+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

26 jylda teńge qalaı ózgerdi

2019 jylǵy 15 qarasha 10:40
Bólisińiz:
26 jylda teńge qalaı ózgerdi

ALMATY. QazAqparat – Qazaqstanda 15 qarashada Ulttyq valıýta kúni atalyp ótedi. Dál osy kún qarjygerlerdiń kásibı merekesi sanalady, dep habarlaıdy QazAqparat tilshisi.

Uqsas jańalyqtar
Arqalyq qalasynda birneshe býynǵa jalǵasqan polıtseıler otbasy turady Kókshetaýda naýqas qyzǵa kómektesý úshin qaıyrymdylyq kontserti ótti Sheteldik sarapshylarǵa «bir tereze» qaǵıdaty boıynsha qyzmet kórsetiledi

Búgin Ulttyq valıýtamyz teńgege 26 jyl toldy. 1993 jyly 12 qarashada QR Prezıdentiniń 15 qarashadan bastap Qazaqstan Respýblıkasynyń ulttyq valıýtasy – teńgeni aınalymǵa shyǵarý týraly Jarlyǵy jaryq kórdi. Dál osy kúni Prezıdent halyqqa úndeý jarııalady.

«Osy ýaqyttan bastap Qazaqstannyń shynaıy táýelsizdiginiń mańyzdy kezeńi bastalady. Bundaı tarıhı sátter el ómirinde bir-aq ret bolatyn iri oqıǵa», - dedi N.Nazarbaev.

26 jylda teńgeniń 4 serııasy shyqty. Birinshi aqshamyz Ulybrıtanııada basylyp shyqty. 1995 jyly óz banknot fabrıkamyz ashyldy.

Ulttyq valıýtanyń alǵashqy leginde «Portrettik serııa» qoldanylǵan. Avtorlar banknot betterinde qazaqtyń uly tulǵalarynyń sýretterin jarııalady.

Osylaısha tuńǵysh ret aqsha betinde ál-Farabı, Súıinbaı, Qurmanǵazy, Shoqan Ýálıhanov, Abaı, Ábilqaıyr han, Abylaı han beıneleri jaryq kórdi.


Ulttyq valıýtanyń ekinshi legi Qazaqstanda basylyp shyqty. Jańa serııa «Ál-farabı» dep ataldy.

Shyǵys oıshylynyń beınesi 200-10000 teńgege deıingi banknottarǵa basyldy. Bul aqsha aınalymda kóp bolǵan joq. Adam beınesi salynǵan banknotalar tez jyrtylyp, myjylatyndyqtan sýretshiler portrettik sýretterden bas tarta bastady.


Ulttyq valıýtamyzdyń úshinshi býyny 2006 jyly Báıterek beınesimen jaryq kórdi.


Bul joly dızaınerler aqsha betinde tek Qazaqstannyń tarıhyn ǵana emes, sáýleti men tabıǵatyn da syıǵyzýǵa tyrysty. Teńgeniń betinde ashyq alaqan, Tuńǵysh Prezıdenttiń qoly, ánurannyń notalary basyldy.


«2011 jyldan bastap qazaqstandyqtardyń qolynda jańa valıýta aınalymǵa shyǵa bastady. «Samuryq» serııasyndaǵy nomınaly 500, 1 000, 2 000, 5 000, 10 000 jáne 20 000 teńge bolatyn aqsha paıda boldy. Bir jaq betinde «Qazaq Eli» monýmenti men ushyp bara jatqan kepterler jarııalandy. Ekinshi jaq betine sýretshiler Almaty qalasynyń, Ertis ózeniniń,Ústirt jazyǵynyń panoramasyn beıneledi» - dedi Ulttyq bankten.

Monetalardyń birinshi partııasy Germanııada basyldy. Al qazir monetalar Qazaqstan moneta saraıynda shyǵarylady. Moneta saraıynda ınvestıtsııalyq, kollektsııalyq shaqalar shyǵaryldy.


Qazir aınalymda nomınaly 1, 2, 5, 10, 20, 50 jáne 100 teńge bolatyn monetalar bar. Keler jyly nomınaly 200 teńge bolatyn moneta shyǵady. QR Ulttyq banki Kollektsııalyq monetalardy shyǵarýdy 1995 jyldan bastap jolǵa qoıǵan. Investıtsııalyq monetalar – Au 999,9 baǵaly metaldardan soǵylǵan.


Teńge óz tarıhynda 3 ret devalvatsııaǵa ushyrady. 1993 jyldyń qarashasynda $1 quny 4,7 teńge bolatyn. 1994 jyldyń qarashasynda $1 quny 50 teńgeden asty.

1999 jyly tuńǵysh ret teńge álsiredi. Jyl sońynda $1 quny 138 teńgege jetti.

Ekinshi devalvatsııa salqyny 2009 jyldyń sońynda soqty. $1 quny 148 teńgege jetti.

2014 jyldyń qańtarynda úshinshi qunsyzdaný tolqyny kelip, $1 quny 181 teńgege jetti.

2015 jyldyń tamyzynda Qazaqstan teńge baǵamynyń erkin terbelisine kóshti. Búginde teńgeniń resmı baǵamy $1 – 388 teńge.

Bizdiń kanalymyzǵa jazylyńyz:

Basty sózder: Almaty, Qoǵam, Qarjy,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT