+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

22 aqpan. Týǵan kún ıeleri

2020 jylǵy 22 aqpan 08:08
Bólisińiz:
22 aqpan. Týǵan kún ıeleri

NUR-SULTAN. QazAqparat – Búgin, ıaǵnı 22 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER


98 jyl buryn (1922-1978) kınorejısser, Qazaqstannyń eńbek sińirgen óner qaıratkeri (1966), Ekinshi dúnıejúzilik soǵyst ardageri Májıt Saparǵalıuly BEGALIN dúnıege keldi.

Shyǵys Qazaqstan oblysy, Abaı aýdany, Degeleń aýylynda týǵan. 1948 jyly Máskeýdegi Búkilodaqtyq kınematografııa ınstıtýtyn bitirgen.

1950-1978 jyldary «Qazaqfılm» kınostýdııasynda rejıser bolyp, óz zamandastary týraly «Bul Shuǵylada bolǵan edi» (1955), «Jerge qaıta M.Begalınnyń oralýy» (1959), «Tulpardyń izi» (1964) kórkem fılmderdi qoıdy. Sh. Ýálıhanov týraly «Onyń kúni týady» (1957), B.Momyshuly jaıynda «Artymyzda Máskeý» stsenarıı avtory (1967).

1968 jyly Frýnze (qazirgi Bishkek) qalasynda ótken Orta Azııa men Qazaqstan kıno óneri baıqaýynyń bas júldesi men 1-dárejeli dıplomy ıegeri. M. Mámetova týraly «Mánshúk týraly ballada» (1969) sekildi tarıhı-ǵumyrnamalyq fılmi Begalınniń rejısserlik sheberligin tanytty. 1970 jyly Mınsk qalasynda ótken Búkilodaqtyq kınobáıgedegi KSRO Qorǵanys mınstrliginiń bas júldesi ıegeri. Resmı shyǵarmashylyǵy týraly «Majıt Begalın» atty derekti fılm (1981) túsirilgen. Eńbek Qyzyl Tý, «Qurmet belgisi» ordenderimen marapattalǵan.

59 jyl buryn (1961) «Ulttyq aqparattandyrý ortalyǵy» AQ prezıdenti Almıra Іzbasarqyzy TÁJІǴULOVA dúnıege kelgen.

Oral (qazirgi Batys Qazaqstan) oblysynda dúnıege kelgen. 1982 jyly Almaty temir jol kóligi ınjenerleri ınstıtýtyn «Avtomatıka, telemehanıka jáne baılanys» mamandyǵy boıynsha bitirip shyqty.

Eńbek jolyn Qazaq KSR MınVÝZy bas aqparattyq-esepteý ortalyǵynyń ınjeneri, aǵa ınjeneri retinde bastady. Aqparatty óńdeý aımaqtyq ortalyǵy dırektorynyń orynbasary (2000 jyldan), «Ulttyq aqparatandyrý ortalyǵy» AQ vıtse-prezıdenti (2007 jyldan).

Qazirgi qyzmetinde – 2013 jyldan bastap.


58 jyl buryn (1962) «Biryńǵaı jınaqtaýshy zeınetaqy qory» AQ basqarma tóraǵasy Janat Bostanuly QURMANOV dúnıege kelgen.

Qaraǵandy qalasynda týǵan.

1985 jyly S.M. Kırov atyndaǵy Qazaq memlekettik ýnıversıtetin fızıka mamandyǵy boıynsha aıaqtady. 1996 jyly Máskeý qalasynda Ekonomıka, menedjment jáne quqyq ınstıtýtyn ekonomıst mamandyǵy (mamandanýy - bank isi) boıynsha támámdady. 2017 jyly bıznes mekteptiń baǵdarlamasy boıynsha dıplom qorǵap, Oksford ýnıversıtetin bitirdi.

Eńbek jolyn 1985 jyly QazKSR ǴA ıAdrolyq fızıka ınstıtýtynda ınjener bolyp bastady. 1988-1996 jyldary Birlesken ıadrolyq zertteýler ınstıtýtynda (Dýbna, Reseı Federatsııasy) jumys istedi. 1994 jáne 1995 jyldary Pensılvanııa shtatynyń (AQSh) ýnıversıtetinde jumys istedi. 1996 jyly fızıka-matematıka ǵylymdarynyń kandıdaty ǵylymı dárejesin aldy. 1996 jyldan bastap Qazaqstan Respýblıkasynyń qarjy naryǵynda jumys isteıdi. 1996 jylǵy jeltoqsan - 1999 jylǵy jeltoqsan aralyǵynda «KBS» JÚAQ-ta qarjylyq basqarma bastyǵy, qarjy jónindegi vıtse-prezıdent, jobalardy basqarýshy bolyp jumys istedi. 1999 jylǵy jeltoqsan - 2002 jylǵy shilde aralyǵyndaǵy kezeńde Qazaqstan Respýblıkasy Ulttyq bankiniń saqtandyrýdy qadaǵalaý departamentinde jáne bankterdi jáne saqtandyrýdy qadaǵalaý departamentinde basshy laýazymdar atqardy. 2002 jylǵy tamyz - 2007 jylǵy aqpan aralyǵynda «MJZQ» jınaqtaýshy zeınetaqy qory» AQ bas dırektory, bas dırektorynyń orynbasary bolyp jumys istedi. 2007 jyldan bastap 2016 jylǵy qańtar aralyǵynda bank jáne saqtandyrý sektorlarynda, baǵaly qaǵazdar naryǵynda birqatar qarjylyq jáne ınfraqurylymdyq uıymdarda dırektorlar keńesiniń múshesi boldy. 2012 jylǵy mamyrdan bastap - «Qazaqstan qor bırjasy» AQ dırektorlar keńesiniń tóraǵasy. 2016 jylǵy aqpan - 2017 jylǵy qyrkúıek aralyǵynda Qazaqstan Respýblıkasy Ulttyq bankiniń saqtandyrý qadaǵalaý departamentine, banktik emes qarjy uıymdaryn retteý departamentine basshylyq etti. 2017-2019 jyldary Qazaqstan Respýblıkasy Ulttyq banki tóraǵasynyń orynbasary bolǵan.

Qazirgi laýazymyn 2019 jylǵy naýryzdan beri atqaryp keledi.


56 jyl buryn (1964) QR Parlamenti Májilisiniń altynshy shaqyrylymynyń depýtaty, Áleýmettik-mádenı damý komıtetiniń múshesi Jámıla Núsipjanqyzy NURMANBETOVA dúnıege kelgen.

Almaty oblysynda týǵan. 1981-1986 jyldary - S.M.Kırov atyndaǵy Qazaq memlekettik ýnıversıteti, «fılosofııa» mamandyǵyn úzdik támamdady. 1986-1989 jyldary - KSRO ǴA fılosofııa ınstıtýtynyń aspırantýrasyn (Máskeý) bitirdi.

Eńbek joly: 1989-1999 jyldary - Qazaqstan Respýblıkasy ǵylym jáne joǵary bilim mınıstrligi Fılosofııa jáne saıasattaný ınstıtýty áleýmettik fılosofııa jáne etıka bóliminiń aǵa laboranty; ǵylymı qyzmetkeri, mádenıet fılosofııasy jáne saıasat bóliminiń ǵylymı qyzmetkeri, aǵa ǵylymı qyzmetkeri, ǵylym fılosofııasy jáne tehnıka bóliminiń aǵa ǵylymı qyzmetkeri. 2000-2016 jyldary - L.N: Gýmılev atyndaǵy Eýrazııa ulttyq ýnıversıteti fılosofııa kafedrasynyń meńgerýshisi, oqý-ádistemelik jumystar jónindegi prorektor, birinshi prorektory. 2016 jyldan qazirgi qyzmetinde.

«QR bilim berýdiń qurmetti qyzmetkeri» (2001), «Y.Altynsarınniń tósbelgi medali (2008), «Qurmet» ordeni (2008), «Qazaqstannyń eńbek sińirgen qaıratkeri» qurmetti ataǵy (2014), «10 jyl Astana» mereıtoılyq medali (2008), «Qazaqstan Respýblıkasy Táýelsizdigine 20 jyl» (2011), «Qazaqstan halqy Assambleıasyna 20 jyl» (2015), «Qazaqstan Konstıtýtsııasyna 20 jyl» (2015).


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT