+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

2025 jylǵa deıin Aqtóbede aýyzsýmen qamtý kórsetkishi 100% jetkiziledi

2021 jylǵy 25 maýsym 04:00
Bólisińiz:
2025 jylǵa deıin Aqtóbede aýyzsýmen qamtý kórsetkishi 100% jetkiziledi

AQTÓBE. QazAqparat - Aqtóbede aýyz sýmen qamtý kórsetkishi 90 paıyzdan asty. 2025 jylǵa deıin barlyq aýyl aýyz sýmen qamtylady, dep habarlaıdy QazAqparat tilshisi.

Uqsas jańalyqtar
13 dostyq úıinde «Shyǵys Qazaqstan – janjalsyz aýmaq» jobasy júzege asyrylýda - ShQO Matrıtsa: Túrkistan oblysynan ózge qalalar men óńirlerdiń barlyǵy «qyzyl» aımaqta Ulttyq keńes múshesi: Ákim saılaýy –  majorıtarlyq saıası júıe qurýdyń alǵashqy qadamy

Oıyl aýdanynda shaǵyn aýyl turǵyndaryn aýyz sýmen qamtý, aýyldardyń joldaryn jóndeý, buqaralyq sportty damytý, jaldamaly-kommýnaldyq turǵyn úı salý jumystary tekserildi. «Ózgerister joly: ár azamatqa laıyqty ómir!» atty «Nur Otan» partııasynyń saılaýaldy baǵdarlamasyn oryndaýdyń Jol kartasy boıynsha atqarylǵan jumystardy oblystyq máslıhat depýtattary, «Nur Otan» fraktsııasy jetekshisi men músheleri baqylap qaıtty. Jol kartasy boıynsha 5 jylda 18,6 myń adamdy nemese aýdan turǵyndaryn 100% sapaly aýyz sýmen qamtamasyz etý josparlanǵan. Sonyń ishinde bıyl aýyz sý Qarakemer, Aqshataý, Kósembaı, Aqkemer, Bestamaq aýyldaryna jetkiziledi. Depýtattar baqylaý jumystaryn Bestamaq aýylynan bastady.

Aýdandyq turǵyn úı-kommýnaldyq sharýashylyq jáne avtomobıl joldary bóliminiń basshysy Tańat Nurymgereevtyń aıtýynsha, eldi mekenderdiń 68 paıyzy ortalyqtandyrylǵan aýyz sýmen qamtylady. Onyń ishinde Bestamaq eldi mekenine respýblıkalyq jáne oblystyq bıýdjetten 240 mln teńge qarjy bólinip, qurylys jumystaryn qarasha aıynda aıaqtaý josparlanǵan.

-Aýdanymyzda qazir 22 eldi meken bar. Jol kartasy negizinde 200 turǵynǵa jetpeıtin eldi mekenderdi modýldik keshendi aýyzsýmen qamtý josparlandy. Sonyń negizinde jergilikti bıýdjetten 75 mln. teńge bólinip, qazirgi tańda 5 eldi mekenge kúzge deıin aýyz sýy jetkiziledi. Al Qarasý men Shubarshynyń halqy 200-den asatyn bolǵandyqtan ortalyqtandyrylǵan aýyz sý tartý josparlanýda. Bıyl smeta jasaqtalyp, saraptamadan ótkizilgen soń 2022 jylǵa bıýdjettik ótinis tapsyrylady, - dedi bólim basshysy.

Qobda aýdanynda da partııanyń saılaýaldy baǵdarlamasyn oryndaýdyń Jol kartasy tekserildi. Depýtattar Taldysaı aýylyndaǵy jol jóndeý jumysyn kórdi. Bul máseleni aýyl ustazy Aıbek Qosmaǵambetov partııa Tóraǵasynyń birinshi orynbasary Baýyrjan Baıbektiń onlaın qabyldaýynda aıtyp, ótinish bildirgen bolatyn. Turǵyndar tilegimen aýyldyń joly Jol kartasyna enip, Á.Moldaǵulova kóshesin jóndeýge oblystyq bıýdjetten 65,5 mln teńge, Abat Baıtaq kóshesine 140 mln teńge qarajat bólindi.

- Bizdiń aýylymyzda barlyq jaǵdaı jasalǵan. Gaz, sýymyz kelip tur. Endi jol máselesi sheshilse, aýylymyz gúldene túsetinine senemiz. Jalpy jol máselesiniń sheshilgeni búkil aýyl turǵyny, ásirese jastar úshin zor qýanysh boldy, - dedi turǵyn Aıbek Qosmaǵambetov.

Depýttar «Máńgilik el» atty saıabaqtyń jaryqtandyrý men kútip ustaý jumystaryn qarap, jol kartasynyń oryndalýyn keńeste talqylady.

-Saıası naýqannyń aldynda «Nur Otan» partııasy óziniń 5 jyldyq saılaýaldy baǵdarlamasyn qabyldaǵan bolatyn. Ony júzege asyrý úshin aımaqtyq Jol kartalary jasaqtalyp, máslıhattardaǵy fraktsııa músheleri naqty ındıkatorlarǵa jaýapty bolyp bekitildi. Búgingideı baqylaý jumystary aldaǵy ýaqytta da jalǵasady. Biz halyqqa bergen ýádemizdi tolyǵymen oryndaımyz, - dedi partııanyń oblystyq fılıaly tóraǵasynyń birinshi orynbasary, oblystyq máslıhattaǵy «Nur Otan» fraktsııasy jetekshisi Erbol Danaǵulov.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT