+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

2025 jylǵa deıin elimizdiń mashına jasaý salasynda 14 jańa joba qolǵa alynbaq

2021 jylǵy 23 qyrkúıek 15:34
Bólisińiz:
2025 jylǵa deıin elimizdiń mashına jasaý salasynda 14 jańa joba qolǵa alynbaq

NUR-SULTAN. QazAqparat – Qazaqstannyń mashına jasaý salasynda 2025 jylǵa deıin 160 mlrd teńgege jańa 14 jobany iske asyrý josparda bar. Bul týraly Qazaqstan mashına jasaýshylar odaǵynyń atqarýshy dırektory Ómirserik Erjanov málim etti, dep habarlaıdy QazAqparat tilshisi.

«Bıyl 8 aıynda mashına jasaý kólemi ótken jylmen salystyrǵanda 24% ósip, 1,4 trln teńgeni qurady. Jyl sońyna deıin bul soma 2 trln teńgeden asyp túsedi dep boljap otyrmyz. Mashına jasaý kóleminiń artýyna qatysty ishinara toqtalsaq, aýyl sharýashylyǵy mashınasyn jasaý – 300%-ǵa, temirjol – 45%-ǵa, elektrotehnıkalyq – 28%-ǵa, taý-ken metallýrgııasy jáne munaı-gaz salasy – 11%-ǵa óskeni baıqalady. Jalpy mashına jasaý tehnologııalyq turǵydan eń kúrdeli salalardyń biri», - dedi Ómirserik Erjanov.

Onyń aıtýynsha, búginde elimizde 3 myńnan astam mashına jasaıtyn kásiporyn bar jáne onda 119 myńǵa jýyq adam jumys isteıdi.

«Jalpy atalǵan salany ındýstrııalandyrýdyń sońǵy 10 jylynda 400 mlrd teńgeniń 135 jobasy júzege asyryldy. 2025 jylǵa deıin 160 mlrd teńgege taǵy 14 jobany iske asyrý josparda bar. Bıylǵy forým negizinde ázirlengen usynymdar Memleket basshysynyń Joldaýyndaǵy tapsyrmalardy iske asyrý aıasynda bolady. ıAǵnı ulttyq ekonomıkany jańǵyrtyp, ınvestıtsııalyq, óndiristik jáne eksporttyq áleýetti arttyrýǵa baǵyttalady», - deıdi ol.

Aıta ketsek, kesheden beri elordadaǵy EHRO halyqaralyq kórme kesheninde Qazaqstan mashına jasaýshylarynyń ІH forýmy ótip jatyr.

Eki kúnge josparlanǵan sharanyń plenarlyq otyrysyna QR Premer-Mınıstriniń birinshi orynbasary Roman Sklıar qatysyp, Prezıdent Qasym-Jomart Toqaetyń quttyqtaý sózin oqyp berdi.

Sondaı-aq, forým aıasynda paneldik pikirtalastar men túrli formattaǵy kezdeýler ótip jatyr.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT