+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

25 qazan. QazAqparat kúntizbesi

2020 jylǵy 25 qazan 07:00
Bólisińiz:
25 qazan. QazAqparat kúntizbesi

NUR-SULTAN. QazAqparat - QazAqparat óz oqyrmandaryna 2020 jylǵy 25 qazanǵa arnalǵan kúntizbesin usynady.


ATAÝLY KÚNDER

Qazaqstanda áleýmettik qorǵaý júıesi qyzmetkerleriniń kúni

Qazan aıynyń sońǵy jeksenbisinde atap ótiledi, kásibı merekelerdiń resmı tizimine kirgen. Eń jas kásibı merekelerdiń biri 2011 jyly quryldy. Bul óziniń janqııarlyq eńbegi men tynymsyz qamqorlyǵy arqyly qart adamdarǵa qyzmet etetin, múgedekterge, az qamtylǵan jáne kóp balaly otbasylarǵa baǵa jetpes kómek kórsetetin barlyq adamǵa degen shynaıy qurmettiń belgisi. Shynynda da, bizdiń qoǵamnyń turaqtylyǵy men ál-aýqaty kóbinese Halyqty áleýmettik qorǵaý deńgeıine, áleýmettik kepildikterge baılanysty.

Halyqaralyq Áıelder beıbitshilik úshin kúresi kúni

Áıelderdiń halyqaralyq demokratııalyq federatsııasynyń sheshimimen qarýsyzdaný aptalyǵy (24-31 qazan) sheńberinde 1980 jyldan bastap atap ótiledi.

ESTE QALAR OQIǴALAR

1894 jyly Qazaqstan aýmaǵynda Pokrovskaıa sloboda (qazirgi RF Saratov oblysy Engels qalasy) - Oral tar tabandy jol qurylysy aıaqtalǵannan keıin, birinshi temirjol magıstrali ashyldy. Bul temir joldyń 130 shaqyrymy qazirgi Qazaqstan aýmaǵynan ótti. 4 jyldan keıin qazaq dalasy arqyly ótetin 77 km Ýrbah - Astrahan tar tabandy joly iske qosyldy.

1972 jyly Qazaq KSR Mınıstrler Keńesiniń № 512 qaýlysy negizinde Taldyqorǵan pedagogıkalyq ınstıtýty quryldy. 1977 jyly 10 qazanda atalǵan bilim ordasyna qazaqtyń kórnekti aqyny, jazýshy Іlııas Jansúgirovtiń esimi berildi. 1994 jyly Taldyqorǵan memlekettik ýnıversıteti, al 1999 jyly І.Jansúgirov atyndaǵy Jetisý memlekettik ýnıversıteti bolyp qaıta quryldy.

1990 jyly Qazaq KSR Joǵarǵy Keńesi «Qazaq KSR-iniń Memlekettik egemendigi týraly» Deklaratsııany qabyldady. Bul deklaratsııanyń qabyldanýymen egemendigin málim etetin jeke terrıtorııasy, azamattyǵy, memlekettik bıýdjeti, halyqaralyq qatynastardaǵy derbestigi, memlekettik rámizderimiz bekitildi. Qazaqstannyń egemendigi jáne terrıtorııasynyń tutastyǵy saıası, quqyqtyq jáne ekonomıkalyq turǵydan dáıekteldi. Osy kezden bastap demokratııalyq qoǵam qurý maqsatynda el ishindegi qoǵamdyq-saıası qurylymǵa biraz ózgerister engizile bastady. Bul akt arqyly álem kartasyndaǵy jańa memleket - Qazaqstan Respýblıkasynyń negizi qalandy.

1996 jyly ıÝrıı Melnıchenko Amerıkanyń Atlanta qalasynda grek-rım kúresi boıynsha Qazaqstan táýelsizdik alǵannan keıingi alǵashqy qazaqstandyq olımpıada chempıony atandy.

2000 jyly Astanada Prezıdenttik mádenıet ortalyǵy ashyldy.

2000 jyly Pavlodarda akademık Q.Sátpaev kóshesinde aqyn Sultanmahmut Toraıǵyrovtyń eskertkishi ashyldy. Músinniń avtory – eńbek sińirgen óner qaıratkeri Eshan Sergebaev. Eskertkish qoladan, tuǵyry qyzyl jáne qara granıtten jasalǵan. Memorıaldyń negizi bolǵan óner murajaıynyń qabyrǵasy eki sıýjettik relefke toly, onyń avtory – jas talantty músinshi Murat Mansurov.

2010 jyly Belgııa Koroldigine jasaǵan resmı saparynyń aıasynda Memleket basshysy Nursultan Nazarbaev «Egmond Palas» koroldik saraı aýmaǵyndaǵy ıadrolyq synaq, ekologııalyq jáne tehnogendik apat qurbandaryna arnalyp salynǵan eskertkishti ashty. Avtorlyq toptyń jetekshisi, Qazaqstan Sýretshiler odaǵynyń múshesi, Astana sýretshiler keńesiniń tóraǵasy Qońyr Muhamedıev atap ótkendeı, eskertkish qara jáne jasyl tastardan salynǵan. Qara tas atom bombasynyń belgisi bolsa, jasyl tús - ómir belgisi. Tasqa Qazaqstan Respýblıkasy Prezıdentiniń 1991 jylǵy «Semeı synaq ıadrolyq polıgonyn jabý týraly» Jarlyǵy qashalyp jazylǵan. Budan basqa eskertkishke BUU Bas Assambleıasynyń 29 tamyzdy Halyqaralyq ıadrolyq synaqtarǵa qarsy is-qımyl kúni dep jarııalaý týraly qarary qashalyp jazylǵan. Eskertkishtiń joǵary jaǵynda halyqtyń birligi men beıbitshilikke umtylysy kórinis tapqan. Eskertkishtiń tómengi jaǵynda ómirdi beıneleıtin aǵash butaǵy «óskini» beınelengen.

2011 jyly Tarazda ortalyq bazardaǵy arheologııalyq qazba jumystary kezinde arheologtar astanasy ejelgi Talas qalasy (Taraz) bolǵan Túrgesh qaǵanaty dáýiriniń jeti mys monetasyn tapty.

2013 jyly Tarazda qazaq tarıhynyń beldi tulǵalarynyń biri - Tóle bıdiń 350 jyldyǵyna oraı eskertkish qoıyldy.

2018 jyly Dúnıejúzilik densaýlyq saqtaý uıymyna múshe 197 memlekettiń barlyǵy alǵashqy medıtsınalyq-sanıtarlyq kómek týraly Astana deklaratsııasyn biraýyzdan qabyldady.

2018 jyly Qazaqstan Respýblıkasy men Qyrǵyzstan Respýblıkasy arasyndaǵy qazaq-qyrǵyz memlekettik shekarasyn demarkatsııalaý týraly kelisim ratıfıkatsııalandy, onyń negizgi maqsaty Qazaqstan men Qyrǵyzstan arasyndaǵy shekara syzyǵyn halyqaralyq-quqyqtyq deńgeıde bekitý.

2019 jyly qazaqstandyq jeńil atlet Olga Rypakova Ýhanda (Qytaı) ótken Dúnıejúzilik áskerı oıyndarynda altyn medal jeńip aldy. Úsh qarǵyp sekirý jarysy boıynsha jerlesimiz 14.19 metrge sekirip, jarystyń úzdigi atandy.

2019 jyly Brıtan azamattyq avıatsııa agenttigi men Qazaqstannyń avıatsııalyq ákimshiliginiń brıtandyq retteý modeline kóshý jónindegi birlesken jobasy iske qosyldy.

Ulybrıtanııanyń avıatsııalyq bılik oryndarymen ózara is-qımyl Qazaqstannyń avıatsııa salasyn memlekettik retteýdiń halyqaralyq úzdik praktıkasyna kóshýin jedeldetedi, sondaı-aq óz maqsatyna qol jetkizýde ushý qaýipsizdiginiń IKAO-nyń joǵary talaptaryna sáıkestik deńgeıin barynsha arttyrýǵa kómektesedi.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT