26 maýsym. Týǵan kún ıeleri
2022 jylǵy 26 maýsym 08:10

26 maýsym. Týǵan kún ıeleri

NUR-SULTAN. QazAqparat – Búgin, ıaǵnı 26 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

58 jyl buryn (1964) «Kazahstanskaıa pravda» respýblıkalyq gazetiniń bas redaktory Sábıt Ǵalymuly MALDYBAEV dúnıege keldi.

Soltústik Qazaqstan oblysynda týǵan. 1990 jyly Qostanaı pedagogıkalyq ınstıtýtyn fılolog mamandyǵy boıynsha bitirdi. Eńbek joly: Sergeevskıı Mádenıet úıiniń basshysy (1980-1983 jj.); Qostanaı pedagogıkalyq ınstıtýtynda oqydy (1983-1985); Keńes Armııasy qyzmetinde (1985-1987); Qostanaı pedagogıkalyq ınstıtýtynda oqýyn jalǵastyrdy (1987-1990); Sergeevsk aýdandyq «Novator» gazetinde jýrnalıst, bólim meńgerýshisi, bas redaktorynyń orynbasary (1990-1998); Sergeevsk aýdandyq «Novator» gazetiniń bas redaktory (1998); «Keshki Astana» gazetiniń tilshisi, «Kazahstanskaıa pravda» gazetiniń bas redaktory, «Agrarlyq Qazaqstan» respýblıkalyq gazetiniń bas redaktorynyń orynbasary (1998-2000); Batys Qazaqstan oblystyq «Prıýrale» gazetiniń bas redaktory, Oral qalasy (2006-2008); arnaıy korrespondent, «Kazahstanskaıa pravda» AAQ-nyń ekonomıka bóliminiń redaktory (2008-2009); «Kazahstanskaıa pravda» gazetiniń bas redaktorynyń orynbasary (2009-2011); «Kazahstanskaıa pravda» respýblıkalyq gazetiniń redaktory (2011 jyldan bastap).

2022 jyldyń sáýir aıynan bastap qazirgi qyzmetinde.

55 jyl buryn (1967) Qazaqstan Respýblıkasy Básekelestikti qorǵaý jáne damytý agenttiginiń apparat basshysy Saıan Qylyshuly AHMETJANOV dúnıege keldi.

Aqmola oblysynda dúnıege kelgen. 1991 jyly Qaraǵandy memlekettik ýnıversıtetiniń zań fakýltetin úzdik támamdaǵan. 1991-1996 jyldary aralyǵynda Soltústik Qazaqstan oblysynyń prokýratýra organdarynda kómekshi, asa mańyzdy ister boıynsha tergeýshi, jalpy qadaǵalaý bóliminiń bas prokýrory qyzmetterin atqarǵan. 1998-1999 jyldary, 2002 - 2003 jyldary QR Premer-Mınıstri Keńsesi Quqyqtyq saraptama bóliminiń konsýltanty, Zań bólimi meńgerýshisiniń orynbasary qyzmetterin atqarǵan. 2003-2005 jyldary Qazaqstan Respýblıkasy Іshki ister mınıstrligi Іshki qaýipsizdik departamentiniń bastyǵy, 2005-2011 jyldary QR Prezıdenti Ákimshiligi Áleýmettik-ekonomıkalyq taldaý bóliminiń bas sarapshysy, Quqyq qorǵaý bóliminiń sektor meńgerýshisi qyzmetterin atqarǵan. 2007– 2011 jyldary QR Prezıdentiniń janyndaǵy Jemqorlyqqa qarsy kúres jónindegi komıssııanyń Hatshysy jáne múshesi bolǵan. 2011 jyldyń qyrkúıek aıynda Qazaqstan Respýblıkasy Memlekettik qyzmet isteri agenttigi Tóraǵasynyń orynbasary bolyp taǵaıyndaldy. 2014-2015 jj. - Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary. 2015-2016 jj. - Qazaqstan Respýblıkasy Memlekettik qyzmet isteri mınıstrliginiń jaýapty hatshysy. 2016-2019 jj. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Basqarma bastyǵy bolyp taǵaıyndaldy. 2019-2020 jj. Qazaqstan Respýblıkasy Ortalyq saılaý komıssııasynyń apparat jetekshisi. Qazirgi qyzmetinde – 2020 jyldyń qazan aıynan bastap.

48 jyl buryn (1974) Qostanaı qalasynyń ákimi Marat Qonysbaıuly JÚNDІBAEV dúnıege keldi.

1997 jyly A.Baıtursynov atyndaǵy Qostanaı memlekettik ýnıversıtetin, 2002 jyly Qazaq quqyqtaný jáne halyqaralyq qatynastar ınstıtýtyn, 2009 jyly Halyqaralyq bıznes ýnıversıtetin bitirgen.Saıası ǵylymdar kandıdaty. 2013-2015 jyldary Lısakovsk qalasynyń ákimi qyzmetin atqarǵan. 2015-2020 jj. – Qostanaı oblysy ákiminiń orynbasary qyzmetin atqardy. 2020-2022 jj. - Qazaqstan Respýblıkasy Prezıdenti Ákimshiliginiń memlekettik ınspektory.

2022 jyldyń naýryz aıynan bastap qazirgi qyzmetinde.

47 jyl buryn (1975) Qazaqstan Respýblıkasynyń Túrikmenstan Respýblıkasyndaǵy Tótenshe jáne Ókiletti Elshisi Erkebulan Ońalbekuly SÁPIEV dúnıege keldi.

Máskeý qalasynda týǵan. Ankara ýnıversıtetin (1998 j.), Aıdyn Ystanbul ýnıversıtetin (2017 j., Túrkııa Respýblıkasy) Ekonomıka bakalavry, saıasattaný jáne halyqaralyq qatynastar magıstri mamandyǵy boıynsha bitirgen. Eńbek jolyn 1999 jyly Qazaqstan Respýblıkasynyń Qarjy mınıstrliginde jetekshi ekonomıst bolyp bastady jáne basqarma bastyǵy laýazymyna deıin qyzmet etti. 2003 jyly Almaty qalasynyń «Shaǵyn kásipkerlikti damytý qory» JAQ Basqarma tóraǵasynyń birinshi orynbasary bolyp jumysqa aýysty. 2004-2006 jyldar aralyǵynda QR Prezıdenti Ákimshiliginiń Áleýmettik-ekonomıkalyq taldaý bóliminiń bas sarapshysy, sektor meńgerýshisi boldy. QR Syrtqy ister mınıstrligi júıesindegi dıplomatııalyq mansabyn 2006 jylǵy maýsymda Túrkııa Respýblıkasyndaǵy Qazaqstan Elshiliginiń keńesshisi qyzmetinen bastady. Keıinnen osy Elshiliktegi keńesshi-ýákili bolyp taǵaıyndaldy. SІM Ortalyq apparatynda 2011-2014 jyldar aralyǵynda Ortalyq Azııa, Ońtústik Kavkaz jáne Túrkııa departamenti dırektorynyń orynbasary, sondaı-aq Jalpyazııalyq yntymaqtastyq departamenti dırektorynyń orynbasary laýazymynda qyzmet atqardy. 2014-2018 jyldar aralyǵynda Qazaqstan Respýblıkasynyń Ystanbul qalasyndaǵy (Túrkııa) Bas konsýldyǵyn basqardy. 2018 jyldyń qyrkúıek aıynda Túrkistan oblysynyń ákimdigine aýysyp, onda 2019 jyldyń naýryzyna deıin ákimniń keńesshisi qyzmetin atqarǵan. Qazaqstannyń Túrikmenstandaǵy Elshisi bolyp taǵaıyndalǵanǵa deıin QR SІM Erekshe tapsyrmalar jónindegi elshisi boldy. I synypty keńesshi dıplomatııalyq dárejesi bar. Túrik jáne aǵylshyn tilderin meńgergen.

2022 jyldyń naýryz aıynan bastap qazirgi qyzmetinde.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT