2030 jylǵa qaraı jer betinde 1,4 mlrd qart bolady

2022 jylǵy 1 qazan, 20:14
2030 jylǵa qaraı jer betinde 1,4 mlrd qart bolady

ASTANA. QazAqparat - 2030 jylǵa qaraı jer betinde 60 jastan asqan kem degende 1,4 mıllıard adam bolady, dep habarlaıdy QazAqparat BUU jańalyqtaryna silteme jasap.

Qart adamdar qoldaý men qorǵaýdy qajet etedi, óıtkeni olar jıi túrli silkinister men daǵdarystardyń qurbandarynyń qatarynda bolady. Bul týraly BUU 1 qazanda atap ótiletin Halyqaralyq qarttar kúninde eske saldy.

Sońǵy jyldar egde jastaǵy adamdardyń daǵdarystyń naǵyz epıtsentrine túsken ýaqyty boldy. 60 jastan asqan adamdar COVID-19 pandemııasy kezinde eń osal topqa jatqyzyldy. Olar qarýly qaqtyǵystardyń nemese klımattyń ózgerýinen týyndaǵan tabıǵı apat kezinde úılerinen shyǵa almaı, birinshi bolyp zardap shegýde.

Kedeılik, áleýmettik qaýipsizdik jáne tıisti medıtsınalyq kómektiń joqtyǵy da qazirgi álemde egde jastaǵy adamdar kezdesetin máselelerdiń biri.

«Jeke elder jáne jalpy jahandyq qaýymdastyq retinde ortaq mindetimiz – uzaq ómir súrý máselelerin sheshý jáne onyń áleýetin ashý», - dep málimdedi BUU Bas hatshysy Antonıý Gýtýrrısh Halyqaralyq kúnine arnap sóılegen sózinde.

BUU Bas hatshysy ol úshin barlyq jastaǵy adamdardyń áleýmettik, ekonomıkalyq jáne saıası ıntegratsııasyna járdemdesý qajet dep sanaıdy. Egde jastaǵy adamdardyń bilim alyp, biliktiligin arttyrýǵa, áleýmettik qorǵalýyn qamtamasyz etý, qoljetimdi jáne sapaly medıtsınalyq kómekti paıdalanýǵa múmkindik berý mańyzdy.

«Qarttar – bilim men tájirıbeniń úlken kózi. Biz olardyń áleýetin belsendi túrde paıdalanýǵa, qoǵam ómirine tolyq jáne mazmundy aralasýyn qamtamasyz etýge tyrysýymyz kerek», - dep eske saldy Antonıý Gýterrısh.


Tegı:
BUU   Álem  
Uqsas jańalyqtar
Seriktester jańalyqtary

Jańalyqtar