+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

26 qyrkúıek. QazAqparat kúntizbesi

2021 jylǵy 26 qyrkúıek 07:00
Bólisińiz:
26 qyrkúıek. QazAqparat kúntizbesi

NUR-SULTAN. QazAqparat – QazAqparat oqyrmandaryna 2021 jylǵy 26 qyrkúıekke arnalǵan kúntizbesin usynady.

Uqsas jańalyqtar
16 qazan. QazAqparat kúntizbesi 15 qazan. Týǵan kún ıeleri 15 qazan. QazAqparat kúntizbesi

Qazaqstan Respýblıkasynda Eńbek kúni

Qyrkúıek aıynyń sońǵy jeksenbisinde atap ótilip, 2013 jylǵy qarashada Respýblıka Prezıdentiniń Jarlyǵymen jumysshy mamandyqtaryna qurmet kórsetý dástúrlerin jańǵyrtý jáne erte jastan eńbektiń mańyzdylyǵyn túsiný maqsatynda belgilendi.

Sonymen bir mezgilde «Eńbek ardageri» medali taǵaıyndalyp, ol óziniń eńbek qyzmetinde joǵary nátıjelerge qol jetkizgen óndiris ozattaryna, 40 jyldan astam ótili bar, bir salada keminde 10 jyl jumys istegen qyzmetkerlerge tabys etiledi.

Qazaqstan Respýblıkasynda mashına jasaý kúni

Jyl saıyn qyrkúıektiń sońǵy jeksenbisinde atap ótiledi. Mereke óz tarıhyn keńes zamanynan beri júrgizip keledi. Ony tek Qazaqstanda ǵana emes, Reseı, Belarýs, Qyrǵyzstan mashına jasaýshylar da atap ótedi. Ol KSRO Joǵarǵy Keńesi Prezıdıýmynyń 1980 jylǵy 1 qazandaǵy № 3018 «Merekelik jáne estelik kúnder týraly» Jarlyǵymen quryldy.

Mashına jasaý kúni 2017 jylǵy 31 qazanda QR premer-Mınıstri Baqytjan Saǵyntaev bekitken 46 merekelik kúnderdiń qataryna endi dep QR Úkimetiniń № 689 «Qazaqstan Respýblıkasyndaǵy merekelik kúnderdiń tizbesin bekitý týraly» Qaýlysyna qol qoıdy.

Dúnıejúzilik ózender kúni

Bul mereke qyrkúıektiń sońǵy jeksenbisinde atap ótiledi. Mereke ózenderdiń jaǵdaıyn jaqsartý úshin 2005 jyly – BUU «Sý – ómir úshin» is-áreketiniń halyqaralyq onjyldyǵynyń bastalǵanyn jarııalaǵan jyly belgilendi. Bul naýqan qoǵamnyń nazaryn planetanyń barlyq sý resýrstaryna degen qamqorlyqty jaqsartý maqsatynda bastaldy.

Dúnıejúzilik qorshaǵan ortanyń saýlyǵy kúni

2011 jyly Indonezııada alǵash ret qorshaǵan orta saýlyǵy kúni merekelendi. Osyǵan baılanysty Indonezııanyń belsendi stýdentteri mereke gımnin shyǵardy da, ony ashylý rásiminde oryndady. 2012 jyly bul shara Afrıka men Eýropanyń birqatar elderinde atap ótildi. 2013 jyly merekege kanadalyq, brıtanııalyq, avstrıalııalyq, amerıkalyq, azııalyq belsendiler qosyldy.

Dúnıejúzilik kontratseptsııa kúni

2007 jyly 26 qyrkúıekte reprodýktıvti densaýlyq máselelerimen aınalysatyn birqatar uıymdardyń bastamasy boıynsha Dúnıejúzilik kontratseptsııa kúni alǵash ret atap ótildi. Onyń maqsaty – josparlanbaǵan júktiliktiń joǵary deńgeıin tómendetý.

Halyqaralyq sańyraýlar kúni

Jyl saıyn qyrkúıektiń sońǵy jeksenbisinde atalyp, 1951 jyly Dúnıejúzilik sańyraýlar federatsııasynyń qurylýyna oraı quryldy. Kúnniń maqsaty – halyqaralyq qoǵamdastyqtyń sańyraý adamdardyń kúndelikti kezdesetin problemalary týraly habardarlyǵyn arttyrý.

Halyqaralyq ıadrolyq qarýdy tolyǵymen joıý úshin kúres kúni

BUU Bas Assambleıasynyń tıisti qararymen 2013 jyldyń jeltoqsanynda bekitildi.

Eýropa tilderi kúni

2002 jyldan bastap atap ótiledi. 2001 jyldyń 6 jeltoqsanynda Eýropada tilder jyly aıasynda bul merekeni Eýropa keńesi jarııalap, Eýropalyq keńes qoldaýyna ıe boldy. Eýropa tilderi kúniniń mindeti – ony saqtap qalý maqsatynda tilderdi oqý, meńgerý máselesine qoǵamnyń nazaryn aýdarý.

ESTE QALAR OQIǴALAR

1997 jyly Qazaqstan Respýblıkasynyń Prezıdentiniń Jarlyǵymen «Farmatsevtıka jáne medıtsına ónerkásibin damytý memlekettik baǵdarlamasy» bekitildi.

2002 jyly ıÝNESKO sheńberinde atap ótiletin ejelgi Uly Jibek joly boıyndaǵy mádenıet pen ǵylym órkendegen kóne Tarazdyń 2000 jyldyǵyna arnalǵan merekelik sharalar bastaldy. Ortalyq alańda Báıdibek Qarashaulynyń úlken eskertkishi ashylyp, Murajaı men Taraz ýnıversıteti janynan sáýlet óneriniń sońǵy jetistikteri úlgisimen salynǵan Muhammed Qaıdar Dýlatı atyndaǵy Jastar saraıy paıdalanýǵa berildi. Burynǵy Hımıkter saraıy jańǵyrtylyp, Balasaǵun atyndaǵy saraı bolyp qaıta ashyldy. Osy kúni qoıylǵan teatrlandyrylǵan kóriniske qalanyń 6 myńnan astam ónerpazy qatysty.

2003 jyly Qazaqstan Respýblıkasy Prezıdenti Abaı atyndaǵy Almaty memlekettik ýnıversıtetine ulttyq mártebe berý týraly Jarlyqqa qol qoıdy. Búgingi tańda ýnıversıtettiń 10 fakýltetinde 63 mamandyq boıynsha kadrlar daıarlanyp, 14 myńnan astam stýdent, 650 aspırant, doktoranttar jáne ǵylymı izdenýshiler dáris alady. 63 kafedrada 1 100 oqytýshy bar, onyń 226-sy – ǵylym doktory, professory, 550-i – ǵylym kandıdattary men dotsentter.

2005 jyly «Roc Astro» aspan deneleriniń tizilimine Bıkesh shoqjuldyzynda úlkendigi boıynsha toǵyzynshy juldyzǵa «ANPZ» – Atyraý munaı óńdeý zaýyty esimi berildi.

2011 jyly tanymal qyrǵyz ǵalymy Maksýt Sartbaev Dúnıejúzilik qazaqtar qaýymdastyǵyna otbasylyq ǵylymı eńbekterin berdi. M. Sartbaev – geologııa men metallogenııa salasyndaǵy tanymal ǵalym ǵana emes, kórshi memlekettegi qazaq dıasporasy týraly eńbekterdiń alǵashqy avtory.

2012 jyly Sh. Aımanov atyndaǵy «Qazaqfılm» AQ-nyń «Ańshy bala» kınokartınasy HHІ ashyq halyqaralyq festıval aıasynda «KınoMalyShok» baıqaýynda «eń úzdik» fılm atandy.

2014 jyly «Qaırat» klýbynyń jastar akademııasyna aty ańyzǵa aınalǵan qazaq fýtbolshysy, KSRO sport sheberi, Qazaq SSR jáne Qazaqstannyń eńbek sińirgen bapkeri Temir Segizbaevtyń esimi berildi.

2015 jyly Qazaqstan Respýblıkasynyń Prezıdenti Nursultan Nazarbaev Birikken Ulttar Uıymy Bas Assambleıasynyń 70-sessııasyna qatysý úshin Nıý-Iork qalasyna bardy. Shara barysynda Nursultan Nazarbaev kóptegen memleketter men úkimetterdiń, sondaı-aq AQSh-tyń birneshe iri kompanııalarynyń basshylarymen kezdesti.

2015 jyly Mılanda ótken «EKSPO-2015» kórmesiniń Qazaqstan pavılonyna kelgenderdiń sany 8 mıllıonnan asty. Sonyń 9 myńy erekshe mańyzdy tulǵalar boldy. Olardyń ishinde Qazaqstan Respýblıkasynyń Prezıdenti Nursultan Nazarbaev, Monako knıazy ІІ Alber, Qytaı Halyq Respýblıkasy premer-mınıstriniń orynbasary Van ıAng, Qazaqstannyń «Astana PRO Team» kásipqoı velokomandasy, sondaı-aq EKSPO-2015 kórmesine qatysqan elderdiń mınıstrleri kelgenin erekshe atap kórsetken jón.

Otandyq pavılonǵa «Taqyryp pen kontentti úzdik ashý» atalymy boıynsha nagrada tabystaldy. «EKSPO-2015» kórmesiniń taqyryby «Ǵalamshardy azyqtandyrý. Ómir úshin energııa» boldy.

Qazylar alqasynyń pikirinshe, qazaqstandyq pavılonnyń mazmundy bóligi kórme taqyrybyn ashyp, sondaı-aq kelýshilerdi eldiń agromádenıeti, geografııasy, dástúrleri, azyq-túlikpen qamtamasyz etý erekshelikteri jáne ulttyq ashanasymen jetkilikti tanystyra aldy.

Bizdiń elimizdiń pavılony kórme boıy kelýshiler sany eń kóp bolyp, kórme komıtetiniń uıymdastyrǵan daýys berý qorytyndylary boıynsha kósh bastap turdy. Kún saıyn munda shamamen 5 myń adam keldi, pavılonǵa kelýge nıet bildirgen qonaqtardyń kezegi ol jabylǵansha azaımady.


Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT