+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

22 shilde. QazAqparat kúntizbesi

2019 jylǵy 22 shilde 07:00
Bólisińiz:
22 shilde. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 22 shildege arnalǵan kúntizbesin usynady.

ATAÝLY KÚNDER

Búkilálemdik mı kúni

Dúnıejúzilik nevrologtar federatsııasy bekitti. Alǵash ret 2014 jyly 22 shildede ótkizildi.

ESTE QALAR OQIǴALAR

1939 jyly Atyraý oblystyq ólketaný murajaıy ashyldy. Onyń qorynda ólke, tabıǵat, mádenıet pen óner jádigerleriniń 50 myńnan astam túri bar.

1992 jyly Qazaqstan men Ýkraına arasynda dıplomatııalyq qarym-qatynas ornatyldy.

1993 jyly Qazaqstan Respýblıkasy jáne burynǵy odaqtas respýblıkalardyń sharýashylyq sýbektileriniń arasyndaǵy esepterdi rettestirý maqsatynda QR Mınıstrler Kabıneti jáne QR Ulttyq banki Qazaqstandaǵy sharýashylyq sýbektilerine shart jasasyp, saýda mámilelerin iske asyrý kezinde buryn SSSR quramyna kirgen ár respýblıkada óz qolma-qol aqshasyz rýbliniń jáne ulttyq valıýtasynyń aınalymda bolǵanyn, sondaı-aq olardyń qolma-qol aqshasyz «Qazaqstan rýbline» aınaldyrylatyn baǵamyn eskerýdi mindettedi. «Qazaqstan rýbliniń» baǵamyn Ulttyq bank resmı baǵam retinde belgilep otyrdy.

1999 jyly QR Prezıdenti Nursultan Nazarbaevqa «Táýelsiz Memleketter Dostastyǵy avıatsııasyn damytýdaǵy erekshe úlesi úshin» syılyǵy tapsyryldy.

2005 jyly Almatyda Saın kóshesi men Raıymbek dańǵylynyń qıylysyndaǵy eń iri jol aıryǵy paıdalanýǵa berildi.

Saltanatty sharaǵa Almaty qalasynyń ákimi Imanǵalı Tasmaǵambetov qatysty.

Úsh deńgeıli aıryq kópir kólik qatynasyn 3,5 ese jeńildetip, kúnine 120000 avtomobıldi ótkizýge múmkindik berdi.

2009 jyly Atyraýda Jaıyq ózeniniń ústimen ótetin jańa eki kópirdi paıdalanýǵa berý saltanatty rásimi ótti.

Jalpy uzyndyǵy 800 metr bolatyn bir kópir «Prıvokzalnyı» shaǵyn aýdanyn áýejaımen jalǵastyrdy. Kópirdegi qozǵalys tórt jolaqty, onyń táýligine 5 myń avtomobıldi ótkizý múmkindigi bar. Jolaýshylar úshin eni 2,5 metrlik aıaqjoldar kózdelgen.

Ekinshi kópir «Jılgorodok» shaǵyn aýdanynda qalanyń eýropalyq jáne azııalyq bólikterin qosty. Onyń jalpy uzyndyǵy - 693 metr. Ol da táýligine kemine 5 myń avtomobıldi ótkizýge eseptelgen.

2010 jyly Eńbekshiqazaq aýdanynyń Aqshı aýylynda temirshi Dárkembaı Shoqparov atyndaǵy Qoldanbaly óner mýzeıi ashyldy. Biregeı mýzeıdiń bir bóliminde belgili temirshi D.Shoqparovtyń óz qolymen jasaǵan buıymdary, jınaǵan zattary, onyń ómiri men shyǵarmashylyǵyna arnalǵan kitaptar, gazet-jýrnal maqalalary, vıdeofılm dıskileri bar.

D. Shoqparov – qoldanbaly ónerdiń tanymal sheberi, etnograf ǵalym, QR Sýretshileri jáne dızaınerleri odaǵynyń múshesi, Qazaqstannyń Lenın komsomoly syılyǵynyń laýreaty.

2011 jyly Qazaqstanda alǵash ret Sháken Aımanov atyndaǵy «Qazaqfılm» kınostýdııasynda ekshn janryndaǵy aýqymy keń kartına – «Ohota za prızrakamı» fılminiń túsirilimi boldy.

Fılm «MG Production» kınokompanııasynyń qoldaýymen túsirildi, prodıýseri – Ernar Málikov, stsenarıı avtory jáne rejısser – Marına Kýnarova, qoıýshy operator – Gollıvýdtyń 100-den astam jobasyna qatysqan Kýrtıs Peterson.

2013 jyly «QazAqparat» baspa korporatsııasy Oralhan Bókeıdiń 70 jyldyǵyna arnap, onyń eksklıýzıvti tańdamaly shyǵarmalar jınaǵyn shyǵardy. Onyń shyǵarmalary orys, aǵylshyn, frantsýz, nemis, japon, arab, qytaı jáne basqa da shetel tilderine aýdaryldy.

2014 jyly Astana qalasynyń ákimi Imanǵalı Tasmaǵambetovke Qazaqstan men ıÝNESKO arasyndaǵy qarym-qatynastyń nyǵaıýyna qosqan úlesi úshin ıÝNESKO-nyń «Uly Jibek joly» kúmis medali tabys etildi. I. Tasmaǵambetov 18 jyl boıy ıÝNESKO Ulttyq komıssııasyn basqarǵan, al «Uly Jibek joly» medali sońǵy 20 jyl boıy eshkimge tabystalmaǵan.

2014 jyly Qazaqstannyń 8 nysany - Almaty oblysyndaǵy Qaıalyq, Qaramergen, Talǵar jáne Jambyl oblysyndaǵy Aqtóbe Stepnınskoe, Aqyrtas, Qulan, Qostóbe, Órnek ıÝNESKO-nyń álemdik muralary tizimine engizildi.

2015 jyly Almatynyń 1000 jyldyǵy ıÝNESKO-nyń mereıtoılyq datalar tizimine engizildi.

2016 jyly «Qazposhta» AQ «Estelik jáne mereıtoılyq datalar» serııasynyń aty ańyzǵa aınalǵan barlaýshy, fın jáne Ekinshi dúnıejúzilik soǵystarǵa qatysqan jaýynger, belgili qoǵam qaıratkeri Muráli Shámenovtiń 100 jyldyǵyna arnalǵan poshta markasyn aınalymǵa shyǵardy.

Markalar ofsettik ádispen 2 boıaýmen 105 markadan turatyn tabaq túrinde shyǵaryldy. Markanyń ólshemi 26h18 mm. Nomınaly – 50 teńge. Taralymy 2 mln dana. Sýretshisi – Sergeı Marshev.

2016 jyly qoǵamdyq jáne ultaralyq kelisimdi, Qazaqstan halqynyń birligin nyǵaıtýǵa qosqan súbeli úlesi úshin qoǵam qaıratkeri Sultan Súleımenuly Jıenbaevqa Qazaqstan Respýblıkasy Tuńǵysh Prezıdenti – Elbasynyń Memlekettik beıbitshilik jáne progress syılyǵy tabys etildi.

2016 jyly Sochı qalasynda ótken «Juldyzdy jaz» halyqaralyq festıvalinde kókshetaýlyq vokalshylar ózderi qatysqan jas sanatynda birinshi oryndy ıelendi. Záýresh Mergenbaı, Kamıla Mýsınova jáne Adaı Jaqııa «Estradalyq vokal» atalymynda óner kórsetip, úsheýi de ózderiniń jas sanattary boıynsha úzdik atandy. Festıvalǵa 11 atalym boıynsha 200-den astam ónerpaz qatysty.

2016 jyly «Eýrazııa» HІІІ Halyqaralyq kınofestıvaliniń uıymdastyrý komıteti «Kınematograf ónerine qosqan úlesi úshin» syılyǵyn bekitti. Osynaý joǵary nagrada qazaq óneriniń aty ańyzǵa aınalǵan juldyzy, halyq ártisi Bıbigúl Tólegenovaǵa tabystaldy.

2017 jyly Astanada «Eýrazııa» halyqaralyq kınofestıvali aıasynda alǵash ret Eurasia Film Market kıno naryǵy uıymdastyryldy. Oǵan TMD, Qytaı, Úndistan, Ońtústik Koreıa, Eýropa jáne Amerıkanyń fılm satýshylary men satyp alýshylary kelip qatysty. 2012 jyly «InternationalFilmGuide (Ulybrıtanııa) Halyqaralyq «Eýrazııa» kınofestıvalin eń úzdik 35 álemdik kınofestıvalderdiń tizimine qosty.

2017 jyly Túrkııanyń Qara teńiz jaǵasyndaǵy Samsýn qalasynda álemniń 97 elinen jınalǵan 3105 sportshy arasyndaǵy HІІІ Sýrdlımpıada oıyndary bastaldy. Qazaqstan atynan jarysqa qostanaılyqtar – múkis sportshylar arasyndaǵy 2016 jylǵy álem chempıonatynyń kúmis júldegerleri Danııar Eskendirov pen Qanat Qońqabaev qatysyp, qola medaldy ıelendi.

2017 jyly Qazaq memlekettik tsırki qazaq ertegileriniń jelisi negizinde sońǵy 30 jylda alǵash ret erekshe gastroldik «Er Tóstik» qoıylymyn sahnalady.

Qoıylym Astanada ótken Halyqaralyq «EKSPO-2017» mamandandyrylǵan kórmesine oraı uıymdastyryldy. Ol jańa tehnologııalardyń paıdalanylýymen erekshelendi.

2018 jyly qazaqtyń tanymal aqyny, ánshisi ári kompozıtory Estaı Berkimbaevtyń urpaqtary Ekibastuzdaǵy mýzeıge onyń jeke zattaryn tabystady. 1939 jyly Estaı Almatyda Jazýshylar odaǵynyń otyrysyna qatysqan kezde eki chemodan satyp alǵan. Sonyń birin nemeresi Zeken apaıǵa, ekinshisin nemere aǵasy Qyzdarbek ataǵa syılaǵan. Qyzdarbek atanyń nemereleri chemodandy mýzeıge ákeldi.

Estaı Berkimbaev (1874-1946) - qazaqtyń tanymal aqyny, ánshisi ári kompozıtory, Qazaqstan Kompozıtorlar odaǵynyń alǵashqy músheleriniń biri (1939), Qazaq SSR eńbek sińirgen óner qaıratkeri (1939).

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT