27 qarashada elordada ótetin mańyzdy sharalar ańdatpasy

NUR-SULTAN. QazAqparat – «QazAqparat» Halyqaralyq aqparat agenttigi 27 qarashada elordada ótetin mańyzdy sharalar ańdatpasyn usynady.

10.00-de «Aýyl» Halyqtyq-demokratııalyq patrıottyq partııasynyń Aqmola oblysy boıynsha fılıaly qaıta óńdeý salasy máseleleri boıynsha kóshpeli keńes ótkizedi.

11.00-de IX Azamattyq forýmnyń plenarlyq otyrysy ótedi.

11.00-de Nur-Sultan qalasy Qoǵamdyq keńesiniń otyrysy onlaın rejımde ótedi.

11.15-te QR Prezıdenti janyndaǵy Ortalyq kommýnıkatsııalar qyzmetinde Junior Eurovision 2020 («Balalar Evrovıdenıesi») baıqaýynyń fınalyna arnalǵan baspasóz máslıhaty ótedi. Oǵan «Habar» Agenttigi» AQ Basqarma tóraǵasy Erlan Bekhojın, «Habar» Agenttigi» AQ Basqarma tóraǵasynyń birinshi orynbasary Rınat Kertaev, «Balalar Evrovıdenıesi» baıqaýynda Qazaqstandy tanystyratyn ókil Qaraqat Bashanova, Q.Bashanovanyń ánin jazǵan kompozıtor Hamıt Shanǵalıev qatysady.

12.30-da QR Prezıdenti janyndaǵy Ortalyq kommýnıkatsııalar qyzmetinde Aqmola oblysynyń ákimi Ermek Marjyqpaev óńirdiń damýy týraly baspasóz máslıhatyn ótkizedi.

13.00-de Nazarbaev Ýnıversıtetiniń Joǵary bilim berý mektebi men Medıtsına mektebi «Qazaqstandyq mánmátinde aýtızmdi túsiný» atty onlaın semınar ótkizedi.

15.00-de QR Ulttyq mýzeıinde «Birinde birinshi tulǵa jóninde» mádenı-tanymdyq jobasy ashylady.

16.30-da QR Prezıdenti janyndaǵy Ortalyq kommýnıkatsııalar qyzmetine QR Densaýlyq saqtaý mınıstri Alekseı Tsoı, QR Densaýlyq saqtaý vıtse-mınıstri Ajar Ǵınııat, QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova Eldegi epıdemıologııalyq jaǵdaı jáne KVI-men kúres sharalary týraly baspasóz máslıhatyn ótkizedi.