2023 jylǵa deıin 6 óńir tsıfrlyq efırlik teleradıo habarlaryn taratýǵa kóshedi
2022 jylǵy 28 maýsym 10:07

2023 jylǵa deıin 6 óńir tsıfrlyq efırlik teleradıo habarlaryn taratýǵa kóshedi

NUR-SULTAN. QazAqparat – 2023 jylǵa deıin 6 óńir tsıfrlyq efırlik teleradıo habarlaryn taratýǵa tolyq kóshiriledi. Bul týraly Úkimet otyrysynda QR Aqparat jáne qoǵamdyq damý mınıstri Asqar Omarov aıtty, dep habarlaıdy QazAqparat tilshisi.

«Mınıstrlik tsıfrlyq efırlik teleradıo habarlaryn taratýdy damytý aıasynda josparly jumys júrgizýde. Búgingi kúni Qazaqstan halqynyń 92,43 paıyzy tsıfrlyq efırlik teleradıo habarlaryn taratýmen qamtylǵan. 11 óńir tolyǵymen tsıfrlyq efırlik teleradıo habarlaryn taratýǵa kóshti. Qalǵan 6 óńirdi 2023 jylǵa deıin tsıfrlyq efırlik teleradıo habarlaryn taratýǵa tolyq kóshirý josparlanyp otyr», - dedi mınıstr.

Onyń dereginshe, osy jyly Shyǵys Qazaqstan oblysynda 6 radıotelevızııalyq stantsııany paıdalanýǵa berý josparlanǵan.

«Tsıfrlyq efırlik teleradıo habarlaryn taratýǵa kóshý halyq úshin oblystyq jáne respýblıkalyq mańyzy bar qalalarda – 30-ǵa deıingi, oblys ortalyǵynan tómen deńgeıde 15-ke deıingi telearnany translıatsııalaýǵa múmkindik beredi», - dedi Asqar Omarov.


Seriktester jańalyqtary

Jańalyqtar

Úrdis

MURAǴAT