27 maýsym. Týǵan kún ıeleri
2022 jylǵy 27 maýsym 08:10

27 maýsym. Týǵan kún ıeleri

NUR-SULTAN. QazAqparat - QazAqparat senbi, 27 maýsymǵa arnalǵan «Týǵan kún ıeleri» kúntizbesin usynady.

ESІMDER

64 jyl buryn (1958) mýzykant, ánshi, Qazaqstan Respýblıkasynyń eńbek sińirgen qaıratkeri Baıǵalı Ermekuly SERKEBAEV dúnıege keldi.

Qurmanǵazy atyndaǵy Almaty konservatorııasyn bitirgen. «Araı» toby ujymynda belgili qazaq ánshisi Roza Rymbaevany súıemeldeýshi boldy. 1982 jyly «Araıdyń» barlyq mýzykanttary tarap ketti. Al Roza Baıǵalıǵa jańa top jasaqtaýdy jáne ony basqarýdy usyndy. Jańa top ta burynǵy «Araı» ataýynda qaldy, keıinnen «Almaty-Stýdıo», odan ári «A'Studio» ataldy. Qazirgi kezde óz ujymyna, «A'Studio» tobyna jáne basqalaryna prodıýserlikpen aınalysady. 90-shy jyldardyń basynda rejısser Alekseı Berkovıchpen «A-Stýdıo» týraly «Djýlııa» mýzykalyq fılmi túsirildi. Oǵan mýzykanttardyń ózderi qatysty.

44 jyl buryn (1978) Qazaqstan Respýblıkasynyń energetıka birinshi vıtse-mınıstri Murat Ótemisuly JÚREBEKOV dúnıege keldi.

Aqtóbe oblysynda dúnıege kelgen. Q. Jubanov atyndaǵy Aqtóbe memlekettik ýnıversıtetin, Qazaqstan menedjment, ekonomıka jáne boljamdaý ınstıtýtyn, «Strathclyde» ýnıversıtetin (Shotlandııa), «Basqarýshy qyzmetkerlerge arnalǵan baǵdarlama» mamandyǵy boıynsha Garvard bıznes mektebin (AQSh) támamdaǵan. 2001-2002 jyldary — «QazTransGaz» JAQ Qarashyǵanaq jobasy boıynsha departamenttiń bıýdjettik baqylaý jónindegi bas mamany. 2002-2004 jyldary — «Intergaz Ortalyq Azııa» JAQ ekonomıka jáne bıýdjettik josparlaý departamentiniń menedjeri. 2004-2005 jyldary — «Adjıp KKO» kompanııasynda Ókiletti organynyń tehnıkalyq toby janyndaǵy mamany, London q. 2005-2010 jyldary — «QazMunaıGaz» UK AQ Soltústik Kaspıı jobasy departamenti dırektorynyń orynbasary. 2010-2017 jyldary «PSA» JShS jumys istedi. Kelisimsharttar men marketıng montorıngi departamentiniń dırektorynyń orynbasary; bıznes pen jergilikti qamtýdy damytý jónindegi basqarýshy dırektor; ekonomıka, qarjy, aýdıt pen bıýdjet jónindegi basqarýshy dırektor qyzmetterin atqardy. 2017–2019 jyldary — «PSA» JShS bas dırektory (Munaı-gaz jobalary boıynsha QR Úkimetiniń ókiletti organy). 2019 jyldyń shilde men jeltoqsan aılary aralyǵynda QR energetıka vıtse-mınıstri qyzmetin atqardy. Qazirgi qyzmetin 2019 jyldyń jeltoqsanynan beri atqaryp keledi.

36 jyl buryn (1986) Qazaqstan Respýblıkasy Parlamenti Májilisiniń VІІ shaqyrylym depýtaty, áleýmettik-mádenı damý komıtetiniń múshesi Elnur Sabyrjanuly BEISENBAEV dúnıege keldi.

Kentaý qalasynda týǵan. Ál-Farabı atyndaǵy Qazaq ulttyq ýnıversıtetiniń túlegi. Saıasattanýshy, áleýmettik ǵylymdar magıstri. Eńbek jolyn «Jastar úni» Jastar qoǵamdyq uıymynda maman retinde bastap, keıinnen 2009 jyly tóraǵa bolyp taǵaıyndaldy. 2012-2015 jyldary tarıh pániniń muǵalimi, Qazaqstan kommýnıstik halyq partııasynyń Almaty qalalyq fılıalynda ıdeologııa jáne nasıhat jónindegi hatshy qyzmetterin qosa atqardy. 2016 jyldan 2017 jylǵa deıin Almaty qalasy ákimdiginiń jastar jobalary jáne uıymdastyrý jumystary bóliminiń basshysy, jastar saıasaty máseleleri basqarmasynyń basshysy laýazymdarynda eńbek etti. 2017 -2018 jyldary Abaı atyndaǵy Qazaq ulttyq pedagogıkalyq ýnıversıtetinde tárbıe jumysy departamentiniń dırektory bolyp jumys atqardy. 2019 jyly Nur-Sultan qalasy ákiminiń áleýmettik máseleler jónindegi keńesshisi boldy. 2020 jyly «Nur Otan» partııasy janyndaǵy «Jas Otan» Jastar qanatynyń tóraǵasy bolyp saılandy. Qazirgi qyzmetin 2021 jyldyń qańtar aıynan beri atqaryp keledi.


Seriktester jańalyqtary

Jańalyqtar

Úrdis

MURAǴAT