+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

23 mamyr. Týǵan kún ıeleri

2020 jylǵy 23 mamyr 08:10
Bólisińiz:
23 mamyr. Týǵan kún ıeleri

NUR-SULTAN. QazAqparat - Búgin, ıaǵnı 23 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

96 jyl buryn (1924-2003) qazaq arheologııa ǵylymynyń negizin qalaýshylardyń biri, tarıh ǵylymynyń doktory, Qazaqstan Memlekettik syılyǵynyń, Qazaqstan Ǵylym akademııasy Sh.Ýálıhanov atyndaǵy syılyǵynyń laýreaty, Qazaqstannyń eńbek sińirgen ǵylym qaıratkeri, German Arheologııa ınstıtýtynyń korrespondent-múshesi Kemal AQYShEV dúnıege keldi.

Pavlodar oblysynyń Baıanaýyl kentinde týǵan. Qazaq memlekttik ýnıversıtetin bitirgen. 1950-1955 jyldary - Qazaq Ǵylym akademııasynyń aspıranty, kishi, aǵa ǵylymı qyzmetkeri. 1955-1990 jyldary Sh.Ýálıhanov atyndaǵy Tarıh, arheologııa jáne etnografııa ınstıtýty arheologııa bóliminiń meńgerýshisi qyzmetin atqarǵan. 1991 jyldan Á.Marǵulan atyndaǵy Tarıh, arheologııa jáne etnografııa ınstıtýtynyń bólim meńgerýshisi, bas ǵylymı qyzmetkeri bolyp qyzmet atqarǵan.

K.Aqyshev 1954 jyldan bastap Soltústik, Ońtústik jáne Jetisý arheologııalyq ekspedıtsııalarynyń uıymdastyrýshysy jáne jetekshisi boldy. Kóne jáne orta ǵasyrlardaǵy Qazaqstan eskertkishterin, álemdik mańyzy zor Esik obasynan tabylǵan «Altyn adam», Besshatyr, Otyrar jádigerlerin zerttegen. Ǵalym - kóne Qazaqstan tarıhynyń negizgi tujyrymdaryn jasaýǵa belsene qatysty. Ortalyq Azııa órkenıeti júıesinde ejelgi Qazaqstannyń ornyn aıqyndaýǵa eleýli úles qosty. Onyń 220-ǵa jýyq ǵylymı eńbegi, sonyń ishinde 14 monografııasy bar.

«Parasat» ordenimen marapattalǵan.

79 jyl buryn (1941) memleket jáne qoǵam qaıratkeri, elshi-dıplomat, fılologııa ǵylymdarynyń doktory, professor Ádil Qurmanjanuly AHMETOV dúnıege keldi.

Almaty oblysynda týǵan. Almaty shet tilderi pedagogıkalyq ınstıtýtyn bitirdi. Orta mekteptiń aǵylshyn tiliniń, qazaq tiliniń muǵalimi. Fılologııa ǵylymdarynyń doktory, professor, Reseı Halyqaralyq joǵary mektep ǵylym akademııasynyń akademıgi. Dıplomattyq dárejesi I synypty Tótenshe jáne Ókiletti Ýákil. Almaty shet tilderi pedagogıkalyq ınstıtýtynda oqytýshy, aǵa oqytýshy, aǵylshyn tili fakýltetiniń dekany, oqý isi jónindegi prorektory, leksıkologııa kafedrasynyń dotsenti, Halyq depýtattary Almaty qalalyq keńesi atqarý komıteti Syrtqy ekonomıkalyq baılanystar bóliminiń I sanatty mamany, Almaty qalalyq ákimshiligi basshylyǵy apparatynyń bas mamany-Almaty qalalyq ákimshiliginiń Týson qalasyndaǵy (Arızona shtaty, AQSh) turaqty ókili, Halyqaralyq qatynastar jáne álem tilderi Qazaq memlekettik ýnıversıtetiniń rektory, Bilim, mádenıet jáne densaýlyq saqtaý mınıstrliginiń Bilim komıtetiniń tóraǵasy, Qazaqstan Respýblıkasy Syrtqy ister birinshi vıtse-mınıstri, Ulybrıtanııa jáne Soltústik Irlandııa Qurama Koroldigi Qazaqstan Respýblıkasynyń Tótenshe jáne Ókiletti Elshisi sondaı-aq Shvetsııa Koroldiginde, Norvegııa jáne Irlandııa Koroldikterinde osy mindetterdi qosa atqardy, Qazaqstan-Brıtan tehnıkalyq ýnıversıtetiniń rektory, halyqaralyq yntymaqtastyq jónindegi prorektory bolyp qyzmet istegen.

2007-2013 jyldary QR Parlamenti Senatynyń depýtaty, Senattyń Halyqaralyq qatynastar, qorǵanys jáne qaýipsizdik máseleleri jónindegi turaqty komıtet hatshysy jáne EQYU sol kezdegi tóraǵasynyń Musylmandardy kemsitý jáne shettetýmen kúres jónindegi jeke ýákili boldy.

«Qurmet» ordenimen, bes medalmen marapattalǵan. «Qazaqstannyń eńbek sińirgen qaıratkeri» qurmetti ataǵy bar.

53 jyl buryn (1967) QR ІІM Ákimshilik polıtsııa komıtetiniń tóraǵasy Murat Qalıbekuly BAIMUQAShEV dúnıege keldi.

1994 jyldan bastap quqyq qorǵaý organdarynda jumys isteıdi. Іshki ister organyndaǵy jumysyn jol polıtsııasynyń patrýldik qyzmeti batalonynyń ınspektory laýazymynan bastady. 1997 jyldan bastap QR ІІM jol polıtsııasy basqarmasynda jumys istedi, sonymen qatar mınıstrliktiń ortalyq apparatynyń departamentteri men bólimderin basqardy.

2009 - 2019 jyldary QR Premer-mınıstri Keńsesinde basshylyq laýazymdarda, sonyń ishinde alty jylǵa jýyq qorǵanys jáne quqyq qorǵaý bóliminiń bastyǵy boldy.

2019 jyldyń sáýir aıynan bastap QR Qaýipsizdik Keńesi hatshysynyń orynbasary qyzmetin atqardy.

Qazirgi qyzmetinde – 2020 jyldyń naýryzynan.


43 jyl buryn (1977) «Agrarlyq nesıe korporatsııasy» AQ basqarma tóraǵasy Baǵlan Kúlibaıuly QULTAEV dúnıege keldi.

Jambyl oblysy Jańatas qalasynda týǵan. Qazaq sport jáne týrızm akademııasyn (1998); Almaty Orta Azııa ýnıversıtetin (2001); Jambyl oblysy ІІB janyndaǵy bastapqy daıyndyq mektebin (2018) bitirgen.

Eńbek joly: «Jambyl oblysy ákimdiginiń janyndaǵy áıelder men balalardyń quqyqtaryn zorlyq-zombylyqtan qorǵaý» MM-de (2001); Almaty qalasyndaǵy Qazaqstan Respýblıkasynyń Ádilet organdary qyzmetkerleriniń biliktiligin arttyrý ınstıtýtynyń qyzmetkeri; jetekshi maman, bas maman, kredıttik qujattama bóliminiń bastyǵy, kepilmen qamtamasyz etý bóliminiń bastyǵy, kredıttik qujattama bóliminiń bastyǵy, Korporatıvtik satý departamentiniń aımaqtyq úılestirýshisi, «ATF Bank» AQ Astana qalasyndaǵy fılıalynyń dırektory; «BankTsentrKredıt» AQ Basqarma tóraǵasynyń keńesshisi, «Agrarlyq nesıe korporatsııasy» AQ ákimshilik etý jáne monıtorıng jónindegi basqarýshy dırektory (2019-2020).

Qazirgi qyzmetinde - 2020 jyldyń naýryz aıynan bastap.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT