+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

25 tamyz. QazAqparat kúntizbesi

2019 jylǵy 25 tamyz 07:00
Bólisińiz:
25 tamyz. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 25 tamyzǵa arnalǵan kúntizbesin usynady.

ATAÝLY KÚNDER

Qazaqstanda shahterlar kúni

Ár jyly tamyzdyń sońǵy jeksenbisinde osy kásibı mereke atap ótiledi. Bul kún QR Prezıdenti Nursultan Nazarbaev qol qoıǵan «Qazaqstan Respýblıkasyndaǵy kásiptik jáne ózge de merekeler týraly» QR Prezıdentiniń 2013 jylǵy 15 qarashadaǵy №1226 Jarlyǵynyń qosymshasyna engen. Shahterlar kúnin Reseı, Qyrǵyzstan, Ýkraına, Belarýs elderi de atap ótedi.

ESTE QALAR OQIǴALAR

1994 jyly Almatyda «Nemis úıi» ashyldy.

2009 jyly Astanadaǵy Ýspen kafedraldy soborynyń basyna kúmbez ornatyldy. Ýspen0 – Ortalyq Azııadaǵy eń iri ári sońǵy jıyrma jylda salynǵan birden-bir sobor. Oǵan 4 myń adam syıady, aýdany 900 sharshy metr, kúmbeziniń eń bıik joǵary jerden 68 metr bıikte.

2010 jyly Keden odaǵynyń komıssııasy KO sertıfıkattaý organdary jáne synaq zerthanalarynyń biryńǵaı tizilimin bekitti.

2010 jyly Qazaqstanda joǵalǵan jáne tabylǵan qujattardyń, buıymdardyń, janýarlardyń, sondaı-aq iz-túzsiz ketken adamdardyń biregeı derekter bazasy quryldy. Jobaǵa «PANıKa» JShS bastamasysh boldy.

2010 jyly Pavlodardaǵy Hrısto-Rojdestvensk hramynyń fýndamentin jóndep jatqan jumysshylar kúmis jáne melhıordan jasalǵan 50 ashana buıymyn taýyp aldy. Pyshaqtardyń sabyndaǵy latyn jazýyna qaraǵanda, olardy ótken ǵasyrdyń basynda sheteldik sheberler jasaǵan bolýy múmkin.

2011 jyly Almatyda SSSR jáne QazSSR halyq ártisi, Halyq qaharmany Roza Baǵlanova turǵan úıge ánshige arnalǵan eskertkish taqta ornatyldy.

2011 jyly Ralf Dıýımovıtstiń basshylyǵymen halyqaralyq komanda quramynda belgili qazaqstandyq alpınıster Maqsut Jumaev pen Vasılıı Pıvtsov Djomolýngmadan keıingi ekinshi shyń (8611 metr) - álemdegi eń kúrdeli taý shyńdarynyń biri Chogorıdi (K2) eńserdi.

2016 jyly Qazaqstannyń Ulttyq mýzeıinde «Uly Dala tarıhy» kórmesi ashyldy. Oǵan Máńgilik Eldiń negizin qalap, buǵanasyn bekitken tarıhı tulǵalardyń, danyshpan bıleýshiler men batyrlardyń portretteri qoıyldy.

Kórmeni uıymdastyrýdaǵy basty maqsat – jastardyń otansúıgishtik sezimin oıatý, Uly Dala tulǵalarynyń tarıhı beıinesin qaıta jańǵyrtý.

2016 jyly Astana qalasy ákimdigi men tilderdi damytý basqarmasy uıymdastyrǵan buqaralyq aqparat quraldary arasyndaǵy «Til tuǵyry-2016» baıqaýynyń nátıjesi boıynsha, «QazAqparat» halyqaralyq aqparat agenttigi qazaq tilindegi, sondaı-aq, basqa elderde jańalyq taratý maqsatynda latyn jáne arabsha tóte jazý álipbıinde materıaldar jarııalaǵany úshin «Memlekettik til qoldanysyn keńeıtýge úles qosqan BAQ» atalymy boıynsha úzdik dep tanyldy.

2017 jyly «Eýrazııa aptasy» halyqaralyq ekonomıkalyq forýmy aıasynda «QazAqparat» halyqaralyq aqparat agenttigi Eýrazııalyq ekonomıkalyq komıssııasynyń marapatyna ıe boldy. Forýmǵa qatysý úshin Astanaǵa álemniń 42 elinen memlekettik bılik organdarynyń, iskerlik toptar men bıznes qoǵamdastyqtyń ókilderi keldi. Jalpy sharaǵa eki myńnan astam adam jınaldy.

2017 jyly Halyqaralyq Túrki akademııasynyń prezıdenti Darhan Qydyráli Vengrııanyń asa joǵary marapattarynyń biri – «Qyzmeti úshin» ordenimen nagradtaldy. Ol premer-mınıstrdiń usynysymen, belgili túrkolog ǵalym Ishtvan Qońyr Mandokıdiń eńbekterin saqtaý jáne ǵylymı, mádenı yntymaqtastyqty nyǵaıtýǵa qosqan úlesi úshin marapattaldy.

2017 jyly Tatarstan Respýblıkasynyń prezıdenti Rýstam Mınnıhanov Almaty oblysyndaǵy tatar etnomádenı ortalyǵynyń ókilderimen kezdesýde oblys ákimi Amandyq Batalovqa Árip Táńirbergenovtiń «Birjan sal men aqyn Saranyń aıtysy» atty qoljazbasynyń baspa jáne elektrondy kóshirmesin tabystady.

2017 jyly Qazaqstannyń aǵzasyna transplantatsııa jasatqan naýqastardyń «Ómir tynysy» qoǵamdyq birlestigi Dúnıejúzilik transplantatsııadan keıingi sport federatsııasynyń (World Transplant Games Federation) múshesi boldy. Bul qazaqstandyq retsıpıentterdiń atalǵan uıym aıasynda álemdik deńgeıde ótetin dodalarǵa qatysýyna múmkindik beredi.

2017 jyly Aqtaýdaǵy Nurmuhan Jantórın atyndaǵy mýzykalyq-drama teatrynda Kaspıı jaǵalaýy elderiniń I halyqaralyq teatr festıvali saltanatty túrde ashyldy. Festıvaldiń maqsaty - Kaspıı jaǵalaýy elderiniń teatr óneri salasyndaǵy yntymaqtastyǵyn kúsheıtý men mádenı jáne rýhanı baılanystardyń odan ári nyǵaıýyna úles qosý; teatr ónerin damytý jáne teatrlardyń shyǵarmashylyq bastamalaryn yntalandyrý; birlesken shyǵarmashylyq jobalarǵa jáne kásibı qarym - qatynasqa jaǵdaı jasaý; jurtshylyq nazaryn qazirgi zamanǵy jańa teatrlyq úderiske aýdarý.

Festıvalǵa Kaspıı jaǵalasynda otyrǵan Reseı, Ázerbaıjan, Iran jáne Qazaqstannyń kásibı drama jáne mýzykalyq-drama teatrlary qatysty.

2017 jyly qazaqstandyq jeńil atlet Olga Rypakova Shveıtsarııanyń Tsıýrıh qalasynda ótken «Gaýhar lıga» kezeńinde sátti óner kórsetti. Olımpıada chempıony úsh qarǵyp sekirýden 14 m 55 sm nátıjemen birinshi oryndy ıelendi.

2018 jyly «Rýhanı jańǵyrý» baǵdarlamasy aıasynda Kókshetaýdyń irgesindegi Birlik kentindegi kóshege Qanjyǵaly Bógenbaı batyrdyń nemeresi Bapan bıdiń esimi berildi. Bapan bı 1755 jyly Ereımentaýda týyp, 1849 jyly dúnıe salǵan. Beıiti Qorjynkóldiń jaǵasynda. Bapan bı - qazaqtyń ataqty bıi, sońynda ólmes ónelgeli sózderi men jaqsy isteri qalǵan tarıhı tulǵa.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT