+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

27 qańtar. QazAqparat kúntizbesi

2020 jylǵy 27 qańtar 07:00
Bólisińiz:
27 qańtar. QazAqparat kúntizbesi

NUR-SULTAN. QazAqparat - QazAqparat oqyrmandaryna 2020 jylǵy 27 qańtarǵa arnalǵan kúntizbesin usynady.

ATAÝLY KÚNDER

Halyqaralyq Holokost qurbandaryn eske alý kúni

2005 jyldyń 1 qarashasynda Birikken Ulttar Uıymy Bas Assambleıasy bekitken. 1945 jyly qańtardyń 27-sinde Osventsım kontslageri tutqyndary azat etilgen bul kúndi birqatar elder atap ótedi. Osventsım kontslageri 1940 jyly saıası tutqyndar úshin salyndy. Temir jol torabyna jaqyn ornalasqan lagerde 40-qa jýyq túrli nysan - baraktar, gaz kameralary, krematorııler men adamdarǵa tájirıbe júrgiziletin zerthanalar boldy. Kún saıyn munda myńdaǵan adam tıelgen birneshe eshelon keletin. Olardy joıý úshin natsıster Tsıklon-B ýly gazyn oılap tapty. Osventsım «ajal fabrıkasy» degen atqa kezdeısoq ıe bolǵan joq. Lager jumys istegen 5 jyldyń ishinde munda 28 ulttyń 1,5 mıllıon adamy qaza boldy. 1979 jyly ıÝNESKO kontslagerdi halyqaralyq mańyzdaǵy eskertkishter tizimine engizdi.

Komıýnıtı-menedjerler kúni

Jyl saıyn álemniń túrli elderinde qańtardyń tórtinshi dúısenbisinde toılanatyn kásibı mereke. Komıýnıtı-menedjerler — jasampazdyq, damý, basqarý jáne qoǵamdastyq ókilderimen qarym-qatynas jasaýǵa jaýapty qyzmetkerler. Olar, sondaı-aq UGC-júıelerdi jasap, olardy qoldaýmen aınalysady. Komıýnıtı-menedjerdiń jumysy PR, HR, áleýmettik psıhologııa jáne basqa da gýmanıtarlyq salalardyń toǵysynda jatyr.

ESTE QALAR OQIǴALAR

1990 jyly Qazaq KSR Memlekettik qurylys basqarmasynyń buıryǵymen Qazaq memlekettik jobalyq jáne ǵylymı-zertteý ınstıtýtynyń ǵylymı bólimi bazasynda Qazaq seısmıkalyq tózimdi qurylys jáne sáýlet ǵylymı-zertteý jáne jobalaý-eksperımentaldyq ınstıtýty («QazSQǴZI») quryldy. QazSQǴZI-diń alǵashqy dırektory bolyp ınjener-qurylysshy, tehnıka ǵylymdarynyń doktory, professor, akademık Tóleýbaı Júnisov taǵaıyndaldy.

1992 jyly Óskemendegi mys-qorǵasyn kombınatynda salmaǵy 10,5 kg Qazaqstannyń tuńǵysh altyn kesegi óndirildi.

1995 jyly Qazaqstan Respýblıkasynyń Prezıdenti N.Á.Nazarbaev Daýosta (Shveıtsarııa) ótken Dúnıejúzilik ekonomıkalyq forýmǵa qatysty. Forým barysynda bolyp ótken kóptegen kezdesýlerdiń arasynan Elbasynyń Eýropanyń birneshe memleketi, Amerıka, Azııa memleketteriniń basshylarymen jáne birneshe iri halyqaralyq qarjy uıymdarynyń basshylarymen kezdesýin atap ótýge bolady. Áńgimeler barysynda ózara tıimdi yntymaqtastyqty damytý joldary qarastyryldy.

2005 jyly Qazaqstan Respýblıkasy Qarjy naryǵy men qarjy uıymdaryn retteý jáne qadaǵalaý agenttigi «Qazynashylyq» dep atalatyn Qazaqstandaǵy alǵashqy ashyq ınvestıtsııalyq qordy tirkedi.

2006 jyly «Qazposhta» aktsıonerlik qoǵamy Áýbákir Ysmaıylovtyń shyǵarmashylyǵyna arnalǵan «Beıneleý óneri» serııasynyń poshta markasyn aınalymǵa engizdi. Markada sýretshiniń 1928 jyly salǵan Abaı portreti beınelengen. Sońǵy 10 jyl tóńireginde G.Ysmaılovanyń «Qyz Jibek», S.Kalmykovtyń «Fantastıkalyq natıýrmort», H.Naýryzbaevtyń «Shopan portreti», J.Shárdenovtiń «Bıik taýlar», M.Kenbaevtyń «Asaýǵa quryq salý», A.Ǵalymbaevanyń «Kesedegi qymyz», S.Aıtbaevtyń «Baqyt» sııaqty týyndylary «Beıneleý óneri» serııasymen poshta markalarynda beınelengen bolatyn.

2010 jyly Máskeýde Dańqty qolbasshy, Keńes Odaǵynyń Batyry, jazýshy Baýyrjan Momyshulynyń 100 jyldyq mereıtoıyna oraılastyrylǵan «Ańyzǵa aınalǵan batyr» («Legendarnyı batyr») atty jınaǵy jaryq kórdi.Qazaq jáne orys tilinde shyǵarylǵan jınaqqa halyq batyry Baýyrjan týraly qazaq jazýshylary Sherhan Murtaza, Elena Álimjanova, Muhamedjan Katımhannyń estelik shyǵarmalary jáne Máskeýdiń muraǵattarynda saqtalǵan buryn jarııalanbaǵan Baýyrjan Momyshulynyń kúndelikteri kirdi.

2011 jyly Memleket basshysy «2011 jyldy Qazaqstan Respýblıkasy Táýelsizdiginiń 20 jyldyǵy dep jarııalaý týraly» Jarlyqqa qol qoıdy.

2012 jyly «Qazposhta» AQ «Eskertkish, mereıtoılyq datalar jáne merekeler» serııasynda kórnekti memleket jáne partııa qaıratkeri, úsh márte Sotsıalıstik Eńbek Eri Dinmuhamed Qonaevtyń 100 jyldyǵyna arnalǵan kórkemsýretti poshta markalaryn aınalymǵa shyǵardy.

2016 jyly jazýshy, Memlekettik syılyqtyń ıegeri, dramatýrg Ákim Tarazı Ulttyq Akademııalyq kitaphanaǵa óziniń jazǵan kitaptary, sondaı-aq, jeke kitaphanasynda jınaǵan óte qundy 978 kitapty tartý etti.

2017 jyly Tájikstanda Reseı-Tájik ýnıversıtetiniń professory Abdýsattor Nýralıevtiń «Tájikstan qazaqtary» atty kitaby jaryq kórdi. Onda Tájikstanda turatyn qazaq dıasporasynyń tarıhy, osy eldi damytýǵa qosqan úlesi týraly baıandalady.

2017 jyly «Qazaqstan memlekettik-jeke áriptestik ortalyǵy» «Ortalyq Azııadaǵy úzdik aqyldy ortalyq» nomınatsııasy boıynsha alǵash ret álemdik saraptamalyq ortalyqtar reıtıngine kirdi.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT