28 maýsym. Týǵan kún ıeleri
2022 jylǵy 28 maýsym 08:10

28 maýsym. Týǵan kún ıeleri

NUR-SULTAN. QazAqparat – QazAqparat dúısenbi, 28 maýsymǵa arnalǵan «Týǵan kún ıeleri» kúntizbesin usynady.

ESІMDER

80 jyl buryn (1942-2020) Qazaqstannyń saıası jáne qoǵam qaıratkeri Qalyq Abdýllauly ABDÝLLAEV dúnıege keldi.

Shymkent (qazirgi Túrkistan) oblysy Leńgir aýdanyndaǵy (qazirgi Tóle bı aýdany) Qasqasý aýylynda týǵan. 1958-1963 jyldary Tashkent polıtehnıkalyq ınstıtýtyn (ınjener-elektrık mamandyǵy boıynsha), al 1985-1987 jyldary Máskeý qalasyndaǵy KOKP OK Qoǵamdyq ǵylymdar Akademııasyn, 1986-1987 jyldary Máskeý qalasyndaǵy KSRO Mınıstrler Keńesi janyndaǵy Halyq sharýashylyǵy Akademııasyn támamdady.

Eńbek jolyn «ıÝjkazenergonyń» aýdandyq basqarmasyndaǵy ınjener qyzmetinen bastady. 1969 jyly Respýblıka energetıka mınıstrliginiń apparatyna jańadan uıymdastyrylǵan dıspetcherlik birlestik basqarmasyna energetıkalyq tártip qyzmetiniń bastyǵy qyzmetine jiberildi. 1974 jyly «ıÝjkazenergo» aımaqtyq basqarmasynda bas ınjener, keıin basqarma bastyǵy qyzmetterin atqaryp, talap qoıǵysh, uıymdastyrýshylyq qabileti joǵary basshy, bilikti maman retinde tanyldy. 1982 jyly Qazaq KSR Energetıka mınıstriniń birinshi orynbasary qyzmetine joǵarylatyldy. 1986-1992 jyldar aralyǵynda Qazaq KSR Mınıstrler Keńesi tóraǵasynyń orynbasary, Respýblıka Memlekettik josparlaý komıtetiniń tóraǵasy, Qazaq KSR Mınıstrler Keńesi tóraǵasynyń birinshi orynbasary, Respýblıka Memlekettik josparlaý komıtetiniń tóraǵasy, Premer-mınıstrdiń orynbasary – Qazaq KSR Memlekettik ekonomıkalyq komıtetiniń tóraǵasy qyzmetin atqardy. 1992 jyldan 1995 jylǵa deıin Qazaqstandyq isker yntymaqtastyq ortalyǵy «Atakent» aktsıonerlik qoǵamy basqarmasynyń tóraǵasy boldy. 1996-1997 jyldary QR Prezıdentiniń keńesshisi qyzmetin atqardy. 1997-1999 jyldary Ońtústik Qazaqstan oblysynyń ákimi boldy. 2000 jyldan beri ózi qurǵan «Atakent» aktsıonerlik qoǵamy Dırektorlar Keńesiniń tóraǵasy bolyp keledi. Sondaı-aq 2005 jyldan beri «Akademık Sh. Shokın atyndaǵy Qazaq ǵylymı-zertteý energetıka ınstıtýty» aktsıonerlik qoǵamynyń basqarma tóraǵasy mindetin qosa atqarady.

Ekonomıka ǵylymdarynyń kandıdaty, Qazaqstan Respýblıkasynyń Ulttyq ınjenerlik Akademııasynyń jáne Halyqaralyq Injenerlik Akademııasynyń akademıgi.

«Qurmet belgisi» ordenimen marapattaldy.

65 jyl buryn (1957) «Qazaqstan halqyna» qoǵamdyq áleýmettik qorynyń tóraǵasy Bolat Bıdahmetuly JÁMІShEV dúnıege keldi.

Taldyqorǵan (qazirgi Almaty) oblysynda týǵan. Qazaq aýyl sharýashylyǵy ınstıtýtyn (1981), Qazaq ekonomıka jáne AÓK uıymdastyrý ǵylymı-zertteý ınstıtýtynyń aspırantýrasyn bitirgen.

Eńbek joly: keńshar agronomy (1981-1984); Qazaq ekonomıka jáne AÓK uıymdastyrý ǵylymı-zertteý ınstıtýtynyń aspıranty, kishi ǵylymı qyzmetkeri (1984-1992); Qazaqstan Respýblıkasynyń Ulttyq banki perspektıvalyq zertteýler ortalyǵynyń dırektory, Zertteýler jáne statıstıka departamenti dırektorynyń orynbasary (1993-1997); Qazaqstan Respýblıkasy Eńbek jáne halyqty áleýmettik qorǵaý mınıstrligi Ulttyq zeınetaqy agenttiginiń dırektory, Qazaqstan Respýblıkasy Eńbek jáne halyqty áleýmettik qorǵaý vıtse-mınıstri (1997-1999); Qazaqstan Respýblıkasynyń Qarjy vıtse-mınıstri jáne birinshi qarjy vıtse-mınıstri (1999-2001); Qazaqstan Respýblıkasynyń ishki ister vıtse-mınıstri (2001-2002); Qazaqstan Respýblıkasynyń Qarjy vıtse-mınıstri jáne birinshi qarjy vıtse-mınıstri (2002-2003); Qazaqstan Respýblıkasy Ulttyq banki Tóraǵasynyń orynbasary (2003-2004); Qazaqstan Respýblıkasy Qarjy naryǵy men qarjy uıymdaryn retteý jáne qadaǵalaý agenttiginiń tóraǵasy (2004-2006); Eýrazııa Damý Banki basqarma tóraǵasynyń orynbasary – Jobalaý qyzmeti jónindegi basqarýshy dırektor (2006-2007); QR qarjy mınıstri (2007-2013); QR óńirlerdi damytý mınıstri (2013-2014); «Qazaqstannyń damý banki» AQ basqarma tóraǵasy (2014-2019); Qazaqstannyń ulttyq konkı federatsııasynyń prezıdenti (2017 jyldan); «Tsesnabank» AQ táýelsiz dırektory (2019 jylǵy aqpannan); «First Heartland Jýsan Bank» AQ dırektorlar keńesiniń múshesi – táýelsiz dırektor. «Áleýmettik medıtsınalyq saqtandyrý qory» KEAQ Dırektorlar keńesiniń tóraǵasy boldy.

Qazirgi qyzmetinde 2022 jyldyń qańtar aıynan bastap.

«Qurmet» (2005), «Parasat» (2011) ordenderimen marapattalǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT