásilderi qaralady.

11.30-da «TÚRKSOI» uıymynyń Bas hatshysy Sultan Raev pen «Roza Baǵlanova atyndaǵy «Qazaqkontsert» uıymynyń dırektory Aqtoty Raıymqulova resmı kezdesý ótkizip, yntymaqtastyq týraly memorandýmǵa qol qoıady.

15.00-de QR Mádenıet jáne sport mınıstri Dáýren Abaev BAQ ókilderine jyl saıynǵy «Altyn Tomırıs» jýrnalıstik syılyǵyn tabystaıdy. Marapattaý rásimi «Astana Operada» ótedi.

15.00-de QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń tapsyrmalary aıasynda Pavlodar oblysynyń áleýmettik-ekonomıkalyq damýy týraly» baspasóz máslıhaty ótedi. Spıker: Pavlodar oblysynyń ákimi Ábilqaıyr Sqaqov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

16.00-de Ulttyq dombyra kúnine oraı QR Ulttyq mýzeıinde QR Memlekettik ortalyq mýzeıi mýzeı qoryndaǵy qazaqtyń dástúrli mýzykalyq aspaptary kollektsııasynyń negizinde «Syrly aspaptardyń sıqyrly úni» jyljymaly kórmesin ótkizedi.

17.00-de Qazmedıa ortalyǵynda «Tumar» syılyǵy saltanatty marapattaý rásimi ótedi.

19.00-de «Roza Baǵlanova atyndaǵy Qazaqkontsertte «Syrly ánder – syrlasym» kontserti ótedi.

19.00-de Jastar teatrynda «Kúıeý bala» dramasy kórsetiledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT