+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

27-ge tolǵan Dımash Qudaıbergen otbasylyq erekshe vıdeolarmen bólisti

2021 jylǵy 24 mamyr 01:30
Bólisińiz:
27-ge tolǵan Dımash Qudaıbergen otbasylyq erekshe vıdeolarmen bólisti

NUR-SULTAN. QazAqparat - Búgin, 24 mamyrda esimi álemge tanylǵan ánshi, Qazaqstannyń eńbek sińirgen qaıratkeri Dımash Qudaıbergen 27 jasqa toldy, dep habarlaıdy QazAqparat.

Týǵan kún merekesine oraı Dımashtyń YouTube-tegi arnasynda onyń sábı kezindegi sırek kezdesetin vıdeolar jarııalandy.

Dinmuhammed Qanatuly Qudaıbergenov 1994 jyly 24 mamyrda Aqtóbede dúnıege keldi. 2019 jyldyń jeltoqsanynda oǵan «Qazaqstannyń eńbek sińirgen qaıratkeri» ataǵy berildi.

Ata-anasy – ánshi Sveta jáne Qanat Aıtbaevtar. Kishkentaı Dımash ata-ájesiniń tárbıesinde bolǵan. Bala kezden sahnada án aıtyp, fortepıanoda oınap, ártúrli baıqaýǵa qatysqan.

Jas ánshi alty oktavany qamtı alatyn vokaldyq keń dıapazonymen erekshelenedi.

2015 jyly ol Vıtebskte ótken «Slavıan bazary» halyqaralyq baıqaýynda bas júldeni ıelendi.

Dál osy jyly «Jyl adamy» jalpyulttyq baǵdarlamasy aıasynda «Jyl ánshisi» atandy.

2016 jyly «Umytylmas kún» týrnesin ótkizdi. Alǵashqy týrnesin Qazaqstan Táýelsizdiginiń 25 jyldyǵyna arnap, elimizdiń 25 aımaǵynda 25 kontsert berdi.

2017 jyly Dımash «Hunan TV» qytaı telearnasynda ótken «I am Singer» vokaldyq baıqaýynyń besinshi kezeńine qatysyp, ekinshi oryn aldy. Bul konkýrs oǵan álemdik deńgeıdegi tanymaldylyq alyp keldi.

Nur-Sultan qalasynda ótken EHRO-2017 Halyqaralyq kórmesi aıasynda alǵash ret aýqymy keń jeke kontsertin ótkizdi. «Bastau» dep atalatyn kontsertine qazaqstandyq jáne sheteldik kórermen jınaldy.

2019 jyldyń maýsymynda D.Qudaıbergen elordada «Arnaý» atty jeke kontsertin ótkizdi. Oǵan 64 memleketten jankúıerler keldi.

Osy jyldyń jeltoqsanynda Qazaqstannyń AQSh-taǵy mádenıet kúnderi aıasynda jáne QR Mádenıet jáne sport mınıstrliginiń qoldaýymen Nıý-Iorkte Dımashtyń kontserti anshlagpen ótti.

Ánshi 2020 jyldyń 16 aqpany men 4 sáýiri aralyǵynda Eýropa elderi boıynsha týrne ótkizýdi josparlaǵan bolatyn. Alaıda koronavırýs pandemııasyna baılanysty onyń jekelegeni keıinge qaldyryldy.






Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT