2500-den astam dombyrashy qazaqtyń tanymal kúılerin bir mezette oryndady
2022 jylǵy 1 shilde 19:24

2500-den astam dombyrashy qazaqtyń tanymal kúılerin bir mezette oryndady

NUR-SULTAN. QazAqparat - 2500-den astam dombyrashy bir mezette qazaqtyń tanymal kúılerin oryndady. Bul týraly QazAqparat «AMANAT» partııasyna silteme jasap habarlaıdy.

Ulttyq dombyra kúni qarsańynda Jastar qanaty respýblıkalyq «Dombyra party» aktsııasyn uıymdastyrdy. Búginde elimiz boıynsha 2500-den astam dombyrashy qazaq kúılerin oryndady. Aktsııaǵa «Altyn dombyra» óner ortalyǵynyń 200-den astam oqýshysy elorda tórinde qosyldy.

Bas qalada ótken aktsııada «Altyn dombyra» óner ortalyǵynyń shákirtteri «Erke sylqym», «Adaı», «Balbyraýyn», «Áke tolǵaýy» sııaqty shyǵarmalardy oryndady.

Sondaı-aq óner ortalyǵynyń jetekshisi Ibragım Eskendir jas dombyrashylarmen birge «Kók týdyń jelbiregeni» kompozıtsısyn akapella túrinde aıtty. Shara barysynda uıymdastyrýshylar «Qasıetti dombyra» atty aýqymdy baıqaý bastaý alatynyn aıtty.

Baıqaý 10-15 jas aralyǵyndaǵy jasóspirimder men 16-35 jas aralyǵyndaǵy jastar arasynda ótedi. Ol ótinimderdi qabyldaý, oflaın tyńdaý jáne fınal bolyp úsh kezeńnen turady. Ótinimder 31 shildege deıin qabyldanady. Baıqaý týraly tolyq aqparatty partııajastar uıymynyń áleýmettik jelilerdegi resmı paraqshalarynan taba alasyzdar.


Foto: amanatpartiasy.kz
Seriktester jańalyqtary

Jańalyqtar

Úrdis

MURAǴAT