+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

2050 jyly álemdegi qarııalardyń sany 1,6 mıllıardqa jetedi - BUU

2018 jylǵy 30 qyrkúıek 18:23
Bólisińiz:
2050 jyly álemdegi qarııalardyń sany 1,6 mıllıardqa jetedi - BUU

ASTANA. QazAqparat - 1 qazan kúni Birikken ulttar uıymy Halyqaralyq qarttar kúnin atap ótedi. Álemde jasy 60-tan asqan qarııalardyń sany 1995 jyly 542 mıllıon bolsa, 2025 jyly shamamen 1,2 mlrd-qa jetip, eki esege artady, dep habarlaıdy QazAqparat tilshisi BUU resmı saıtyna silteme jasap.

Dúnıejúzilik densaýlyq saqtaý uıymynyń málimetinshe, balanyń az týylýy jáne halyq arasyndaǵy ólim-jitimniń azaıýy álemdegi demografııalyq ahýaldy aıtarlyqtaı ózgertip jibergen. Búginde álem «qartaıyp» jatyr. Qarttardyń sany artyp, balalar men jastardyń úlesi qysqarýda. 2015-2050 jyldary álemde 65 jastaǵy jáne odan úlken kisilerdiń sany 2,5 ese ósip, 1,6 mıllıardqa jetedi degen boljam bar.

«Jastar jáne búgingi kúni bılikte otyrǵan adamdar bir kúni ózderi de qartaıatynyn esten shyǵarmaǵany abzal. Olar keleshekte ózderine qandaı ómir tilese, búginnen bastap qarttarǵa sondaı jaǵdaı jasaýǵa kiriskeni jón», - deıdi BUU qarttar quqyǵy jónindegi arnaıy baıandamashysy Roza Kornfeld-Matte.

BUU arnaıy baıandamashysy aǵa urpaq ta qoǵamnyń tolyqqandy múshesi ekenin, sondyqtan olar da qur otyrmaı, ózderiniń ıgiligine tikeleı qatysy bar sharalardy qurýǵa jáne iske asyrýǵa belsene qatysýǵa tıis ekenin atap ótti. Olar sonymen qatar, óz bilimi men ómirlik tájirıbesin jastarmen bólisip, óz quqyqtaryn tolyǵymen paıdalanýǵa múmkindik alýy kerek deıdi ol.

Eske sala keteıik, 1980 jyly jasy 60-tyń ústine shyqqan ǵalam turǵyndarynyń sany búkil halyqtyń 6 paıyzyn ǵana quraǵan edi. Al 2050 jyly bul kórsetkish 16 paıyzdan asady dep kútilýde. Eýropada 2015 jyldyń ózinde 65-ten asqan qarııalar búkil halyqtyń 18 paıyzyn quraǵan bolatyn. Al ótken jyly Soltústik Amerıkada bul kórsetkish 15 paıyz boldy.

Halyqaralyq qarttar kúni 1991 jyly BUU Bas assambleıasynyń 45-sessııasynda belgilengen, sodan beri jyl saıyn atap ótiledi.

Bizdiń kanalymyzǵa jazylyńyz:

#BUU   #Álem   #Qoǵam  
Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT