+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

28 qarasha. QazAqparat kúntizbesi

2020 jylǵy 28 qarasha 07:00
Bólisińiz:
28 qarasha. QazAqparat kúntizbesi

NUR-SULTAN. QazAqparat – QazAqparat oqyrmandaryna 2019 jylǵy 28 qarashaǵa arnalǵan kúntizbesin usynady.

ESTE QALAR OQIǴALAR

1934 jyly Qazaq ulttyq mádenıet ǵylymı-zertteý ınstıtýty óz jumysyn bastady. Qazaq ulttyq mádenıet ǵylymı-zertteý ınstıtýtynyń maqsaty ulttyq mádenı qurylys salasyndaǵy barlyq ǵylymı-zertteý jumystaryn ıntegratsııalaý jáne úılestirý, qorytyndylap, ǵylymı-zertteý nátıjelerin biryńǵaı bazaǵa salý, Qazaqstanyń mádenı saıasatynyń irgesin qalaý boldy.

1998 jyly Ulybrıtanııada Qazaqstan Respýblıkasynyń Prezıdenti Nursultan Nazarbaevtyń «Ýaqyt týraly, taǵdyrlar týraly, ózim týraly» atty kitaby aǵylshyn tilinde jaryq kórdi.

2000 jyly «Qazaqstan metsenattary klýby» jyl saıynǵy «Tarlan» jalpyulttyq táýelsiz syılyǵyn jarııalady. Syılyq ádebıet, mýzyka, teatr, beıneleý óneri, kınematograf, ǵylym jáne aǵartý sekildi jeti baǵytta beriledi.

2005 jyly Pavlodardyń Buqar jyraý atyndaǵy oblystyq ádebıet jáne óner murajaıy «Jergilikti murajaılardy qoldaý» aktsııasynyń barysynda qala turǵyndary syıǵa tartqan 418 jańa jádigermen tolyqty. Syılyqtardyń arasynda Mádıdiń tutynǵan «Quranyn» jáne Muhtar Áýezovtiń 1947 jyly jaryq kórgen «Abaı» kitabyn ataýǵa bolady. Olardyń ekeýi de arab áripterimen basylǵan. Murajaıdyń kitap qory pavlodarlyq tanymal qalamgerler Muzafar Álimbaevtyń, Nutfolla Shákenovtyń shyǵarmalarymen, qýǵyn-súrgin jyldary Ertis selosynda turǵan Sibir jazýshysy Efım Permıtınniń tórt tomdyǵymen, orystyń belgili aqyny Marına Tsvetaevanyń sińlisi, ótken ǵasyrdyń 50-jyldary Pavlodarda turǵan jazýshy Anastasııa Tsvetaevanyń avtorlyq qoltańbasy bar «Estelikter» kitabymen tolyqty. Murajaıǵa ataqty ánshi Sýat Ábýseıitovtiń jeke zattary men fotosýretteri kelip tústi. Varna qalasynda (Bolgarııa) ótken Halyqaralyq baıqaý-festıvaliniń júldegeri jas sýretshi Lılııa Melnık murajaıdyń balalar bólimine kórmede kórsetilgen sýreti men festıvaldiń býkletin tartý etti.

2005 jyly qazaqstandyq naryqta alǵash ret Vladımır Osınskııdiń Máskeýdegi úzdik stýdııasynda jazylǵan «Ulytaý» qazaqstandyq aspaptyq tobynyń albomy jaryqqa shyqty. Albom Los-Andjeleste «Paramaunt Records» (AQSh) stýdııasynda saýnd-prodıýser Tım Palmermen birge shyǵaryldy. Albom Mahambettiń kúıi – «Jumyr Qylysh» ataýyna ıe boldy jáne Qurmanǵazy, Mahambet, Tilendıev, Shalmyrza, Qazanǵap, Vıvaldı jáne Motsarttyń mýzykasyna jazylǵan 10 kompozıtsııadan turady.

2011 jyly Koreıa Respýblıkasy Daedjon qalasynyń Koreıa ınnovatsııalyq klasteri qorynda Koreıa-Qazaqstan tehnologııalyq yntymaqtastyq ortalyǵynyń saltanatty ashylý rásimi ótti.

2011 jyly «KazSat-2» spýtnıgi Qazaqstan Respýblıkasynyń menshigine berildi. Qazaqstan Respýblıkasy Ulttyq ǵarysh agenttigi komıssııasynyń «KazSat-2» ǵaryshtyq júıesin Qazaqstan Respýblıkasynyń menshigine berý jónindegi otyrysynda «KazSat-2» ǵaryshtyq júıesin menshik quqyǵyna alý hattamasyn komıssııa tóraǵasy «RǴBO» AQ dırektorlar keńesiniń tóraǵasy, QR Ulttyq ǵarysh agenttigi tóraǵasynyń orynbasary Erkin Shaımaǵambetov bekitti.

2012 jyly Polshanyń soltústik-batysyndaǵy Pıla qalasyndaǵy áskerı zıratta Keńes Odaǵynyń Batyry Joldybaı Nurlybaevtyń qabirine qoıylǵan eskertkish taqtanyń saltanatty ashylýy ótti. Saltanatty ashylýdan keıin baýyrlastar qabiriniń basynda Qasıetti Qurannyń aıattary oqylyp, gúl shoqtary qoıyldy, al Joldybaı Nurlybaevtyń týystary onyń qabirine óziniń týǵan jerinen bir ýys topyraq saldy.

2013 jyly Qazaqstan Respýblıkasy Qarýly Kúshteri Qurlyq áskerleriniń bas qolbasshysy general-leıtenant Murat Maıkeev «Jyl tańdaýy – Jyl adamy» halyqaralyq festıvaliniń qorytyndysy boıynsha «2013 jyldyń áskerıi» nomınatsııasynda jeńisi úshin «Altyn adam» statýetkasymen marapattaldy.

2017 jyly Japonııa Úkimeti «Nevada-Semeı» halyqaralyq ıadrolyq qarýǵa qarsy qozǵalystyń Prezıdenti Oljas Súleımenovti ıadrolyq qarýdy taratpaý salasyndaǵy yntymaqtastyq arqyly eki el arasyndaǵy dostyq qatynastardyń damýyna zor úles qosqany úshin Japon úkimetiniń «Kúnshyǵys, Altyn shýaq ordenimen» marapattaldy. 2008 jyly Qazaqstan Prezıdenti Nursultan Nazarbaev «Úlken lentadaǵy Hrızantema ordenimen» marapattalsa, 2006 jyly – Qazaqstandaǵy japon tutqyndardyń zıratyn izdeýmen aınalysqan tarıhshy Asqanbek Aldanazarov «Kúnshyǵys, Altyn shýaq ordenimen» marapattalǵan.

2017 jyly Frantsııanyń Qazaqstandaǵy Tótenshe jáne Ókiletti Elshisi Fılıpp Martıne tanymal qazaq jyrshysy Uljan Baıbosynovaǵa «Frantsııa ádebıeti men óneriniń kavaleri» ordenin saltanatty túrde tabys etti. Frantsııa Elshisi ordendi Almatyda ótken «Uly dala eli» etnofestıvalinde saltanatty túrde tapsyrdy. Ol Frantsııa Mádenıet mınıstriniń arnaıy tapsyrmasymen Eýropadan joldanǵan qurmetke qazaq jyrshysy laıyq ekenin aıtty.

2018 jyly Port-Lýıste (Mavrıkıı Respýblıkasy) bas qosqan Materıaldyq emes mádenı murany qorǵaý jónindegi úkimetaralyq komıteti túrki halyqtarynyń «Qorqyt baba» eposyn ıÝNESKO materıaldyq emes muralar tizimine engizdi.

2019 jyly uıymnyń Parıj shtab-páterinde ótken ıÝNESKO-nyń 40-shy Bas konferentsııasy kelesi jylǵa arnalǵan eske alý kúnderiniń halyqaralyq kúntizbesine ortaǵasyrlyq Shyǵystyń uly ǵalymy jáne fılosofy Ábý Nasyr ál-Farabıdiń 1150 jyldyǵyn jáne Shymkent qalasynyń qurylǵanyna 2200 jyldyǵyn engizý týraly arnaıy qarar qabyldady. Uıymǵa múshe 193 memlekettiń ujymdyq sheshimine sáıkes ıÝNESKO hatshylyǵyna atalǵan mereıtoılardy merekeleýge qatysý tapsyryldy.

2019 jyly Nur-Sultan qalasynda Ortalyq Azııada EO-nyń úsh aýqymdy baǵdarlamasyn – «Ortalyq Azııa Invest»; «Ortalyq Azııada halyqaralyq saýdany ilgeriletý»; «Ortalyq Azııada zańnyń ústemdigin damytý» iske asyrý týraly Kelisimge saltanatty túrde qol qoıyldy. Bul jańa óńirlik baǵdarlamalar saýda kólemin ulǵaıtýǵa, JІÓ-niń ósýin jedeldetýge jáne jumys oryndaryn qurýǵa qol jetkizýge múmkindik beredi, bul jobalardy basqarý jónindegi qyzmet sheńberinde baqylanady.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT