2025 jylǵa deıin aýyldaǵy 10 myń jas jumysqa ornalasady
2021 jylǵy 24 qarasha 10:04

2025 jylǵa deıin aýyldaǵy 10 myń jas jumysqa ornalasady

NUR-SULTAN. QazAqparat – 2025 jylǵa deıin memlekettik baǵdarlamalar aıasynda 30 myń jasty, onyń ishinde 10 myń aýyl jastaryn jumysqa turǵyzý josparlanyp otyr. Bul týraly QR Aqparat jáne qoǵamdyq damý mınıstri Aıda Balaeva «Táýelsizdik urpaqtary» atty respýblıkalyq jastar forýmynda málim etti, dep habarlaıdy QazAqparat tilshisi.

«Táýelsizdiktiń 30 jylynda jastar saıasatynda aýqymdy da qarqyndy jumystar atqaryldy. 1993 jyly Tuńǵysh Prezıdentimizdiń Jarlyǵymen «Bolashaq» halyqaralyq stıpendııasy taǵaıyndaldy. Baǵdarlamanyń arqasynda 15 myńnan astam jas álemniń eń ozyq ýnıvesıtetterinde oqýǵa múmkindik aldy. Búginde shetelden oqyp kelgen túlekterdiń 54 protsenti memlekettik organdarda, 30 protsenti jeke sektorda, 16 protsenti halyqaralyq uıymdar men ulttyq kompanııalarda qyzmet etedi. 1992 jyly talantty jastardy qoldaýǵa arnalǵan «Daryn» memlekettik jastar syılyǵy taǵaıyndaldy», - dedi Aıda Balaeva.

Onyń aıtýynsha, búgingi kúnge deıin 296 jas osy syılyqtyń ıegeri atanǵan.

«Sondaı-aq jas ǵalymdardy qoldaý maqsatynda jyl saıyn úzdik ǵylymı jobalarǵa Dinmuhamed Qonaev jáne Muhtar Áýezov atyndaǵy arnaıy syılyqtar tabystalady. Memlekettik jastar saıasatyndaǵy ózgerister eki myńynshy jyldardan bastap tyń serpin aldy.

«Qazaqstan jastary» memlekettik baǵdarlamasy, Memmlekettik jastar saıasatynyń tujyrymdamasy qabyldanyp, «Jasyl el», «Jastar tájirıbesi», «Dıplommen – aýylǵa», «Serpin» jobalary iske qosyldy. «Jasyl el» baǵdarlamasy boıynsha 2005-21 jyldary 44 mln 300 myń túp aǵash egilip, 149 myń gektar jer óńdeldi. 300 myńnan astam jas jumyspen qamtyldy. Bul nátıjeli joba aldaǵy ýaqytta da jalǵasyn tabady. 2025 jylǵa deıin 30 myń jasty, onyń ishinde 10 aýyl jastaryn jumysqa turǵyzý josparda bar», -dedi mınıstr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT