+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

23 qazan. Týǵan kún ıeleri

2019 jylǵy 23 qazan 08:08
Bólisińiz:
23 qazan. Týǵan kún ıeleri

NUR-SULTAN. QazAqparat – QazAqparat 23 qazanǵa arnalǵan «Týǵan kún ıeleri» kúntizbesin usynady.

ESІMDER


97 jyl buryn (1922-1943) Keńes Odaǵynyń Batyry, qazaqtyń qaharman qyzy Mánshúk Jıenǵalıqyzy MÁMETOVA dúnıege kelgen.

Oral oblysynyń Orda aýdanyndaǵy Jasqus aýylynda týǵan. Ata-anasynan erte aıyrylǵan Mánshúktiń balalyq shaǵy Almatyda Á. Mámetovanyń tárbıesinde ótti. Almaty qalasyndaǵy №28 mektepte oqyǵan. Mektepti bitirip, medıtsınalyq rabfakta, Almaty medıtsınalyq ınstıtýtynda oqydy. 1942 j. tamyzda óz erkimen suranyp, Qyzyl Armııa qataryna alyndy.

Alǵashynda shtab pesiri, keıinnen dala gospıtalinde medbıke boldy. Instıtýtta oqyp júrgende mergendikke úırengen Mánshúk bos kezinde «Maksım» pýlemetiniń qurylysyn zerttedi. Ózi suranyp, atqyshtar dıvızııasyna qosylyp, 21-nshi atqyshtar dıvızııasynyń quramynda urysqa qatysty. Aǵa serjant, pýlemetshi Mánshúk urystarda óziniń mergendigimen jáne tobynda batyldyǵymen kózge tústi. 1943 jylǵy 15 qazanda Kalının maıdanynyń áskerleri quramynda Nevel qalasy úshin bolǵan keskilesken sheshýshi urysta Mánshúk aqtyq demi bitkenshe pýlemetten oq boratyp, qaharmandyqpen qaza tapty.

Denesi Nevel qalasyna jerlendi.

Batyr qyzǵa qaza tapqannan keıin, 1944 jylǵy 1 naýryzda SSSR Joǵarǵy Keńesiniń Prezıdıýmynyń Jarlyǵymen Keńes Odaǵynyń Batyry ataǵy berildi.


54 jyl buryn (1965) Qazaqstan Respýblıkasynyń Premer-Mınıstri Asqar Uzaqbaıuly MAMIN dúnıege keldi.

Tselınograd ınjenerlik-qurylys ınstıtýtyn, G.V. Plehanov atyndaǵy Reseı ekonomıkalyq akademııasyn bitirgen, mamandyǵy boıynsha ınjener-qurylysshy, ekonomıst.

Eńbek jolyn «Tselıntıajstroı» tresinde montajshy bolyp bastaǵan. Qazaqstan ınnovatsııalyq kásiporyndar odaǵy dırektorynyń orynbasary laýazymynda qyzmet atqarǵan.

Astana qalasy ákiminiń birinshi orynbasary (1996-2000), Qazaqstan Respýblıkasynyń Kólik jáne kommýnıkatsııalar vıtse-mınıstri (2000-2002), «Inkom-Astana» JShS bas dırektory (2002-2003), Qazaqstan Respýblıkasynyń Indýstrııa jáne saýda birinshi vıtse-mınıstri (2003-2004), Qazaqstan Respýblıkasynyń Kólik jáne kommýnıkatsııalar mınıstri (2005-2006), Astana qalasynyń ákimi (2006-2008).

2008 - 2016 jyldary «Qazaqstan temir joly» ulttyq kompanııasy» aktsıonerlik qoǵamynyń prezıdenti, Qazaqstan Respýblıkasy Premer-Mınıstriniń birinshi orynbasary (2016-2019) qyzmetterin atqardy.

1998 jyly - «Eren eńbegi úshin» medalimen, 2006 jyly - «Qurmet» ordenimen, 2011 jyly - ekinshi dárejeli «Barys» ordenimen, 2013 jyly - Frantsýz Respýblıkasynyń Qurmetti legıony ordenimen, 2014 jyly - Ispanııa koroldiginiń «Azamattyq eńbegi úshin» birinshi dárejeli ordenimen marapattalǵan. 2011 jyly - Astana qalasynyń Qurmetti azamaty, 2012 jyly - Qurmetti temirjolshy, 2013 jyly - Qazaqstannyń Qurmetti qurylysshysy.


49 jyl buryn (1970) Qazaqstan Respýblıkasy Іshki ister mınıstrliginiń Qylmystyq-atqarý júıesi komıtetiniń tóraǵasynyń birinshi orynbasary Teńizjan Nurmahanuly JÁNІBEKOV dúnıege kelgen.

Ol Ońtústik Qazaqstan oblysynda týǵan. QR ІІM Shymkent zań kolledjin (1996); Qyrǵyz memlekettik ýnıversıtetin zańger mamandyǵymen (2002); Nıjnetagıl mılıtsııa arnaıy orta mektebin bitirgen.

Eńbek joly: Reseı Federatsııasynyń ishki ister organdarynyń qyzmetkeri (1991); Sverdlovsk stantsııasyndaǵy jelilik ishki ister bóliminiń mılıtsıoneri (1991-1993); Shymkent qalasy ál-Farabı aýdandyq ІІB tergeý bólimi tergeýshisiniń kómekshisi (1993-1995); OQO boıynsha QAJKB ICh-167/1 mekemesinde qyzmette, mekeme bastyǵynyń jedel jumystar boıynsha orynbasary (1995-2004); OQO boıynsha QAJKB ICh-167/1 mekemesiniń bastyǵy (2004-2010); Almaty qalasy jáne Almaty oblysy boıynsha QAJ departamenti bastyǵynyń orynbasary (2010-2011); Aqmola oblysy boıynsha QAJ departamentin basqardy (2011-2012); Ońtústik Qazaqstan oblysy boıynsha qylmystyq-atqarý júıesi departamentiniń bastyǵy (2012-2013); QR ІІM Qylmystyq-atqarý júıesi komıteti tóraǵasynyń orynbasary (2013-2016); QR ІІM Ekstremızmge qarsy kúres departamenti bastyǵynyń orynbasary (2016-2019).

Qazirgi laýazymyn atqarýǵa 2019 jylǵy mamyr aıynda kiristi.


33 jyl buryn (1986) Nur-Sultan qalasy ákimi apparatynyń basshysy Eset Berikuly BAIKEN dúnıege kelgen.

Ol Qaraǵandy oblysynda týǵan. Qaz MZÝ Gýmanıtarlyq zań kolledjin (2005); Qazaq gýmanıtarlyq zań ýnıversıtetin (2008); E.A.Bóketov atyndaǵy Qaraǵandy memlekettik ýnıversıtetin (2010) bitirgen.

Eńbek joly: «Astana qalasynyń Ekonomıka jáne bıýdjettik josparlaý basqarmasy» MM ınvestıtsııalyq saıasat jáne josparlaý bóliminiń jetekshi mamany m.a. (2008-2009); «Astana qalasynyń Ekonomıka jáne bıýdjettik josparlaý basqarmasy» MM ınvestıtsııalyq saıasat jáne josparlaý bóliminiń jetekshi mamany (2009); «Astana qalasynyń Ekonomıka jáne bıýdjettik josparlaý basqarmasy» MM ınvestıtsııalyq saıasat jáne josparlaý bóliminiń bas mamany (2010); «Astana qalasynyń Ekonomıka jáne bıýdjettik josparlaý basqarmasy» MM quqyqtyq qamtamasyz etý jáne satyp alý bóliminiń bas mamany (2010); Astana qalasy ákimi apparaty áleýmettik-mádenı sala bóliminiń bas mamany (2010-2013); Astana qalasy ákiminiń bas ınspektory (2013); Astana qalasy ákimi apparaty uıymdastyrý-ınspektorlyq bóliminiń basshysy (2013-2016); Qazaqstan Respýblıkasy Prezıdenti Ákimshiligi Hatshylyǵynyń sarapshysy (2016-2017); Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory (2017-2019); Qaraǵandy oblysy Nura aýdanynyń ákimi (2019); Nur-Sultan qalasy ákimi Apparat basshysynyń orynbasary (2019).

Qazirgi laýazymyn atqarýǵa 2019 jyldyń shildesinde kiristi.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:

Avtor:

Nurlan Tuıaqov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT