22 jeltoqsannan bastap Qazaqstanda reseılik «Spýtnık V» vaktsınasy óndirile bastaıdy
NUR-SULTAN. QazAqparat – 22 jeltoqsanynan bastap Qazaqstanda reseılik «Spýtnık V» vaktsınasyn óndirý qolǵa alynady. Bul týraly Memleket basshysy Qasym-Jomart Toqaev Premer-Mınıstr Asqar Mamındi qabyldaýy kezinde aıtyldy, dep habarlaıdy QazAqparat.
Memleket basshysynyń Reseı Prezıdenti Vladımır Pýtınmen jasaǵan kelisimine sáıkes osy jyldyń 22 jeltoqsanynan bastap Qazaqstanda reseılik «Spýtnık V» vaktsınasyn óndirý qolǵa alynady. 2021 jyldan bastap turǵyndarǵa erikti túrde jappaı vaktsına egý josparlanyp otyr. Alǵashqy kezeńde turǵyndardyń aýrýdy juqtyrý qaýpi joǵary toby, ıaǵnı dárigerler, pedagogtar, kúshtik qurylymdardyń qyzmetkerleri qamtylady.
Qasym-Jomart Toqaev Asqar Mamınge otandyq vaktsına óndirisine qatysty berilgen tapsyrmany jedel oryndaǵany úshin alǵys bildirip, dáriniń tıimdiligine basa mán berýdi jáne turǵyndarǵa qol jetimdi bolýyn baqylaýda ustaýdy tapsyrdy.
Eske salsaq, AQSh, Italııa jáne basqa elderdiń ýnıversıtetterinen zertteýshiler reseılik «Spýtnık V» vaktsınasyna qatysty The Lancet jýrnalynyń redaktsııasyna hat jazyp, preparatty synaý nátıjelerinde statıstıkalyq aýytqýlar bar ekendigin aıtqan edi. Oǵan Reseıdegi ǵalymdar jaýap berdi.
- Zınedın Zıdan koronavırýs ınfektsııasyn juqtyrdy
- Alekseı Tsoı Memleket basshysyna eldegi epıdemıologııalyq jaǵdaıdy baıandady
- Koronavırýsqa shaldyqqandardyń kóbi aýyr jaǵdaıda túsip jatyr – aqtóbelik dáriger
- Rıo-de-Janeıro koronavırýsqa baılanysty karnavaldan bas tartty
-
Nur-Sultanda karantın rejımin buzýshylardy anyqtaý jalǵasýda
-
BQO-da koronavırýsqa qarsy 180 myńnan astam adamdy egý josparlanýda
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam
