+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

24 qazanda Ózbekstan Prezıdentiniń saılaýy ótedi

2021 jylǵy 23 shilde 14:09
Bólisińiz:
24 qazanda Ózbekstan Prezıdentiniń saılaýy ótedi

TAShKENT. ÓzA - QazAqparat -Búgin, 23 shildede Ózbekstan Respýblıkasy Ortalyq saılaý komıssııasynyń kezekti otyrysy ótti. Ol úlken saıası protsestiń bastamasy boldy. Ózbekstan Respýblıkasy Prezıdentin saılaý naýqany bastaldy, dep habarlaıdy QazAqparat ÓzA-ǵa silteme jasap.

Іs-sharaǵa saıası partııalardyń jetekshileri, azamattyq qoǵam ınstıtýttary men buqaralyq aqparat quraldarynyń ókilderi qatysty.Ortalyq saılaý komıssııasy Ózbekstan Respýblıkasy Prezıdentin saılaý kúni retinde 2021 jylǵy 24 qazanda belgiledi. Saılaý naýqany 23 shildede bastalady dep jarııalandy.

Prezıdent saılaўy Ózbekstan Respýblıkasy Konstıtýtsııasynyń 117-babyna ózgerister engizýinene baılanysty, aǵymdaǵy jyldyń qazan aıynda ótkiziledi. Ózbekstan Respýblıkasy Ortalyq saılaý komıssııasynyń tóraǵasy Zaınıddın Nızamhodjaev Prezıdent saılaýy jańartylǵan ulttyq saılaý zańnamasyna, jalpyǵa tanylǵan halyqaralyq standarttarǵa, demokratııalyq prıntsıpterge, ashyqtyq pen jarııalylyqqa sáıkes ótetinin basa aıtty.

Aldaǵy saılaýlar 2017-2021 jyldardaǵy Ózbekstan Respýblıkasyn damytýdyń bes basym baǵyty boıynsha is-qımyl strategııasynda kórsetilgen demokratııalyq ıdeıalardyń taǵy bir jarqyn kórinisi bolady.

2016 jylǵy 4 jeltoqsandaǵy prezıdenttik saılaýdan keıingi bes jyl ishinde adamdarda, el ómirinde, qoǵamda, ulttyq saılaý zańnamasynda orasan zor ózgerister boldy. Halyqaralyq jetekshi uıymdar men sarapshylar moıyndaǵandaı, osy kezeńde respýblıka ómiriniń áleýmettik-saıası jáne ekonomıkalyq salalarynda halyqtyń ál-aýqatyn jaqsartýǵa baǵyttalǵan batyl reformalar júzege asyryldy. Ózbekstan Respýblıkasy Saılaý Kodeksi negizinde ótken Prezıdent saılaýy alǵash ret Ózbekstan Respýblıkasy Prezıdentiniń, ıaǵnı memleket basshysynyń saılanýyn konstıtýtsııalyq erejelerge sáıkes kezeńdilik negizinde qamtamasyz etedi. Sonymen qatar, eldegi saıası partııalardyń sany bireýge kóbeıip, partııaaralyq básekelestik aıtarlyqtaı ósti.

Kezdesýde barlyq saıası partııalar men olardyń kandıdattary úshin saılaý naýqany kezinde shynaıy básekelestik orta men teń jaǵdaılar jasalatyndyǵy basa aıtyldy. Saıası partııalardyń, azamattardyń ózin-ózi basqarý organdarynyń, halyqaralyq uıymdardyń jáne shet memleketterdiń ókilderi, jýrnalıster, onyń ishinde sheteldik jýrnalıster, myńdaǵan baqylaýshylar prezıdenttik saılaýǵa daıyndyq pen ótkizý barysyn, onyń ishinde daýys berý protsesin baqylaıdy.

Aldaǵy saılaýdy joǵary saıası, quqyqtyq jáne uıymdastyrýshylyq deńgeıde ótkizý úshin, Ortalyq saılaý komıssııasy ústimizdegi jyldyń 14 sáýirinde bekitken Ózbekstan Respýblıkasy Prezıdentin saılaýǵa daıyndyq jónindegi negizgi sharalar baǵdarlamasyna sáıkes seriktes uıymdarmen birge aýqymdy isterdi júzege asyrýda. Soǵan sáıkes, mańyzdy mindet - saılaýshylar men saılaý uıymdastyrýshylaryna Prezıdent saılaýynyń mańyzdylyǵy men erekshelikteri, Saılaý kodeksi, saılaý zańnamasyna engizilgen ózgerister men tolyqtyrýlardyń mazmuny týraly habarlaý. Saılaý naýqany jarııalanǵanǵa deıingi kezeńde bolǵan mundaı is-sharalar mıllıondaǵan azamattardy qamtyǵanyn atap ótken jón.


Bizdiń kanalymyzǵa jazylyńyz:

Bólisińiz:

Avtor:

Begabat Uzaqov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT