+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

22 qyrkúıek. Týǵan kún ıeleri

2019 jylǵy 22 qyrkúıek 08:08
Bólisińiz:
22 qyrkúıek. Týǵan kún ıeleri

NUR-SULTAN. QazAqparat – QazAqparat 22 qyrkúıekke arnalǵan «Týǵan kún ıeleri» kúntizbesin usynady.

ESІMDER


69 jyl buryn
(1950) aqyn, Qazaqstan Jazýshylar odaǵynyń Muqaǵalı Maqataev jáne Halyqaralyq Jambyl Jabaev atyndaǵy syılyqtardyń laýreaty, Halyqaralyq «Alash» syılyǵynyń ıegeri Nesipbek AITULY dúnıege keldi.

QHR Shyńjań ólkesi Tarbaǵataı aımaǵynyń Sháýeshek aýdanynda týǵan. 1962 jyly tarıhı otanyna oralǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

1974-1984 jyldary - «Baldyrǵan» jýrnaly poezııa bóliminiń meńgerýshisi, «Jalyn» baspasynyń redaktory. 1984-1994 jyldary - Qazaqstan Jazýshylar odaǵynyń ádebı keńesshisi. 1995-1996 jyldary - «Aqyn» qaýymdastyǵynyń dırektory. 1997-2001 jyldary «Qazaq ádebıeti» gazetinde syn bóliminiń, «Juldyz» jýrnalynda poezııa bóliminiń meńgerýshisi. 2001 jyldan L.N.Gýmılev atyndaǵy Eýrazııa ulttyq ýnıversıtetinde aǵa ǵylymı qyzmetkeri qyzmetterin atqarǵan. 2008 jyldan - «Altyn tamyr» jýrnalynyń bas redaktory qyzmetin atqardy.

Qazirgi tańda Astanadaǵy Sáken Seıfýllın atyndaǵy ádebı-memorıaldyq murajaıdyń dırektory.

«Balalyq» degen alǵashqy óleńi 1965 jyly Shubartaý aýdandyq «Jańa ómir» gazetinde, alǵashqy toptamasy 1972 jyly Muqaǵalı Maqataevtyń sát sapar tileýimen «Lenınshil jas» gazetinde, alǵashqy kitaby 1974 jyly «Qozykósh» degen atpen jaryq kórgen. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Muqaǵalı-Jeltoqsan», «Báıterek», «Balabaqshaǵa barar jolda», «Jelkildep ósken quraqtaı», «Kúmis kúıme», «Qartaımaıdy kún nege?» atty kitaptary, «Eskendir qorǵany» (Á.Naýaı), «Igor joryǵy týraly jyr», t.b. aýdarma kitaptary shyqqan. Túriktiń VII ǵasyrda ómir súrgen uly aqyny Júnis Emire, qytaıdyń kóne dáýir aqyny Bo Tsyzıýdyń, ıtalıan aqyny Dj.Rodarıdyń, sondaı-aq, M.Isakovskıı, A.Barto, S.Mıhalkov, S.Barýzdın, V.Berestov, T.Sydyqov, S.Jýsýev óleńderin qazaq tiline aýdarǵan.



53 jyl buryn (1966) Qazaqstan Ulttyq paralımpıada komıtetiniń prezıdenti Qaırat Sovetáliuly BORANBAEV dúnıege keldi.

Torǵaı oblysynda týǵan. Qazaq dene shynyqtyrý mádenıeti ınstıtýtyn dene tárbıesi oqytýshysy mamandyǵy boıynsha, Ál-Farabı atyndaǵy Qazaq memlekettik ulttyq ýnıversıtetin zańger mamandyǵy boıynsha bitirgen.

Eńbek joly: Torǵaı oblystyq sport mektebiniń bapker-ustazy (1989-1991); Almaty qalasyndaǵy BJSM-21 bapker-oqytýshysy (1991-1993); «Deka» kompanııasynyń bas dırektory (1993-1996); «Alash» JAQ vıtse-prezıdenti (1996-1997); «Altyn-Alma» JShS bas dırektory (1997-1999); «Sıstema» JShS vıtse-prezıdenti (1999-2000); «QazTransGaz» JAQ atqarýshy dırektory (2000); «Intergas Central Asia» JAQ kommertsııalyq dırektory (2000-2002); «QazTransGaz» AQ bas dırektordyń orynbasary (2002-2006); «QazRosGaz» AQ bas dırektory (2006-2014).

Qazirgi qyzmetinde 2015 jylǵy naýryzdan beri.

«Qurmet», ІІ dárejeli «Al-Fahr» ordenderimen; medalmen marapattaldy..


32 jyl
buryn (1987) Mańǵystaý oblysy ákiminiń keńesshisi Ásel Amanbekova BALMANOVA dúnıege kelgen.

Ol Batys Qazaqstan oblysynda týǵan. M. Ótemisov atyndaǵy Batys Qazaqstan memlekettik ýnıversıtetin «Ekologııa» mamandyǵymen bitirgen (2009).

Eńbek joly: Batys Qazaqstan oblysynyń Tabıǵı resýrstar jáne tabıǵatty paıdalanýdy retteý basqarmasynyń qorshaǵan ortany qorǵaý jáne monıtorıngileý bóliminiń bas mamany (2010-2012); Batys Qazaqstan oblysy ákimi apparatynyń aqparat jáne qujattamamen qamtý bóliminiń bas mamany, basshysy (2012-2016); Batys Qazaqstan oblysy aýyl sharýashylyǵy basqarmasynyń quqyqtyq qamtý bóliminiń basshysy (2017); «Batys Qazaqstan oblysynyń Kásipodaq ortalyǵy» Aýmaqtyq kásipodaqtar birlestigi tóraǵasynyń orynbasary (2017-2018).

Qazirgi laýazymyn 2018 jyldyń qańtarynan beri atqaryp keledi.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT