2025 jylǵa deıin Qazaqstanda elektrondyq saýda úlesi 10% artady

NUR-SULTAN. QazAqparat - 2025 jylǵa deıin Qazaqstanda elektrondyq saýda úlesi 10% artady, dep habarlaıdy QazAqparat primeminister.kz silteme jasap.

Uqsas jańalyqtar

Elektrondy saýda júrgizetinderge tabys salyǵy salynbaıdy – QR QM

Elektrondy saýdada eksporttyń úlesin arttyrý, sondaı-aq otandyq kompanııalardy elektrondyq saýdaǵa tartý sharalary týraly suhbatynda «QazTrade» saýda saıasatyn damytý ortalyǵy» AQ-nyń eksporttyq taldaý jónindegi jobalarynyń basshysy Shyńǵys Torez aıtyp berdi.

Onlaın saýda-sattyq — Qazaqstanda aıtarlyqtaı qarqyndy damyp kele jatqan búkilálemdik trend. Sondyqtan eksportqa shyǵýdy kózdeıtin kásipkerler endi QazTrade bazasynda elektrondy saýdany damytý negizderine oqytylatyn bolady. Sebebi, qazir Qazaqstanda bólshek saýda aınalymynda elektrondyq kommertsııanyń úlesi tym az bolyp otyr.

«Tsıfrlyq Qazaqstan» baǵdarlamasyn iske asyrý aıasynda QR Saýda jáne ıntegratsııa mınıstrligi Jol kartasyn bekitti. Onyń sheńberinde elektrondy saýdada eksporttyń úlesin arttyrý, otandyq kompanııalardy elektrondy saýdaǵa tartý, tutynýshylardyń quqyqtaryn qorǵaý platformasyn daıyndaý qolǵa alynady», — dedi Sh. Torez.

Sonyń ishinde elektrondy saýdany damytý ‒ búgingi tańdaǵy ózekti máselelerdiń biri. Osy maqsatta, bıyl qazan aıynda «Qaztrade» «Atameken» ulttyq kásipkerler palatasymen birlesip, «Internet eksporttaýshylar mektebi» baǵdarlamasyn júzege asyrdy. Baǵdarlama elimizdiń bıznesmenderine dúnıe júziniń elektrondy platformalaryna shyǵýǵa múmkindik beredi.

«Búginde 50 eksporttaýshy kompanııa «altyn taýar jetkizýshi» ataýyn ıelendi, endi olar Alibaba platformasynda jumys isteı bastaıdy. Jalpy, 2025 jylǵa deıin elektrondyq saýda úlesin 5-10%-ǵa jetkizýdi josparlap otyrmyz», — dedi Sh. Torez.

Onyń habarlaýynsha, álemdegi elektrondyq tsıfrlyq platformalardyń damýyna oraı, Qazaqstanda da elektrondyq saýda salasynda jumys isteý kásipkerler úshin tıimdi bolyp otyr. Sondyqtan, otandyq taýar óndirýshilerdiń elektrondyq saýda sharalaryna belsendi qatysýy da mańyzdy.