26 mamyr. Týǵan kún ıeleri
2022 jylǵy 26 mamyr 08:08

26 mamyr. Týǵan kún ıeleri

NUR-SULTAN. QazAqparat - Búgin, ıaǵnı 26 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

46 jyl buryn (1976) Qazaqstan Respýblıkasynyń Memlekettik hatshysy QARIN Erlan Tynymbaıuly dúnıege keldi.

Ońtústik Qazaqstan oblysynyń Saıram aýdanynda týǵan. Q. Jubanov atyndaǵy Aqtóbe memlekettik ýnıversıtetin, Ál-Farabı atyndaǵy Qazaq ulttyq ýnıversıtetiniń aspırantýrasyn bitirgen. Saıasattaný ǵylymdarynyń kandıdaty. 1998 jyldan 2000 jylǵa deıin Qazaqstan damý ınstıtýtynyń Saıası zertteý ortalyǵynda aǵa ǵylymı qyzmetker bolyp eńbek etti. 2000-2003 jyldary Ortalyq Azııa saıası zertteý agenttiginiń dırektory, 2004-2006 jyldary terrorızmge qarsy ortalyq baǵdarlamasynyń dırektory qyzmetin atqardy. 2006-2008 jyldary Mańǵystaý oblysy ákiminiń keńesshisi boldy. 2008 jyly Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi qyzmetin atqardy. 2008-2013 jyldary «Nur Otan» partııasynyń hatshysy boldy. 2014-2017 jyldary Qazaqstannyń strategııalyq zertteýler ınstıtýtynyń basshysy. 2017-2019 jyldary «Qazaqstan» RTRK Basqarma tóraǵasy. 2019-2020 jyldary Qazaqstan Respýblıkasy Prezıdentiniń keńesshisi. 2019 jyldan bastap Qazaqstan Respýblıkasy Prezıdenti janyndaǵy Ulttyq qoǵamdyq senim keńesiniń hatshysy. 2022 jyldyń qańtar aıynan bastap qazirgi qyzmetinde.

2010 jyly «Qurmet» ordenimen marapattalǵan.

45 jyl buryn (1977) «Kazakh Tourism» ulttyq kompanııasy» AQ basqarýshy dırektory - apparat basshysy, basqarma múshesi Maııa Erbolatqyzy EGІMBAEVA dúnıege keldi.

Almaty oblysynda týǵan. Qazaq memlekettik zań ýnıversıtetin quqyqtaný mamandyǵy boıynsha bitirgen (1998); Qazaqstan Respýblıkasy Qarjy mınıstrligi janyndaǵy Qarjy akademııasynda ekonomıka jáne bıznes magıstri dárejesin aldy.

Eńbek qyzmeti: Qazaqstan Respýblıkasy Qarjy mınıstrligi Zań qyzmeti departamenti qarjy organdarynyń qyzmetin quqyqtyq qamtamasyz etý bóliminiń kommertsııalyq zańnama bóliminiń bas mamany (1998-1999); «Qazaqoıl» UK JAQ zań bóliminiń sharttyq-quqyqtyq jumys sektorynyń jetekshi mamany, zań bóliminiń aǵa zańgeri qyzmetterin atqardy (1999-2002); «QazTransOıl» JAQ zań bóliminiń zań keńesshisi (2002-2003); «QazMunaıGaz» UK» AQ quqyqtyq qamtamasyz etý basqarmasynyń aǵa zańgeri (2003-2004); zańger, «KazRosGaz» AQ bas zańgeri (2004-2006); «QazMunaıGaz» BÓ» AQ zań departamentiniń bas zańgeri, quqyqtyq qamtamasyz etý departamenti dırektorynyń orynbasary, servıstik aktıvterdi basqarý departamentiniń dırektory (2006-2012); «UCC Engineering» JShS ákimshilik máseleler jáne operatsııalyq fýnktsııalar jónindegi dırektory (2012-2013); «Astana EKSPO-2017» Ulttyq kompanııasy» aktsıonerlik qoǵamy Zań departamentiniń dırektory (2013-2014); «Astana EKSPO-2017» Ulttyq kompanııasy» AQ Basqarýshy dırektor – Zań departamentiniń dırektory (2014-2017).

2017 jyldyń qarasha aıynan bastap qazirgi qyzmetinde.


Jańalyqtar

MURAǴAT