+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

24 jastaǵy Almat Júnisov 26 tonnalyq ushaqty súırep, ornynan qozǵady

2021 jylǵy 30 shilde 21:14
Bólisińiz:
24 jastaǵy Almat Júnisov 26 tonnalyq ushaqty súırep, ornynan qozǵady

NUR-SULTAN. QazAqparat – Búgin Nursultan NazarBaev halyqaralyq áýejaıynda erekshe rekord tirkele jazdady. 24 jastaǵy alyp kúsh ıesi Almat Júnisov 26 tonnalyq ushaqty súırep, rekord ornatýǵa talpynyp kórgen bolatyn, dep habarlaıdy QazAqparat tilshisi.

1996 jyly týǵan Almat Júnisov buǵan deıin poıyz lokomotıvin súırep, rekord ornatqan eken. Sodan aýyr kólikke degen áýestigi artsa kerek, búgin salmaǵy 26 tonna bolatyn ushaqty súırep kórdi.

Shara Qazaqstan Táýelsizdiginiń 30 jyldyǵy men Tokıo tórinde baq synap jatqan qazaqstandyq sportshylarǵa qoldaý kórsetý úshin uıymdastyryldy.

Ushaqpen «arpalysar» aldynda Almat jýrnalısterge shaǵyn suhbat berip, naýryz aıynda 109 tonna bolatyn poıyz lokomotıvin qalaı súıregenin baıandady.

Bul jolǵy tańdaǵan kóligi - Bombardier Q400 NextGen ushaǵy bolatyn. Áýe kemesiniń bıiktigi – 8,4 metr, uzyndyǵy – 32,8 metr, salmaǵy – 26 tonna, qos qanatynyń uzyndyǵy – 28,4 metr.

Al Almat Júnisovtiń salmaǵy – 100 keli, boıy – 174 santımetr edi.

«Tabıǵatymnan boıyma kúsh daryǵan dep oılaımyn. Sony damytý úshin bala kezimnen sportpen shuǵyldanyp, aýyr zattardy kóterýge áýestendim. Búgingideı synaqtarda aıaqqa kúsh kóp túsedi. Eń bastysy, aıaq kúshti ári shydamdy bolýy kerek. Bul joly eki aı boıy daıyndaldym. Ózim aýyr atletıkamen besinshi synyptan bastap aınalysamyn, al qazirgi ýaqytta Almatyda fıtnes-jattyqtyrýshy bolyp jumys isteımin», - deıdi Almat Júnisov.

Áńgime arasynda atlet mamyr aıynda salmaǵy 300 keli bolatyn túıeni kóterip, úsh avtokólikti qatar qoıyp, 13 metrge súıregenin eske aldy.

«Búgingi synaqqa burynǵydaı uzaq daıyndalǵan joqpyn. Óz kúshime senip turmyn. Qazaqstan boıynsha áli eshkim ushaq súrıep kórgen joq», - dedi sportshy shabyttana sóılep.

Degenmen, óz salmaǵynan 260 ese aýyr ushaqty 1 metrden artyq súıreýge Almattyń shamasy jetpedi.

Qazaqstandyq «KInES» rekordtar kitabynyń resmı ókili Qýandyq Qudaıbergenov talpynystyń esepke alynbaıtynyn aıtty.

«Qazaqstan aýmaǵynda biz osyndaı oqıǵalardy tirkeýge ýákiletti jalǵyz uıymbyz. Menińshe, muny jeńilis deýge kelmeıdi. Almat – ataqty sportshy, onyń laqap aty – «tıtan qazaq». Jigittiń kelesi talpynysy tabysty bolady dep úimttenemiz. Ádette biz úmitkerge úsh áreketten artyq múmkindik bermeımiz. Sondyqtan rekordty tirkeýden bas tarttyq. Ol ushaqty bir metrden asyryp súıreı almady. Bul jetkiliksiz», - dedi Qýandyq Qudaıbergenov.

Onyń aıtýynsha, Almattyń bul talpysyny rekord retinde tirkelýi úshin ushaqty 10 metrge deıin súırep aparýy kerek bolǵan.

«Reseıde bir atlet ushaqty 34 metrge deıin súırep barǵan. Biraq ol ushaqtyń salmaǵy 16 tonna edi», - deıdi «KInES» ókili.

Almat Júnisov óziniń sátsizdigin jerdiń tegis bolmaýymen baılanystyryp otyr.

«Jer tegis bolmady. Sondyqtan bolar, ushaqty ornyna qozǵasam boldy, artqa tartyp ákete berdi», - dep túsindirgen jas sportshy búgin sátsizdik boldy eken dep, bastaǵan isin aıaqsyz qaldyrmaıtynyn aıtty.

«Men Almatyda 300 tonna poıyzdy (lokomotıvti) súıremekshimin. Oǵan endi tyńǵylyqty daıyndalyp baryp kirisem. Eger súıreı alsam, álemdik rekordty jańartam», - dedi Almat.

Tokıodaǵy sportshylardy qoldaýǵa arnalǵan sharanyń ótýine Nur-Sultan qalasynyń jastar saıasaty basqarmasy muryndyq bolǵanyn aıta ketý kerek.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT