+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

23-29 qyrkúıekte bolatyn magnıttik daýyl adam aǵzasyna qalaı áser etedi

2020 jylǵy 22 qyrkúıek 22:09
Bólisińiz:
23-29 qyrkúıekte bolatyn magnıttik daýyl adam aǵzasyna qalaı áser etedi

ALMATY. QazAqparat– Astrofızıkterdiń boljamyna sáıkes, qyrkúıektiń sońǵy on kúndiginde magnıtti daýyl bolady. Bul týraly rentgendik kún astronomııa zerthanasy málim etti. QazAqparat tilshisi tabıǵı qubylys adam densaýlyǵyna qanshalyqty qaýipti ekenin anyqtap kórdi.

Astrofızıkterdiń aıtýynsha, 23-29 qyrkúıek aralyǵynda magnıttik daýyl júredi. Jerdiń magnıtosferasy negizgi soqqyny 25-28 qyrkúıekte alady, al daýyldyń sharyqtaý shegi 27 qyrkúıekke kelip tur. Daýyldyń kúshi G1 quraıdy.

Ǵalymdar arasynda atalǵan tabıǵı qubylystyń adamdarǵa qalaı áser etetindigi týraly áli kúnge deıin naqty pikir joq. Alaıda medıtsınada magnıt órisiniń adam densaýlyǵy men ál-aýqatynyń belgili bir aýytqýyna áseri baryn joqqa shyǵarylmaıdy. Magnıttik daýyl kezinde adamdardyń basy aınalyp, júregi aınyp nemese qan qysymy tómendep ketýi múmkin.

Kardıolog-dáriger Almat Qodasbaevtyń aıtýynsha, magnıttik daýyldyń adamdardyń kez-kelgen dertine, sonyń ishinde júrek-qan tamyrlary aýrýlarynyń asqynýyna tikeleı áser etýiniń dáleli joq.

«Iá, mundaı kúnderi adamdar jalpy álsizdikke shaǵymdanady. Ony jıi estip te, kórip te júrmiz. Bul ásirese júrek aýrýyna shaldyqqandarǵa qatysty. Magnıttik daýyl kúnderi qan tamyrlary jáne júrek aýrýlary bar adamdar densaýlyqtaryna kóp shaǵymdanady. Sol kezde olardyń densaýlyǵy kúrt nasharlaıdy. Olar qatty bas aýrýyna, tez sharshaǵyshtyqqa, bas aınalýǵa, júrektiń aýyrsynýyna shaǵymdanady. Alaıda, basqa da ómirlik sebepter mundaı aýrýlarǵa áser etýi múmkin. Bul aýa raıynyń, strestiń, depressııanyń, jumys júktemesiniń kúrt ósýinen bolýy múmkin», - dedi dáriger.

Ǵalymdar magnıt órisiniń aǵzaǵa qalaı áser etetinin áli jetkilikti zerttep bolǵan joq. Desekte, Frantsııa, Germanııa, Qytaı, Izraıl, Lıtva, Grýzııa jáne júrektiń ıshemııasy bar naýqastar qaralatyn birqatar Reseı klınıkalarynyń málimetteri boıynsha, magnıttik daýyl kezinde júrek talmasy men sodan qaıtys bolatyndardyń sany eki esege ósken.

«Ádette adam aǵzasy mundaı kúnderdi kúızelis retinde qabyldaıdy. Kóptegen adamdarda tamyr júıesiniń jumysy buzylady, sonyń ishinde mıdyń tamyrlarynda. Osy kezde densaýlyǵy myqty adamdardyń da kóńil kúıi qubylmaly bolady»,– dedi Almat Qodasbaev.

Mundaı kezde aýyr jumys isteýden aýlaq bolý kerek. Tipti jeńil kúızelistiń ózi adam aǵzasyna keri áser etedi, sondyqtan magnıttik daýyl bolǵan kúnderi ýaıymdaýdan, jaman oılardan aýlaq bolý kerek.

Dárigerler qan qysymy joǵary adamdarǵa qarapaıym erejelerdi saqtanýyn suraıdy.

«Magnıtti daýyl kúnderi gıpertonııalyq naýqastar kóbirek sý iship, tuzdy tutynýdy azaıtýy kerek, óıtkeni tuz organızmdegi suıyqtyqty ustap, qan qysymynyń joǵarylaýyna ákeledi. Meteosezimtal adamdar úshin magnıttik daýyl kezinde jaqsy uıyqtap, durys tamaqtanýy kerek. Trombozy bar adamdar (qoıý qan) quramynda aspırıni bar dárini nemese aspırınniń 75 mg kombınatsııasyn kún saıyn qabyldaýy kerek. Biraq bul patsıentke qarsy bolmaǵan jaǵdaıda ǵana, óıtkeni bul preparattardy baqylaýsyz qabyldaý erozııany jáne tipti asqazan jarasyn týdyrýy múmkin», - dep qosty dáriger.

Mamandardyń aıtýynsha, magnıttik daýyldar orta eseppen jylyna 5-6 ret bolyp, 2-3 kúnge sozylady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT