26 mamyrda Qasym-Jomart Toqaev resmı saparmen Qyrǵyzstanǵa barady
2022 jylǵy 23 mamyr 14:45

26 mamyrda Qasym-Jomart Toqaev resmı saparmen Qyrǵyzstanǵa barady

NUR-SULTAN. QazAqparat - 26 mamyr kúni Memleket basshysy Qasym-Jomart Toqaev Prezıdent Sadyr Japarovtyń shaqyrýymen Qyrǵyz Respýblıkasyna resmı saparmen barady, dep habarlaıdy QazAqparat.

Prezıdent baspasóz qyzmetiniń Telegram paraqshasynda habarlanǵandaı, eki memleket basshylary Bishkekte shaǵyn jáne keńeıtilgen quramda kezdesý ótkizedi dep josparlanyp otyr.

Kelissóz barysynda saıası dıalogty odan ári kúsheıtýge, saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyqty nyǵaıtýǵa mán bere otyryp, Qazaqstan men Qyrǵyzstan arasyndaǵy strategııalyq seriktestikti damytý máseleleri qarastyrylmaq.

Kelesi kúni, ıaǵnı 27 mamyrda Qasym-Jomart Toqaev Aqordada Joǵary eýrazııalyq ekonomıkalyq keńestiń otyrysyna beınebaılanys rejıminde qatysady.


Jańalyqtar

MURAǴAT