+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

22 sáýir. Týǵan kún ıeleri

2021 jylǵy 22 sáýir 08:08
Bólisińiz:
22 sáýir. Týǵan kún ıeleri

NUR-SULTAN. QazAqparat - Búgin, ıaǵnı 22 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

93 jyl buryn (1928-1990) akter, Qazaqstannyń halyq ártisi Nurmuhan JANTÓRIN dúnıege keldi.

Atyraý oblysynyń Mahambet aýdanynda týǵan. Tashkent teatr óneri ınstıtýtyn bitirgen. 1952-1967 jyldary jáne 1988 jyldan ómiriniń sońyna deıin Qazaq akademııalyq drama teatrynyń sahnasynda óner kórsetken. 1967-1988 jyldary «Qazaqfılm» kınostýdııasynda akter bolǵan. Akter kóptegen spektaklder men fılmderde oınaǵan. Ol teatrda S.Muqanovtyń «Shoqan Ýálıhanovynda» Shoqan, Ǵ.Músirepovtiń «Qozy Kórpesh - Baıan sulýynda» Qodar (osy shyǵarmalar boıynsha qoıylǵan fılmderde de oınaǵan), M.Áýezovtiń «Eńlik-Kebek» pen «Qaragózinde» Kebek pen Syrym, N.Hıkmettiń «Eleýsiz qalǵan esil erinde» Doktor, M.Kaorýdyń «Shyǵystaǵy bir beıbaǵynda» Sıntaro, M.Býlgakovtyń «Jendetterinde» Moler, sondaı-aq, Ý.Shekspırdiń «Ottelosy» men «Makbetinde» ıAgo jáne Makbet (sońǵysy Qaraǵandy oblysy qazaq drama teatrynda), A.Pýshkınniń «Shaǵyn tragedııalarynda» Salerı, Baron jáne Don Jýan rolderin somdap, úzdik akterlik sheberligin tanytqan. 1948 jyldan kınoǵa túse bastaǵan. Kınodaǵy alǵashqy róli «Alastalǵan Alıtet» fılmindegi chýkcha jigiti - Týmatýge. Jantórın 80-ge jýyq fılmge tússe, sonyń 30-dan astamynda basty rólde oınaǵan. Olardyń qatarynda Sh.Ýálıhanov («Onyń ýaqyty keldi»), Abylaıhanov («Atamannyń aqyry»), Qurmanǵazy («Qurmanǵazy»), Sapar («Saparqudyǵy»), Shal («Kóleńkesin qýǵan shal»), Beıbarys sultan («Sultan Beıbarys»), t.b. beıneleri bar. Rejısser retinde Tsoı Gýk Inmen birlesip «Orman balladasy», N.Jaınaqovpen birge «Medaldiń úshinshi jaǵy», «Qaramarjan» fılmderin túsirgen. Almaty qalasynda Jantórın atyndaǵy kóshe bar.

58 jyl buryn (1963) QR Aqparat jáne qoǵamdyq damý mınıstrliginiń apparat basshysy Serik Rahmetollauly EGІZBAEV dúnıege keldi.

Batys Qazaqstan aýyl sharýashylyǵy ınstıtýtyn «agronom», Qazaq memlekettik zań akademııasyn «zańger» mamandyqtary jáne QR Prezıdentiniń janyndaǵy Memlekettik qyzmet akademııasyn bitirgen. Ekonomıka ǵylymdarynyń kandıdaty.

Eńbek jolyn 1980 jyly Oral (qazirgi Batys Qazaqstan) oblysyndaǵy Chapaev aýdany «Chapaev» keńsharynyń qurylys bóliminiń jumysshysy bolyp bastady. 1980-1985 jyldary – Oral oblysy Chapaev aýdany «Chapaev» zaýytynda agronom. 1986-1987jyldary – Qazaqstan LKJO Chapaev aýdandyq komıtetiniń ekinshi hatshysy. 1988-1990 jyldary – Oral oblysy Qazaqstan LKJO Jympıty aýdandyq komıtetiniń birinshi hatshysy. 1990-1993 jyldary — Oral oblystyq Qazaqstan Jastar Odaǵy ıdeologııalyq bóliminiń meńgerýshi-hatshysy. 1993 jyly — Batys Qazaqstan oblystyq Qazaqstan Jastar odaǵynyń birinshi hatshysy bolyp taǵaıyndaldy. 1997-1998 jyldary Batys Qazaqstan oblysynyń ákimdiginde bas ınspektor, uıymdastyrý jáne kadr jumysy departamenti dırektorynyń orynbasary laýazymdarynda qyzmet atqardy. 2000 jyldan 2001 jylǵa deıin QR Qarjy mınıstrliginiń Uıymdastyrý jáne kadr jumysy departamentiniń bólim basshysy bolyp jumys istedi. 2001-2007 jyldary QR Premer-Mınıstriniń Keńsesinde túrli qyzmetter atqarǵan. 2007-2016 jyldary — QR Prezıdenti Ákimshiliginde túrli laýazymdarda jumys istegen. 2016-2017 jyldary – QR aýyl sharýashylyǵy vıtse-mınıstri. 2017-2019 jyldary — «Qazaqstan» RTRK basqarma tóraǵasynyń óńirlik damý jónindegi orynbasary. 2019-2021 jyldary – Batys Qazaqstan oblysy ákiminiń orynbasary.

Qazirgi qyzmetinde – 2021 jyldyń aqpanynan.

56 jyl buryn (1965) Aqtóbe oblysynyń prokýrory Marat Jolmaǵambetuly QAIYPJANOV dúnıege keldi.

Qostanaı oblysynda týǵan. Sverdlov zań ınstıtýtyn támamdaǵan (1989). Eńbek joly: Qostanaı qalasy prokýrorynyń kómekshisi, stajer (1995-1998); Qostanaı qalasy prokýrorynyń orynbasary (1998-1999); Qostanaı oblysy Qostanaı aýdanynyń prokýrory (1999-2000); Qostanaı oblysy Meńdiqara aýdanynyń prokýrory (2000-2005); Qostanaı oblysy Lısakovsk qalasynyń prokýrory (2005-2009); qylmystyq ister boıynsha sot aktileriniń zańdylyǵyn baqylaý boıynsha basqarmanyń 4-shi keıin 2-shi departamentiniń bastyǵy (2009-2011); QR Bas prokýratýrasynyń sotta memlekettik múddelerdiń ókildiligi boıynsha departament bastyǵynyń orynbasary, keıin bastyǵy (2011-2012). Qostanaı oblysynyń prokýrory (2012-2017).

2017 jyldyń tamyzynan qazirgi qyzmetinde.

33 jyl buryn (1988) «Medıa damytý qory» korporatıvtik qorynyń bas dırektory Evgenıı Dmıtrıevıch KOChETOV dúnıege keldi.

Qazaq gýmanıtarlyq-zań ýnıversıtetin «Qarjy jáne nesıe» mamandyǵy boıynsha jáne M.V.Lomonosov atyndaǵy Máskeý memlekettik ýnıversıtetin bitirgen. Ekonomıka magıstri.

2009 jyl-2013 jyldary «NurOtan» HDP Ortalyq apparatynyń qurylymdyq bólimshelerinde sarapshy, keńesshi qyzmetin atqardy. 2013 - 2014 jyldary - «Tsesna» Korporatsııasy» AQ bólim basshysy. 2014 jyldan bastap 2016 jylǵa deıin - «Kazakhstan Real Estate Group» JShS basqarýshy dırektory. 2016 jyldyń 1 qazanynan 2017 jyldyń 12 mamyryna deıin Qazaqstan Respýblıkasy Aqparat jáne baılanys mınıstrliginiń «Ortalyq kommýnıkatsııalar qyzmeti» RMQK dırektory qyzmetin atqardy. 2009 jyldan bastap «Lıter» qoǵamdyq-saıası gazetiniń sholýshysy. 2015 jyldan bastap «Qazaqstan ekonomıkasy» onlaın jýrnalynda jáne «Informbıýro» aqparattyq-saraptamalyq portalynda eńbek etti. «Qazkontent» AQ Basqarma tóraǵasy boldy (2017-2018). «Nur Otan» partııasy Strategııalyq bastamalar ınstıtýty dırektorynyń orynbasary (2018-2020).

2020 jyldan bastap qazirgi qyzmetinde.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT