25 maýsym. Týǵan kún ıeleri
2022 jylǵy 25 maýsym 08:10

25 maýsym. Týǵan kún ıeleri

NUR-SULTAN. QazAqparat - QazAqparat 25 maýsymǵa arnalǵan «Týǵan kún ıeleri» kúntizbesin usynady.

ESІMDER

129 jyl buryn (1893-1938) aqyn, jazýshy, pedagog Maǵjan JUMABAEV dúnıege kelgen.

Soltústik Qazaqstan oblysynyń Býlaev aýdanynda týǵan. Áýeli aýyl moldasynan sabaq alady. Budan soń ákesi Beken Maǵjandy Qyzyljardaǵy Begishev medresesine oqýǵa beredi. Musylmandyq ortasha dárejeli bilim beretin bul medreseni bes jyldaı oqyp bitirgen soń, 1910-1913 jyldary Ýfa qalasynda «Ǵalııa» medresesinde oqıdy. Osynda júrip «Sadaq» jýrnalyn shyǵarýǵa aralasyp, óziniń óleńderin jarııalaıdy. Abaıdyń óleńder jınaǵymen tanysady, tatar aqyn-jazýshylarymen dostasady. Arab, parsy, túrik tilderin oqyp úırenýin jalǵastyrady. Orys tilinen sabaq alady. Abaı úlgisimen Shyǵys pen Batys poezııasynan birdeı nár alady.

1913-1917 jyldary Ombydaǵy muǵalimder daıarlaıtyn semınarııada oqyp, ony úzdik bitiredi. Ombyda oqyp júrgen kezinde sondaǵy jastarmen tize qosyp, «Birlik» ádebı úıirmesin qurýǵa qolǵabys etip, onyń «Balapan» atty qoljazba ádebı jýrnalyn redaktsııalaıdy. 1917-1923 jyldary «Bostandyq týy», «Aqjol» gazetterinde jáne «Sholpan» jýrnalynda eńbek ete júrip, halyq aǵartý jumysyna belsene aralasady. 1923-1926 jyldary Máskeýde kórkem ádebıet ınstıtýtynda oqıdy. 1927-1929 jyldary Býrabaıda, odan soń Petropavlda oqytýshylyq qyzmetter atqarady.

1912 jyly Qazan shaharynda «Sholpan» atty óleńder jınaǵy jaryq kóredi. «Batyr Baıan», «Oqjetpestiń qııasynda», «Qoılybaıdyń qobyzy», «Ótirik ertegi», «Shyn ertegi» poemalarynda adam janynyń, psıhologııalyq álemniń qupııa syrlaryn, ıirimderin, damý dıalektıkasyn asqan sheberlikpen kestelep órnekteı bilgen. Keńes jyldary eki óleńder jınaǵyn jarııalady. Alǵashqysy - 1922 jyly Qazanda, ekinshisi Tashkentte basylyp shyqqan. Mektep oqýshylaryna, muǵalimderge arnap «Pedagogıka», «Bastaýysh mektepte ana tilin oqytý jóni» eńbekterin jarııalaǵan.

1929 jyly M.Jumabaev «Alqa» atty jasyryn uıym qurdy degen aıyptaýlarmen Máskeýdegi Býtyrka túrmesine qamalyp, 10 jyl aıdaýǵa kesilgen. 1936 jyly M. Gorkıı jáne E. Peshkovanyń aralasýymen bostandyq alyp, Qazaqstanǵa oralyp, Petropavl qalasyndaǵy mektepte orys tili men ádebıetinen sabaq bergen. 1937 jyly naýryzda Maǵjan Jumabaev Almatyǵa kelip, aýdarma isimen aınalysqan. 1938 jyly qaıtadan qamaýǵa alynyp, atý jazasyna kesildi. M. Jumabaevtyń «Alystaǵy baýyryma» óleńin Mustafa Shoqaı «ıAsh Túrkistan» jýrnalynda jarııalaı otyryp, ony túrkishildik kúresi úshin eń paıdaly óleń dep baǵalaǵan.

Qazaqstanda M.Jumabaev shyǵarmalary 1989 jyly ǵana qaıtadan jarııalana bastady. Almaty, Astana jáne Petropavl qalalaryndaǵy kóshelerge Maǵjan Jumabaev esimi berilgen. Petropavl qalasynda jáne aqynnyń týǵan aýylynda eskertkish qoıylǵan. Soltústik Qazaqstan oblysynyń burynǵy Býlaev aýdany M. Jumabaev aýdany bolyp ataldy. Halyqaralyq Túrki akademııasy 2018 jyldy «Maǵjan Jumabaev jyly» dep jarııalady.

61 jyl buryn (1961) Shymkent qalasy ákiminiń orynbasary Erǵalı Dáýletbekuly BІLІSBEKOV dúnıege keldi.

Shymkent qalasynda týǵan. Bilimi joǵary, mamandyǵy boıynsha mádenı-aǵartý jumysynyń jetekshisi, ekonomıst, qurylys mamany.

Eńbek joly: 1978-1983 jyldary – Shymkent qalasyndaǵy «Kazgalantereıtorg» bazasynda jumysshy. 1983-1984 jyldary – Shymkent qalasyndaǵy OKTÝ-38 oqý ornynda pedagog-tárbıeshi. 1984-1988 jyldary – Shymkent qalalyq pedagogıkalyq mádenıet ınstıtýtynyń komsomol komıtetiniń hatshysy. 1988-1990 jyldary – Shymkent qalalyq pedagogıkalyq mádenıet ınstıtýtynyń kafedra meńgerýshisiniń orynbasary — aǵa laborant. 1990-2008 jyldary – Shymkent qalasyndaǵy birqatar kásiporyndarda basshylyq etken. 2008-2011 jyldary – Shymkent qalasy ákiminiń orynbasary. 2011-2012 jyldary – Astana qalasynda QR Premer-Mınıstri Keńsesiniń uıymdastyrý-jumystary jáne aýmaqtyq damý bóliminiń bas ınspektory. 2012-2014 jyldary – Astana qalasynda QR Premer-Mınıstri Keńsesiniń aımaqtyq damý bóliminiń bas ınspektory. 2014-2017 jyldary – QR tutynýshylardyń quqyqtaryn qorǵaý agenttiginiń Ońtústik Qazaqstan oblystyq tutynýshylardyń quqyqtaryn qorǵaý departamentiniń basshysy. 2017-2018 jyldary – Ońtústik Qazaqstan oblysynyń memlekettik satyp alý basqarmasynyń basshysy. 2018-2020 jyldary – Túrkistan oblysynyń memlekettik satyp alý basqarmasynyń basshysy.

Qazirgi qyzmetinde 2020 jyldyń qarashasynan bastap.

59 jyl buryn (1963) Qazaqstan Respýblıkasy Parlamentiniń Senat depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi Súıindik Tasemenuly ALDAShEV dúnıege keldi.

Túrikmen KSR Krasnovodsk qalasynda týǵan. 1986 jyly I.M.Gýbkın atyndaǵy munaı jáne gaz ınstıtýtyn, 2008 jyly Ortalyq - Azııa ýnıversıtetin bitirgen.

Eńbek jolyn 1979 jyly - Ózen burǵylaý jumystary basqarmasynda tokar, burǵyshynyń kómekshisi, burǵyshy sheberiniń kómekshisi, óndiristik qyzmet kórsetý bazasynyń ınjeneri, burǵylaý sheberi, Jańaózen burǵylaý jumystary basqarmasynyń tehnologııa bólimi bastyǵynyń orynbasary. Uzaq jyldar boıy «KazTransOıl» AQ-da túrli laýazymdy qyzmetter atqarǵan. 2012-2017 jj. - Mańǵystaý oblysy ákiminiń birinshi orynbasary. 2017-2020 jj. «Qarajanbasmunaı» AQ Birinshi Vıtse - prezıdenti laýazymynda boldy.

Qazirgi qyzmetinde – 2020 jyldyń tamyz aıynan bastap.

«Nur Otan» partııasynyń múshesi. Qurmet ordenimen (2019), «Astanaǵa 20 jyl» medalimen marapattaldy (2018). «Magıstraldy qubyr kóliginiń qurmetti qyzmetkeri» qurmetti ataqqa ıe (2010).

52 jyl buryn (1970) Qazaqstan Respýblıkasy Parlament Májilisiniń VII shaqyrylym depýtaty, Halyqaralyq ister, qorǵanys jáne qaýipsizdik jónindegi komıtet múshesi Erlan Bııahmetuly SAIYROV dúnıege keldi.

A.Amanjolov atyndaǵy Shyǵys Qazaqstan memlekettik ýnıversıtetin bitirgen, tarıhshy; Reseı Federatsııasy Prezıdentiniń janyndaǵy Memlekettik basqarý akademııasyn bitirgen, memlekettik jáne mýnıtsıpaldy basqarý.

Eńbek joly: Qazaqstan Respýblıkasy Mádenıet, aqparat jáne qoǵamdyq kelisim mınıstrliginiń ishki saıasat departamentiniń dırektory (2000-2003 jj.); «Qazınjınırıng» AQ atqarýshy dırektory (2003 jyldan bastap); Qazaqstan Respýblıkasy Parlamenti Májilisiniń Aqparattyq-taldaý bóliminiń meńgerýshisi (2005 jyldan bastap); Qazaqstan Respýblıkasy Mádenıet, aqparat jáne qoǵamdyq kelisim mınıstrliginiń qoǵamdyq saıası jumystar departamentiniń dırektory (2008 jyldan bastap); «Ult TIMES» respýblıkalyq aptalyq áleýmettik-saıası gazetiniń redaktsııalyq alqasynyń tóraǵasy (2012-2013 jj.); «Mádenı damý ınstıtýty» QQ ǵylymı dırektory (2013-2015); QR Kásipodaqtar federatsııasy tóraǵasynyń keńesshisi (2017-2018 jj.). Eýrazııalyq ıntegratsııa ınstıtýtynyń dırektory (2019-2021 jj.).

2021 jyldyń qańtar aıynan bastap qazirgi qyzmetinde.


Uqsas jańalyqtar
10 tamyz. QazAqparat kúntizbesi
2022 jylǵy 10 tamyz 07:00

10 tamyz. QazAqparat kúntizbesi

NUR-SULTAN. QazAqparat - QazAqparat oqyrmandaryna 2022 jylǵy 10 tamyzǵa arnalǵan kúntizbesin usynady.


ATAÝLY KÚNDER

Abaı kúni

Qazaqstan Respýblıkasy Úkimetiniń 2020 jylǵy 4 tamyzdaǵy Qaýlysymen 10 tamyz merekelik kúnderdiń tizbesine qosylyp, Abaı kúni bolyp belgilendi.

Abaı - qazaq jazba ádebıetiniń negizin qalyptastyrǵan uly aqyn, aǵartýshy ári oıshyl. Onyń shyǵarmalary búgingi kúnge deıin álemniń 60 tiline aýdarylǵan. Almatyda aqynnyń atymen joǵary oqý orny, opera jáne balet teatry, úlken dańǵyl atalady, qazaqstannyń kóptegen eldi-mekenderine onyń esimi berilgen, kórkem ádebıet salasy boıynsha memlekettik syılyq taǵaıyndalǵan. Shyǵys Qazaqstan oblysyndaǵy bir aýdanǵa, Qaraǵandy oblysyndaǵy bir qalaǵa aty berilgen. Sondaı-aq Іle Alataýynyń teńiz deńgeıinen 4010 metr bıiktiktegi shyńy da aqyn esimimen atalady.

ESTE QALAR OQIǴALAR

1995 jyly Semeı qalasynda Abaıdyń jańa mádenı-tarıhı jáne aýmaqtyq-memorıaldyq kesheni saltanatty túrde ashyldy. Keshenge jańa murajaı men qaıta óńdeý ótkizilgen Abaıdyń ózi tálim alǵan medrese men meshit kiredi.

2010 jyly Taldyqorǵan qalasynda Sport saraıy aldynda qazaqtyń uly aqyny Súıinbaı Aronulyna eskertkish ornatyldy. Bıiktigi shamamen 10 metrge jetetin monýment taza qoladan quıylǵan, onyń avtorlary - belgili qazaqstandyq sáýletshi Qazbek Jarylǵapov pen músinshi Merlan Ázmaǵambetov.

2012 jyly Mańǵystaý oblysyndaǵy Qaraqudyq ken ornynda mereıtoılyq 10-shy mıllıon munaı tonnasy alyndy. Qaraqudyq ken orny Aqtaý qalasynan soltústik-shyǵysqa qaraı 365 shaqyrym qashyqtyqta ornalaqan. Alǵash ret bul mańnan munaı 1972 jyly tabylǵanymen tek 1998 jyldan bastap alyna bastady.

2014 jyly Tbılısıde ІH Halyqaralyq mádenıet, sán jáne óner balalar festıvaliniń Altyn tájin marapattaý rásimi ótti. Atalmysh baıqaýda Qazaqstan atynan apaly-sińlili Ksenııa (13 jasta) jáne Anastasııa (10 jasta) Mıhaılovskaıalar óner kórsetti. Ksenııa «Little Miss Universe-2014, Super Grand prix» ataqtaryna ıe boldy. Jeńimpazǵa altyn táj, dıplom, «Dıadema» zergerlik salonynan festıvaldiń sımvolıkasy salynǵan altyn alqa syıǵa tartyldy. Baıqaýda Ksenııa qazaqtyń ulttyq bıi «Aqqýdy» bıledi. Al Anastasııa «Little Miss Universe grand prix-2014» ataǵyn jeńip aldy. Sondaı-aq, festıvaldiń arnaıy atalymdarynyń biri - «Little Miss Elegance 2014» atandy. Jeńimpazǵa úzdik ulttyq kostıým úshin dıplom berildi.

2014 jyly qazaqstandyq qos balýan Vadım Psarev pen Jaksylyq Úshkempirovtiń esimderi Shveıtsarııadaǵy FILA shtab-páterindegi kúres dańqy zalyna engizildi.

2016 jyly «Qunanbaı» fılmi HІІ Qazan halyqaralyq musylman kınosy festıvaliniń negizgi konkýrstyq baǵdarlamasyna qatysty.

2017 jyly Qazaqstan Respýblıkasy alǵash ret Polshanyń Torýn qalasynda ótken XVIII Búkilálemdik jazǵy polonıı oıyndaryna qatysty. Kásibı emes sportshylar arasyndaǵy jarysta 32 eldiń komandalary synǵa tústi. Qazaqstan namysyn Astana men Almatydan 17 adam qorǵap, 11 medal jeńip aldy.

2017 jyly álemniń 40-tan astam elinde 22 tilde National Geographic túsirgen Astananyń megaqurylystary týraly fılmniń álemdik tusaýkeseri boldy. Áıgili National Geographic telearnasynyń komandasy Astananyń záýlim ǵımarattary týraly derekti fılm túsirip, osy ǵımarattardy da jáne qalanyń ózin de megaqurylystar qataryna jatqyzdy. Qazaqstan astanasynyń bas qurylysshysy – Prezıdent Nursultan Nazarbaev belgili sáýletshilermen birge fılmniń bas keıipkeri boldy.

2017 jyly Katar Qazaqstan azamattary úshin tegin vızalar engizilgenin jarııalady. Endi qazaqstandyqtar Katarǵa 30 kúnge baryp, onyń merzimin taǵy 30 kúnge sozýyna bolady.

2017 jyly Dımash Qudaıbergen Gonkongtaǵy Golden melody awards baıqaýynyń «Jyldyń úzdik oryndaýshysy» atalymynda jeńimpaz atandy. Qazaqstandyq ánshi Qytaıda ótken Singer-2017 jobasynda ekinshi oryn alyp, álemge tanylǵan bolatyn.

2020 jyly Qazaqstan Ulttyq banki «ABAI. 175 JYL» kollektsııalyq monetalaryn aınalymǵa shyǵardy.

Nomınaly 500 teńgelik kúmisten, nomınaly 100 teńgelik melhıor qospasynan jáne nomınaly 100 teńgelik neızılber qospasynan jasalǵan monetalar qazaqtyń uly aqyny Abaıdyń 175 jyldyǵyna oraı shyǵarylǵan.


8 tamyz. Týǵan kún ıeleri
2022 jylǵy 8 tamyz 08:08

8 tamyz. Týǵan kún ıeleri

NUR-SULTAN. QazAqparat – QazAqparat 8 tamyzǵa arnalǵan «Týǵan kún ıeleri» kúntizbesin usynady.

ESІMDER

56 jyl buryn (1966) Qazaqstan Respýblıkasy Parlamenti Májilisiniń VII shaqyrylymynyń depýtaty, Agrarlyq máseleler komıtetiniń múshesi Baýyrjan Meırambekuly SARTBAEV dúnıege keldi.

Qaraǵandy qalasynda týǵan. Qaraǵandy memlekettik ýnıversıtetin, KIMEP bitirgen. 2000–2002 jj. QR Qarjy mınıstrliginiń «Ońaltý qory» RMK zań basqarmasynyń bastyǵy boldy. 2000–2002 jj. — QR Bilim mınıstrliginiń «Qarjy ortalyǵy» MM dırektorynyń orynbasary. 2003–2006 jj. — «Qazastyqtrans» enshiles kompanııasynyń basqarma tóraǵasy. 2006–2007 jj. — Ulybrıtanııadaǵy «Azyq-túlik korporatsııasy» AQ ókildiginiń dırektory. 2008–2012 jj. — «Nomad» JShS dırektorynyń orynbasary. 2012–2013 jj. — «Saryarqa» keshendi damý ortalyǵy» memlekettik qory dırektorynyń orynbasary. 2013–2015 jj. — QR PІB «Memlekettik rezıdentsııalar dırektsııasy» RMK dırektorynyń orynbasary. 2015-2018 jj. - QR PІB RMK dırektory. 2018-2019 jj. Qazaqstan Respýblıkasynyń Reseı Federatsııasyndaǵy Saýda ókili laýazymynda boldy. 2019-2021 jj. – «KAZAKH INVEST» ulttyq kompanııasy» aktsıonerlik qoǵamynyń basqarma tóraǵasy. Qazirgi qyzmetinde – 2021 jyldyń qańtar aıynan bastap. 49 jyl buryn (1972) Kókshetaý qalasynyń ákimi Baýyrjan Seıtiqalıuly ǴAISA dúnıege keldi. Kókshetaý oblysynda týǵan. Chelıabınsk memlekettik agrarlyq ýnıversıtetin, Sh. Ýálıhanov atyndaǵy Kókshetaý memlekettik ýnıversıtetin, Polshanyń Kýtne qalasyndaǵy memlekettik joǵary ekonomıkalyq mektebin bitirgen. 1994-2013 jj. jekemenshik salada jumys istegen. 2013-2014 jj. – «Nur Otan» partııasynyń Kókshetaý oblystyq fılıaly tóraǵasynyń birinshi orynbasary. 2014-2016 jj. – «Nur Otan» partııasynyń Aqmola oblystyq fılıaly tóraǵasynyń orynbasary. 2016-2018 jj. – Kókshetaý qalalyq máslıhatynyń hatshysy. 2018-2019 jj. – Qorǵaljyń aýdany ákimi. 2019-2021 jj. – Aqmola oblysy ákimi apparatynyń jetekshisi.

2021 jyldyń naýryz aıynan bastap qazirgi qyzmetinde.

50 jyl buryn (1972) Kókshetaý qalasynyń ákimi Baýyrjan Seıtqalıuly ǴAISA dúnıege keldi.

Kókshetaý oblysynda týǵan. Chelıabi memlekettik agroınjenerlik ýnıversıtetin bitirgen; atyndaǵy Kókshetaý memlekettik ýnıversıteti Sh.Ýálıhanov; Kýtno qalasyndaǵy joǵary memlekettik ekonomıka mektebi, Polsha.

Eńbek qyzmeti: jumysshy (1989); jeke sektorda jumys istegen (1994-2013); «Nur Otan» HDP Kókshetaý qalalyq fılıaly tóraǵasynyń birinshi orynbasary (2013-2014); «Nur Otan» partııasy Aqmola oblystyq fılıaly tóraǵasynyń orynbasary (2014-2016); Kókshetaý qalalyq máslıhatynyń hatshysy (2016-2018); Aqmola oblysy Qorǵaljyn aýdanynyń ákimi (2018-2019); Aqmola oblysy ákimi apparaty basshysynyń orynbasary – ister menedjeri (04.2019-10.2019); Aqmola oblysy Zerendi aýdanynyń ákimi (2019-2021).

2021 jyldyń naýryz aıynan bastap qazirgi qyzmetinde.

45 jyl buryn (1977) «Qazgıdromet» sharýashylyq júrgizý quqyǵyndaǵy respýblıkalyq memlekettik kásipornynyń Bas dırektory Danara Qızatqyzy ÁLІMBAEVA dúnıege keldi.

Meteorologııa jáne qarjy mamandyqtary boıynsha eki joǵary bilimi, sondaı-aq qoldanbaly ekologııa baǵyty boıynsha magıstr dárejesi bar. Eńbek jolyn 2002 jyly «Qazgıdromet» RMK-da tehnık-meteorolog laýazymynan bastady. 2003-2009 jj. ınjener-meteorolog, 1 sanatty ınjener-meteorolog, jetekshi ınjener meteorolog, Meteorologııa basqarmasynyń basshysy boldy. 2011-2015 jj. – Meteorologııa departamentiniń dırektory. 2015-2017 jj. Ekologııalyq monıtorıng departamentiniń dırektory laýazymynda qyzmet atqardy. 2017-2020 jj. «Qazgıdromet» RMK Bas dırektorynyń orynbasary bolǵan.

Qazirgi qyzmetinde – 2020 jyldyń naýryz aıynan beri.


8 tamyz. QazAqparat kúntizbesi
2022 jylǵy 8 tamyz 07:00

8 tamyz. QazAqparat kúntizbesi

NUR-SULTAN. QazAqparat – QazAqparat oqyrmandaryna 2022 jylǵy 8 tamyzǵa arnalǵan kúntizbesin usynady.

ATAÝLY KÚNDER

Halyqaralyq alpınıster kúni

1786 jyly dál osy kúni Alpi shyńy baǵyndyryldy. Shveıtsarııalyq dáriger Mıshel-Gabrıel Pakkard (Michel Gabriel Paccard, 1757-1827) pen taý serigi Jak Balma (Jacques Balmat, 1762-1834) 1786 jyldyń 8 tamyzynda eń birinshi bolyp teńiz deńgeıinen 4810 metr bıiktiktegi Alpi taýynyń eń joǵarǵy núktesi – Monblan shyńyna shyqty.

Halyqaralyq oftalmologııa kúni

Kórnekti oftalmolog ári kóz mıkrohırýrgy Svıatoslav Fedorovtyń qurmetine bekitilgen. Ol KSRO-da alǵash ret jasandy kóz burshaǵyn qoıý otasyn sátti jasaǵan, álemde alǵash ret glaýkomany erte kezeńde emdeý otasyn jasaǵan, radıaldy keratotomııany engizýmen aınalysty, kóz janaryn lazermen qalpyna keltirýdiń engizilýine eleýli úles qosty.

Dúnıejúzilik mysyqtar kúni

Atalmysh kún jyl saıyn Halyqaralyq «Animal Welfare» janýarlardy qorǵaý qorynyń bastamasymen uıymdastyrylady. Maqsaty kópshiliktiń súıikti úı janýaryn ulyqtaý ǵana emes, sondaı-aq, buralqy mysyqtar máselesine kópshilik nazaryn aýdartý boldy.

ESTE QALAR OQIǴALAR

1998 jyly Kókshetaý qalasyndaǵy Shoqan Ýálıhanov atyndaǵy memlekettik ýnıversıtetiniń bas alańynda qazaqtyń uly ǵalymy Shoqan Ýálıhanovtyń músini saltanatty jaǵdaıda ashyldy. Shoqan Shyńǵysuly Ýálıhanov – ǵalym, tarıhshy, pýblıtsıst, orıentalıst, folklorshy, ádebıet zertteýshisi, etnograf, saıahatshy-geograf, demokrattyq, aǵartýshylyq mádenıettiń tuńǵysh ókilderiniń biri. Qazirgi Qostanaı oblysynyń Qusmuryn beketinde dúnıege kelgen. Abylaı hannyń shóberesi.

2000 jyly Memleket basshysy «Astana qalasynyń shekaralaryn ózgertý týraly» Jarlyǵyna qol qoıdy, oǵan sáıkes qalalyq jerdiń jalpy aýdany 45195 gektarǵa artty.

2002 jyly Qazaqstan Respýblıkasynyń Prezıdenti «Qazaqstan Respýblıkasyndaǵy balalar quqyǵy týraly» Qazaqstan Respýblıkasynyń Zańyna qol qoıdy.

2011 jyly Los-Andjeleste «Qazaqstan: sýretter qubylysy» mádenıet jáne kıno festıvaliniń resmı ashylý saltanaty ótti. Atalmysh shara álemdik kınoındýstrııa salasynyń kóshbasshylaryna Qazaqstannyń baı mádenıeti men kınematografııalyq ónerin kórsetýge zor múmkindik týǵyzdy.

2012 jyly alǵash ret Qostanaı oblysynyń turǵyny Jánibek Ospanovqa júrek aýystyrý operatsııasy jasaldy. Oǵan mı qyzmeti toqtap, qaza tapqan Galına Vorotnıkova donor boldy. Donordyń uly Igor júrekti aýystyrýǵa ruqsat berdi. Otany belgili hırýrg ıÝrıı Pıa jasady. Qostanaılyq Jánibektiń júregin aýystyrsa, qaraǵandylyq Evgenııge áıel adamnyń búıregi salyndy.

2013 jyly Memlekettik jınaqtaýshy zeınetaqy qorynyń (MJZQ) bazasynda Biryńǵaı jınaqtaýshy zeınetaqy qory (BJZQ) quryldy. Biryńǵaı jınaqtaýshy zeınetaqy qorynda da jeke jınaqtaýshy shottar júıesi saqtaldy.

2013 jyly Qazanda qazaqtyń klassık aqyny Maǵjan Jumabaevtyń óleńder jınaǵy tatar tilinde jaryqqa shyqty. Ony belgili Tatarstan aqyny, TR eńbek sińirgen qaıratkeri, Ǵ. Toqaı atyndaǵy syılyqtyń ıegeri Radıf Gatash aýdarǵan. Tatarstan Jazýshylar odaǵy basyp shyǵarǵan jınaqqa, sondaı-aq aqyn Nýrı Arslanovtyń, Mýdarıs Aglıamnyń jáne Flera Tarhanovanyń aýdarmalary da engen.

2014 jyly kókshetaýlyq aqyn Vera Gıorgadze Reseıdiń Jazýshylar odaǵy men Imperator úıi birlesip taǵaıyndaǵan «Nasledıe-2014» ádebı syılyǵynyń laýreaty atandy. Jeńimpazdardy marapattaý jaqynda Máskeýdegi Ádebıetshiler úıiniń úlken zalynda ótti. Ol Imperator úıi basshysynyń qoltańbasy qoıylǵan estelik dıplom men lazýrıtten jasalynǵan altyn qaýyrsyn estelik músinin aldy.

2014 jyly Qazaqstan jastar aqparat qyzmeti Shymkent qalasynda ısharat tilin meńgerý boıynsha arnaıy kýrstar ashty. «Qol ustasý» dep atalǵan joba estý qabileti nashar jas adamdarǵa qoǵammen aralasýǵa kómektesýge arnalǵan. Bul kýrstar tegin, olarǵa jasyna, estý qabiletiniń nashar nemese jaqsy bolǵanyna qaramastan, nıet bildirgen barlyq adamdar qatysa alady.

2017 jyly Qazaqstan ushý qaýipsizdigin qamtamasyz etkeni úshin Halyqaralyq azamattyq avıatsııa uıymy (aǵyl. International Civil Aviation Organization – ICAO) Keńesiniń prezıdenti atynan arnaıy marapatqa ıe boldy.

2017 jyly Reseı Federatsııasynda aqyn Sara Tastanbekqyzy beınelengen kartınalar Qazaqstanǵa syıǵa tartyldy. Kartınalardy Máskeý turǵyny Gelııa Tımofeeva tabys etti. Ol Sara Tastanbekqyzynyń beınesiniń jalǵyz avtory bolǵan anasy Veenko Margarıta Markıanovnanyń ósıetin oryndady.

2017 jyly Fılıppınde bokstan jasóspirimder arasyndaǵy Azııa chempıonaty qorytyndylandy. Onda Qazaqstan jasóspirimder quramasy jalpykomandalyq esepte birinshi oryndy ıelendi. Qazaqstan quramasy alty altyn, eki kúmis jáne eki qola medal enshiledi.

2018 jyly Qazaqstan Respýblıkasy Túrkııa Respýblıkasyn, Ázerbaıjan Respýblıkasyn jáne Qyrǵyz Respýblıkasyn týrısterge arnalǵan «Jibek joly» vızasyn engizýge qosylýǵa shaqyrdy. Ol Shengen vızasy sııaqty, biraq tek týrısterge ǵana arnalǵan vıza bolmaq.

2018 jyly QR Qoǵamdyq damý mınıstrligi Qazaqstan musylmandary dinı basqarmasymen birlesip, qajylyq saparyn uıymdastyrý jáne baqylaý úshin qajy mıssııasyn qurdy. Ol 14 adamnan: QMDB-niń jeti ókilinen, úsh BAQ ókilinen, QR Densaýlyq saqtaý mınıstrliginiń eki qyzmetkerinen, QR QDM eki qyzmetkerinen quraldy.

2019 jyly Qostanaıda balalar men jasóspirimderge psıhologııalyq qoldaý kórsetýdiń Qazaqstandaǵy alǵashqy aımaqtyq ortalyǵy ashyldy.

2021 jyly Vılnıýste elimizde jáne oblysta birinshi bolyp Toǵyzqumalaq federatsııasy ashyldy. Toǵyzqumalaqtan sheberlik sabaqtary turaqty túrde ótkizilip, lıtvalyq oqýshylar men stýdentter oıynnyń qyr-syryn meńgeredi. Alǵash ret lıtva tilinde oınaý boıynsha ádistemelik qural basylyp shyǵyp, «Mektep» iri aımaqtyq kórmesinde usynyldy.

2020 jyldyń jeltoqsan aıynda Qazaqstan, Qyrǵyzstan jáne Túrkııanyń birlesken usynysy negizinde ıÝNESKO toǵyzqumalaq oıynyn adamzattyń materıaldyq emes mádenı murasynyń reprezentatıvti tizimine engizdi.


Jańalyqtar

Úrdis

MURAǴAT