+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

26 qańtar. Týǵan kún ıeleri

2020 jylǵy 26 qańtar 08:08
Bólisińiz:
26 qańtar. Týǵan kún ıeleri

NUR-SULTAN. QazAqparat - Búgin, ıaǵnı 26 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

72 jyl buryn (1948) Qazaqstan fantast-jazýshylary qaýymdastyǵynyń prezıdenti, aýdarmashy, Qazaqstan Jazýshylar odaǵynyń múshesi Narbın KENJEǴULOVA dúnıege keldi.

Shyǵys Qazaqstan oblysynda týǵan. Qazaq memlekettik ýnıversıtetin bitirgen. «Qazaqstan aýyl sharýashylyǵy» jýrnalynyń bólim meńgerýshisi, Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń jetekshi mamany, Respýblıkalyq kitap palatasy dırektorynyń orynbasary, Jazýshylar odaǵynda kórkem aýdarma jáne ádebı baılanystar alqasynyń bólim meńgerýshisi qyzmetterin atqarǵan. 1994 jyldan Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetinde ustazdyq qyzmette bolǵan. Shyǵarmalaryn qazaq jáne orys tilderinde jazady. «Moıylqara», «Qıyn sheshim», «Jeruıyqqa saıahat», «Qyzyl sáýle», t.b. fantastıkalyq shyǵarmalar jınaqtarynda onyń áńgime-povesteri jarııalanǵan. Keıingi jyldary «Dorogý osılıt ıdýıı» ǵumyrnamalyq hıkaıaty, T.Aıtbaıulynan tárjimalaǵan «Myń bir tún jáne myń bir kún» romany jaryq kórgen.

64 jyl buryn (1956) Tehnıka ǵylymdarynyń doktory, professor, akademık, Mıneraldy shıkizattardy keshendi qaıta óńdeý jónindegi ulttyq ortalyqtyń bas dırektory Ábdirásil Aldashuly JÁRMENOV dúnıege keldi.

Qazirgi Túrkistan oblysynda týǵan. S. Kırov atyndaǵy Qazaq memlekettik ýnıversıtetiniń hımııa fakýltetin bitirgen.

Ońtústik Qazaqstan oblysynda (qazirgi Túrkistan oblysynda) týǵan. 976 jyly S.M. Kırov atyndaǵy Qazaq ulttyq ýnıversıtetiniń hımııa fakýltetin bitirdi.

Eńbek joly: QazKSRO ǴA Hımııa-metallýrgııa ınstıtýtynda (1976-1993 jj.) aǵa laboranttan bastap, ınjener, kishi, aǵa ǵylymı qyzmetker, laboratorııa, bólim meńgerýshisi, Qaraǵandy memlekettik ýnıversıtetiniń analıtıkalyq hımııa kafedrasynyń meńgerýshisinen (1985-1987 jj.) Bas dırektordyń birinshi orynbasaryna deıingi kásibı ósý satysynan ótti, al 1999 jyldan «Qazaqstan Respýblıkasy mıneraldyq shıkizaty keshendi qaıta óńdeý jónindegi ultyq ortalyǵy» RMK Bas dırektory.

«Qurmet» ordeniniń ıegeri (2000 j.), Qazaqstan Respýblıkasynyń bilim, tehnıka jáne ǵylym salasyndaǵy Memlekettik syılyǵynyń eki márte laýreaty (2001, 2015 j.), «Tarlan» syılyǵynyń laýreaty (2003 j.), E.A.Bóketov atyndaǵy syılyq (2005 j.), akademık Ý.A.Joldasbekov atyndaǵy syılyq pen altyn medal (2011 j.) ıegeri. «Astananyń 10 jyldyǵy» merekelik medali, «KSRO ónertapqyshy» (1980 j.) jáne «Qazaqstan Respýblıkasy ǵylymynyń damýyna qosqan úlesi úshin» keýde belgileri, Qazaqstan Respýblıkasnyń Birinshi prezıdenti altyn metali (2011 j.), «Qazaqstan Respýblıkasy táýelsizdiginiń 20 jyldyǵy» medali (2011 j.). Túrkistan qalasynyń qurmetti azamaty.

59 jyl buryn (1961) Almaty qalasy Medeý aýdanynyń ákimi Sultanbek Almasbekuly MÁKEJANOV dúnıege keldi.

Jambyl oblysy Merke aýdanynda týǵan. Tselınograd ınjener-qurylys ınstıtýtyn, Halyqaralyq eńbek akademııasyn támamdaǵan.

1993-1998 jyldary - «Astana-bank» AQ basqarma tóraǵasynyń orynbasary, «Qazaqınvest» korporatsııasynyń vıtse-prezıdenti. 1998-2002 jyldary kásipkerlikpen aınalysty. 2002-2004 jyldary - Mańǵystaý oblysy ákiminiń kómekshisi, apparat basshysy. 2004-2006 jyldary - « Nur Otan» partııasy Mańǵystaý oblystyq fılıalynyń tóraǵasy, Mańǵystaý oblysy ákiminiń orynbasary, Almaty qalasy ákimi apparatynyń jetekshisiniń orynbasary qyzmetterin atqarǵan. 2006-2010 jyldary - Almaty qalasy tabıǵı resýrstar jáne tabıǵatty paıdalanýdy retteý basqarmasynyń bastyǵy. 2010-2016 jyldary - Almaty qalasy Medeý aýdanynyń ákimi. 2016-2019 jyldary – Almaty qalasy ákiminiń orynbasary.

Qazirgi qyzmetinde – 2019 jyldyń sáýir aıynan bastap.


58 jyl buryn (1962) Qazaqstan Respýblıkasy Parlament Májilisi VI shaqyrylymynyń depýtaty, Ekologııa jáne tabıǵatty paıdalaný máseleleri jónindegi komıtettiń múshesi Darhan Qamzabekuly MYŃBAI dúnıege keldi.

Ońtústik Qazaqstan oblysynyń Túlkibas aýdanynda týǵan. 1985 jyly M.V. Lomonosov atyndaǵy Máskeý memlekettik ýnıversıtetin jýrnalıst mamandyǵy boıynsha bitirdi; 2006 jyly Shymkent ýnıversıtetin ekonomıst mamandyǵy boıynsha bitirgen. Tehnıka ǵylymdarynyń kandıdaty. 1978-1979 jyldary - Shymkent oblysy Saıram aýdany «Qaınarbulaq» ujymsharynyń V.I. Lenın atyndaǵy bólimshesinde jumysshy. 1985 jyldan - Odaqtyq jáne sheteldik baspaǵa arnalǵan Bas aqparat redaktsııasynyń (QazKSR Mınıstrler Keńesi janyndaǵy Aqparattyq agenttik- QazTAG) redaktory, 1986 jyldan - aǵa redaktory, 1989 jyldan - odaqtyq baspaǵa arnalǵan aqparat redaktsııasynyń aǵa baqylaýshy ádebı redaktory. 1990 jyldan - QazKSR Joǵarǵy Keńesiniń Aktilerdi jarııalaý bóliminiń aǵa keńesshisi. 1992 jyldan - QazKSR Joǵarǵy Keńesiniń redaktsııalyq-baspa bóliminiń aǵa referenti. 1994 jyldan - «Órken- Gorızont» respýblıkalyq gazetiniń bas redaktory. 1996 jyldan - «Qazaqstan teledıdary jáne radıosy» Respýblıkalyq korporatsııasynyń vıtse-prezıdenti. 1997 jyldan - Shyǵarmashylyq qyzmetti jáne oblystyq teleradıokompanııalarmen jumysty úılestirý jónindegi basqarmanyń bastyǵy. 1997 jyldan - OQO ákiminiń orynbasary. 2002 jyldan - OQO jastar isi jáne ishki saıasat departamentiniń bastyǵy. 2004 jyldan - OQO Túlkibas aýdanynyń ákimi. 2006 jyldan - OQO ákimniń orynbasary. 2008 jyldan - QR mádenıet jáne aqparat vıtse-mınıstri. 2008-2012 jyldara aralyǵynda QR Prezıdenti Ákimshiliginiń ishki saıasat bóliminiń meńgerýshisi bolǵan. 2012 jyldyń qańtar aıynda Qazaqstan Respýblıkasynyń Mádenıet jáne aqparat mınıstri bolyp taǵaıyndaldy; Qazaqstan Respýblıkasy Ulttyq mýzeıiniń dırektory (2013-2017).

Qazirgi laýazymyn 2017 jylǵy naýryzdan beri atqaryp keledi.

«Qurmet» ordenimen (2009); «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» (2006) medaldarymen marapattalǵan.

42 jyl buryn (1978) Súleıman Demırel atyndaǵy ýnıversıtettiń prezıdenti Meıirbek Sabyruly MÁJITOV dúnıege keldi.

Aqmola oblysy Kókshetaý qalasynda dúnıege kelgen.

Kókshetaý memlekettik ýnıversıtetiniń shetel tilderi fakýltetin aıaqtaǵan. 2008 jyly KIMEP magıstratýrasyn «basqarýshy kadrlar úshin bıznes-ákimshilik etý» mamandyǵy boıynsha támamdaǵan.

Kommertsııalyq qurylymdar men úkimettik emes uıymdarda túrli basqarýshy laýazymdarda bolǵan. 2006 jyly «QAZKA» Qazaqstan Kásipkerleri qaýymdastyǵyn qurýǵa qatysyp, onda Bas dırektor laýazymyn atqardy.

Elordalyq Kásipkerler palatasyn 2013-2015 jyldary basqardy. Astanadaǵy bıznes-qoǵamdastyq arasynda tanymal birqatar jobalardyń bastamashysy bolyp tabylady («Startup Forým», «Astanalyq jumysbastylyq forýmy» jáne basqalary). 2015-2016 jyldary QR Syrtqy saýda palatasy basqarmasynyń tóraǵasy, TMD elderiniń saýda-ónerkásip palata basshylary keńesiniń tóraǵasy.

Qazirgi qyzmetinde – 2017 jyldyń tamyz aıynan bastap.

39 jyl buryn (1981) Qazaqstan Respýblıkasy Qaýipsizdik Keńesiniń Sıtýatsııalyq ortalyǵynyń meńgerýshisi Erlan Satybaıuly ÁBDAQASOV dúnıege kelgen.

Qaraǵandy qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen, zań magıstri (2003); Qaraǵandydaǵy «Bolashaq» ózekti bilim berý ınstıtýtyn tamamdaǵan, qarjy bakalavri (2007). Eńbek joly: Qaraǵandy oblysy ákimi apparatynyń jetekshi mamany (2003-2005); Qaraǵandy oblysy ákimi apparatynyń memlekettik-quqyqtyq bóliminiń jetekshi mamany (2005-2006); Qazaqstan Respýblıkasy Ádilet mınıstrliginiń Din isteri komıtetiniń dinı birlestikter qyzmetin baqylaý bóliminiń bastyǵy (2006-2007); Qazaqstan Respýblıkasy Qaýipsizdik Keńesinde sarapshy, bas sarapshy, konsýltant, hatshylyq sektorynyń meńgerýshisi (2007-2014); Qazaqstan Respýblıkasy Din isteri agenttigi tóraǵasynyń orynbasary (01.2014-08.2014).

Qazirgi laýazymyn 2016 jylǵy qarashadan beri atqaryp keledi.

«Qazaqstan Respýblıkasynyń táýelsizdigine 20 jyl» (2011), «Ereń eńbegi úshin» (2012) medaldarymen marapattalǵan.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT