2022 jyldyń ekinshi jartysynda munaı baǵasy kóterilýi múmkin – sarapshylar boljamy
2022 jylǵy 28 maýsym 09:31

2022 jyldyń ekinshi jartysynda munaı baǵasy kóterilýi múmkin – sarapshylar boljamy

AMMAN.QazAqparat – Sarapshylar Reseıge qarsy sanktsııalardyń kúsheıýi, Irannyń ıadrolyq kelisimin jasaýdaǵy qıyndyqtar jáne OPEK-ke múshe elder men onyń odaqtastarynyń erkin óndiris qýatynyń qysqarýy aıasynda bıyl munaı baǵasynyń ósýin boljap otyr, dep habarlaıdy QazAqparat tilshisi.

Ýoll-strıt Banki shıki munaı men munaı ónimderi baǵasynyń kóterilý qaýpi «qazir óte joǵary» dep sanaıdy. Bul týraly Goldman Sachs-tiń Ǵalamdyq taýarlyq zertteýler bóliminiń basshysy Djeffrı Karrı málimdedi.

IHS kompanııasynyń analıtıkalyq esebine sáıkes, Brent markaly munaı baǵasy 2022 jyldyń ekinshi jartysynda álemdik naryqta jetkizilim az bolǵan jaǵdaıda barreline 135 dollarǵa deıin kóterilýi múmkin.

Osy jyldyń úshinshi toqsanynda baǵa barreline 136,3 dollarǵa deıin ósýi múmkin, dep sanaıdy IHS sarapshylary.

Olardyń boljamy boıynsha, jalpy alǵanda, ekinshi jartyjyldyqta munaı baǵasy 135 AQSh dollary deńgeıinde qalady, al jyl boıynsha ortasha alǵanda ol barreline 122 AQSh dollaryn quraıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT