+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

26 mamyr. QazAqparat kúntizbesi

2020 jylǵy 26 mamyr 07:00
Bólisińiz:
26 mamyr. QazAqparat kúntizbesi

NUR-SULTAN. QazAqparat - QazAqparat oqyrmandar nazaryna 2020 jylǵy 26 mamyrǵa arnalǵan kúntizbeni usynady.

Uqsas jańalyqtar
Elorda turǵyny garaj qaqpasyn urlap, temir qabyldaý ornyna ótkizip jibergen ShQO-da sharýa qojalyǵynan órt shyqty Elordada belsendi ákeler bas qosty

ESTE QALAR OQIǴALAR

1856 jyly Shoqan Ýálıhanov «Kóketaı hannyń ertegisin» alǵash ret qaǵaz betine túsirdi. Bul kún áıgili «Manas» eposynyń jazylýynyń basy retinde tarıhqa endi.

1993 jyly Túrkııanyń Ystanbul, Býrsa jáne Balakeser qalalarynda qazaq aqyny Maǵjan Jumabaevtyń týǵanyna 100 jyl tolýyna oraı poezııa kúnderi ótti.

1995 jyly Qazaqstan Respýblıkasy Prezıdenti Nursultan Nazarbaevtyń qazaq jerindegi atom qarýynyń joıylǵany jónindegi úndeýi baspasóz betinde jaryq kórdi. Semeı polıgonynyń aýmaǵynda sońǵy ıadrolyq zarıad joıyldy. Uzaq jyldar boıy kóp qasiret shekken Qazaqstan halqy halyqaralyq atom zardabynyń búkil aýyrtpalyǵyn kóterip keldi. 45 jyl boıyna derlik Semeı dalasynda 459 ıadrolyq jarylys, sonyń ishinde aýada 113 jarylys jasaldy. Radıoaktıvtik sáýle alǵan jarty mıllıonnan astam qazaqstandyqtardyń densaýlyǵy ıadrolyq jantalasa qarýlanýdyń qurbandyǵyna shalyndy.

2005 jyly Astanada Túrkııa Premer-mınıstri Rejep Erdoǵannyń resmı sapary barysynda Túrik Respýblıkasy Elshiliginiń jańa ǵımaraty qurylysynyń irgetasyn qalaý rásimi ótti.

2015 jyly ál-Farabı atyndaǵy Qazaq Ulttyq ýnıversıteti TMD elderi arasynda tuńǵysh ret bedeldi halyqaralyq COMSATS úkimetaralyq uıymynyń (Ońtústikte turaqty damý maqsattaryndaǵy ǵylym jáne tehnologııalar komıssııasy) múshesi boldy. Qazaqstandyq joǵary oqý ornyn uıymǵa qabyldaý týraly sheshim Shrı-Lanka astanasy Kolombo qalasynda ótken úılestirý keńesiniń otyrysynda qabyldandy.

2016 jyly Japonııanyń Fuji Television telekompanııasynyń «Mystery All the world» (Búkil álemniń qupııasy) baǵdarlamasy Qazaqstannyń Torǵaı dalasyndaǵy geoglıfter týraly túsirilimdi bastady. Kúnshyǵys elinde tanymal baǵdarlamanyń kórermender sany 7 mıllıon adamdy quraıdy.

2017 jyly Astanada Halyqaralyq Túrki Akademııasynyń (TWESCO) basshysy Darhan Qydyráli men Mońǵolııa Ulttyq mýzeıiniń dırektory Dagvaadorjıın Sýhbaatar Ǵylymı arheologııalyq qazba jumystaryn júrgizý týraly kelisimge qol qoıdy.

Eki uıym arasyndaǵy yntymaqtastyq memorandýmyna negizdelgen kelisim Mońǵolııanyń Henteı aımaǵynan tabylǵan kóne túrki keshenine arheologııalyq ekspedıtsııa uıymdastyrýǵa múmkindik berdi.

2017 jyly Parıjdegi Halyqaralyq epızootııalyq bıýroǵa qatysýshy elder Assambleıasynyń 85-shi jalpy otyrysynda Qazaqstan Respýblıkasy aýsyldan azat aımaq dep tanyldy. Parsy shyǵanaǵy, Iran jáne Izraıl elderi atalǵan mártebeni negizge ala otyryp, Qazaqstannyń búkil aýmaǵyna mal sharýashylyǵy ónimderin eksportqa shyǵarýǵa ruqsat berý týraly kelisimderin berdi.

2018 jyly «Toǵyzqumalaq» zııatkerlik oıynynyń mobıldi qosymshasyn oılap tapqan Ernar Shambaev zııatkerlik oıyndy damytýǵa qosqan úlesi úshin marapattaldy.

Baǵdarlamashy Ernar Shambaev Android jáne Windows operatsııalyq júıelerine arnalǵan qosymshany ázirledi. Mobıldi qosymsha zııatkerlik oıyndardyń áýesqoılary arasynda tanymal qyzyǵýshylyq týdyryp, Chehııada (2013), Frantsııada (2014), Qyrǵyzstanda (2015) jáne Qazaqstanda (2017) ótken kompıýterlik baǵdarlamalar arasyndaǵy álem chempıonattarynda 4 ret birinshi oryndy ıelendi.


Bizdiń kanalymyzǵa jazylyńyz:

#Oqıǵa   #Qoǵam  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT