+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

27 aqpan. Týǵan kún ıeleri

2020 jylǵy 27 aqpan 08:08
Bólisińiz:
27 aqpan. Týǵan kún ıeleri

NUR-SULTAN. QazAqparat – Búgin, ıaǵnı 27 aqpanda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

73 jyl buryn (1947) medıtsına ǵylymdarynyń doktory, akademık, «Ulttyq ǵylymı medıtsına ortalyǵy» AQ basqarmasynyń tóraǵasy, Ortalyq Azııa pýlmanologtary qaýymdastyǵynyń, Eýrazııalyq respıratorlar qoǵamynyń prezıdenti, Eýropalyq Jaratylystaný ǵylymdary akademııasynyń tolyq múshesi, Dúnıejúzilik densaýlyq saqtaý uıymy komıteti tóralqasynyń múshesi Abaı Qabataıuly BAIGENJIN dúnıege keldi.

Soltústik Qazaqstan oblysynda týǵan. Almaty memlekettik medıtsına ınstıtýtyn bitirgennen keıin densaýlyq saqtaý salasynda ártúrli qyzmetterde boldy.

1978-1983 jyldary - Almaty qalalyq klınıkalyq aýrýhanasy bas dárigeriniń orynbasary, 1983-1988 jyldary - Qazaq KSR Densaýlyq saqtaý mınıstrliginiń 4-bas basqarmasynyń «Alataý» shıpajaıynyń bas dárigeri. 1988-1993 jyldary - Almaty aımaqtyq dıagnostıkalyq ortalyǵynyń dırektory. 1993-1997 jyldary - Memlekettik aeroǵarysh kompanııasynyń vıtse-prezıdenti. 1997-1998 jyldary QR Úkimeti janyndaǵy Medıtsınalyq saqtandyrý qory bas dırektorynyń orynbasary.

2000 jyldyń mamyr aıynan bastap 2010 jyldyń tamyz aıyna deıin «Ulttyq ǵylymı medıtsına ortalyǵy» RMK bas dırektory.

2010 jyldyń tamyz aıynan bastap qazirgi kezge deıin «Ulttyq ǵylymı medıtsına ortalyǵy» AQ basqarmasynyń tóraǵasy.

Qazaqstan Respýblıkasynyń eńbek sińirgen qaıratkeri, QR Prezıdentiniń Qurmet gramotasymen marapattalǵan, Qazaqstan Respýblıkasy Ulttyq keńesiniń múshesi, «Nur Otan» HDP Saıası keńesiniń múshesi. «Parasat» ordeniniń, brıtandyq Vıktorııa patshaıym ordeniniń ıegeri, Robert Koh medalimen marapattalǵan.

58 jyl buryn (1962) Qazaqstan qarjygerler qaýymdastyǵy keńesiniń tóraǵasy Elena Leonıdovna BAHMÝTOVA dúnıege kelgen.

1983 jyly Almaty halyq sharýashylyǵy ınstıtýtyn támamdaǵan, ekonomıst. 1983-1984 jyldary - Almaty aýyl qurylys №7 tresiniń OAKK aǵa ınjeneri; 1984-1989 jyldary - Qazaq KSR Memlekettik josparlaý komıteti janyndaǵy Josparlaý jáne normatıvter ekonomıkalyq ǵylymı-zertteý ınstıtýtynyń ekonomısi; 1989-1991 jyldary – Qazaq KSR-i Áleýmettik qamsyzdandyrý mınıstrliginiń aǵa ekonomısi; 1991-1992 jyldary - «Elim-Aı» kınosharýashylyq birlestiginiń ekonomısi; 1992-1998 jyldary – QR Qarjy mınıstrligi Bıýdjet departamentiniń jetekshi, bas ekonomısi, bólim bastyǵy, áleýmettik sala departamenti bastyǵynyń orynbasary, dırektordyń orynbasary; 1998-2001 jyldary – QR Qarjy mınıstrligi Bıýdjet departamentiniń dırektory; 2001-2002 jyldary - QR eńbek jáne halyqty áleýmettik qorǵaý vıtse-mınıstri; 2002-2004 jyldary – QR Ulttyq banki Qarjylyq qadaǵalaý departamentiniń dırektory; 2004-2008 jyldary – QR Qarjy naryǵyn jáne qarjylyq uıymdardy retteý jáne qadaǵalaý agenttigi tóraǵasynyń orynbasary; 2008-2011 jyldary – QR Qarjy naryǵyn jáne qarjylyq uıymdardy retteý jáne qadaǵalaý agenttigi tóraǵasy; 2012-2016 jyldary - «Samuryk-Qazyna» aktsıonerlik qoǵamynyń Basqarma tóraǵasynyń orynbasary; 2016 jyldyń qańtarynan qarashasyna deıin - «Samuryq-Qazyna» AQ qarjy jáne operatsıalar jónindegi atqarýshy dırektory; 2016 jyldyń qarashasynan - «Áleýmettik medıtsınalyq saqtandyrý qory» KEAQ Basqarma tóraǵasy bolǵan.

«Qurmet» ordenimen; «Qazaqstan Konstıtýtsııasyna 10 jyl» medalimen; «Astanaǵa 10 jyl» mereıtoılyq medalimen; Qazaqstan Respýblıkasy Prezıdentiniń Alǵys hatymen marapattalǵan.

54 jyl buryn (1966) QR Parlamenti Májilisiniń VI shaqyrylymynyń depýtaty, Zańnama jáne sot-quqyqtyq reforma komıtetiniń múshesi Qanat Sergeıuly MÝSIN dúnıege kelgen.

Qazirgi Astana qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen. Zańger. Aǵa ádilet keńesshisi, qarjy polıtsııasynyń polkovnıgi. 1984-1986 jyldary Tselınograd (qazirgi Astana ) qalasynyń Lenın aýdandyq halyq sotynyń sot oryndaýshysy, sot otyrysynyń hatshysy, arhıvarıýsy. 1986-1989 jyldary «Tselınogradoblgaztop» óndiristik birlestiginiń aǵa ıýrıskonsýlty. 1989-1998 jyldary Tselınograd qalasynyń, Aqmola oblysynyń prokýratýra organdarynda qyzmet etken, Astana qalasy prokýrorynyń orynbasary. 1998-2001 jyldary Soltústik Qazaqstan oblysy prokýrorynyń orynbasary, Jambyl oblysy prokýrorynyń birinshi orynbasary. 2001-2007 jyldary qarjy polıtsııasy organdarynda qyzmet etken, Batys Qazaqstan oblysy, Almaty qalasy Ekonomıkalyq qylmys jáne sybaılas jemqorlyqqa qarsy kúres departamenti basshysynyń orynbasary. 2007-2010 jyldary Qazaqstan Respýblıkasynyń Qaýipsizdik Keńesi apparatynda jumys istegen: bas sarapshy, bas ınspektory, Qaýipsizdik Keńesi Hatshylyǵy meńgerýshisiniń orynbasary. 2010-2012 jyldary Soltústik Qazaqstan oblysy prokýrorynyń birinshi orynbasary. 2012-2016 jyldary Astana qalasynyń Ádilet departamentiniń basshysy.

Qazirgi laýazymyn 2016 jyldyń naýryzynan beri atqaryp keledi.

«Eren eńbegi úshin», «Qazaqstan Respýblıkasynyń táýelsizdigine 20 jyl», «Astananyń 10 jyldyǵy» medaldarymen, quqyq qorǵaý organdarynyń vedomstvolyq nagradalarymen marapattalǵan.

52 jyl buryn (1968) QR Joǵarǵy sotynyń sýdıasy Denıs Alekseevıch ShIPP dúnıege kelgen.

Soltústik Qazaqstan oblysynda týǵan. Mýzykalyq orta mektepti fortepıano synyby boıynsha, Omby memlekettik ýnıversıtetiniń zań fakýltetin, akademık Korolev atyndaǵy Samara memlekettik aeroǵarysh ýnıversıtetin bitirgen. Petropavl qalalyq sotynyń sýdıasy boldy. Almaty qalasynyń mamandandyrylǵan qarjy sotynyń sýdıasy (2006 jyldan), Almaty qalasynyń mamandandyrylǵan qarjy sotynyń tóraǵasy (2011 jyldan). Qazirgi qyzmetinde 2015 jyldan beri.

37 jyl buryn (1983) Qazaqstan Respýblıkasynyń Densaýlyq saqtaý vıtse-mınıstri Qamaljan Talǵatuly NADYROV dúnıege keldi.

Almaty qalasynda dúnıege kelgen. 2006 jyly «Emdeý isi» mamandyǵy boıynsha S.J. Asfendııarov atyndaǵy Qazaq medıtsına ýnıversıtetin, al 2009 jyly «Ekonomıst» mamandyǵy boıynsha «Týran» ýnıversıtetin, 2014 jyly «Qoǵamdyq densaýlyq saqtaý» mamandyǵy boıynsha Joǵary qoǵamdyq densaýlyq saqtaý mektebin bitirdi. Qazirgi ýaqytta «Bıznes ákimshilendirý» (Executive MBA) mamandyǵy boıynsha Executive MBA «Nazarbaev Ýnıversıteti» DBU-da oqıdy.

Ártúrli jyldary Duke University, «The Fuqua School of Business» (AQSh), «Parkway College» (Sıngapýr), «Florence Nightingale» (Túrkııa) klınıkalar toby, «Oxford «Social Health Insurance system» (Germanııa) oqýdan ótti. Qazaq, orys jáne aǵylshyn tilderin erkin meńgergen. Birqatar baspa jumystarynyń avtory jáne qosa avtory bolyp tabylady.

Eńbek jolyn akademık B.O. Jarbosynov atyndaǵy Ýrologııa ǵylymı ortalyǵynda – klınıka ordınatory bolyp bastady, odan keıin uıymdastyrý-ádistemelik bólimdi basqardy, Bas dırektordyń ákimshilik-ekonomıkalyq qyzmet jónindegi orynbasary boldy.

2014 jyldan bastap 2016 jyl aralyǵynda QR Densaýlyq saqtaý mınıstrliginde – Strategııalyq damý jáne Medıtsınalyq qyzmetterdi standarttaý departamentterde basshylyq laýazymdarynda qyzmet atqardy «Mindetti áleýmettik medıtsınalyq saqtandyrý» týraly zań jobasyn ázirleý jónindegi top jumys tobynyń múshesi boldy.

2016 jyldan bastap 2017 jyl aralyǵynda «Nazarbaev Ýnıversıteti» DBU-nyń Respýblıkalyq dıagnostıkalyq ortalyǵyn basqardy.

2017 jyldan 2019 jylǵa deıin Astana qalasynyń Densaýlyq saqtaý basqarmasynyń basshysy bolyp taǵaıyndaldy.

2019 jylǵy 27 naýryzdan bastap Qazaqstan Respýblıkasynyń Densaýlyq saqtaý vıtse-mınıstri bolyp taǵaıyndaldy.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT