+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

2022 jyldan ákimdikter janynan azamattyq bastamalardy qoldaý ortalyqtary ashylady

2021 jylǵy 23 qyrkúıek 16:15
Bólisińiz:
2022 jyldan ákimdikter janynan azamattyq bastamalardy qoldaý ortalyqtary ashylady

NUR-SULTAN. QazAqparat – 2022 jyly bastap ákimdikter janynan azamattyq bastamalardy qoldaý ortalyqtary ashylyp, jergilikti bıýdjet esebinen qarjylandyrylady, dep habarlaıdy QazAqparat tilshisi.

Uqsas jańalyqtar

Bul týraly QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet Aqparat jáne qoǵamdyq damý salasyndaǵy Qoǵamdyq keńestiń otyrysynda aıtty.

«Memleket basshysynyń Qazaqstan halqyna Joldaýynda qoıylǵan mindetterde mınıstrlikke aýyldy jerlerdegi azamattyq bastamalardy qoldaý tetigin ázirleý tapsyryldy. Bul bastama ákimderdiń tikeleı saılaýyn engizýdiń, jergilikti ózin-ózi basqarýdyń, bıýdjettiń tórtinshi degeıin engizýdiń ózekti jalǵasy bolyp tabylady. Bul sheshimderdiń bári aýyl turǵyndarynyń, ıaǵnı qazaqstandyqtardyń 40 paıyzdan astam halqynyń múddelerine tikeleı baılanysty», - dedi komıtet basshysy.

Onyń aıtýynsha, jergilikti ózin-ózi basqarýdy odan ári jańǵyrtýdyń mańyzdy faktory – azamattyq mádenıetti damytý.

«Bul tańda memleket aýyldaǵy azamattyq bastamalardy shaǵyn grant berý arqyly qoldap jatyr. Jalpy aýyldy jerlerde tirkelgen 12 myńnan astam úkimettik emes uıym bar. Basqa da azamattyq belsendiler shaǵyn grant arqyly óz bastamalaryna qoldaý taba alady. 2019-2021 jyldary bul maqsattarǵa búkil el boıynsha 340 shaǵyn grant bólindi. Osy granttar aıasynda aýyldy jerlerde ár túrli ortalyqtar ashyldy. Onyń ishinde áleýmettik sheberhanalar, az qamtylǵan jáne kópbalaly otbasylarǵa arnalǵan ortalyqtar, bos ýaqyt ótkizetin nysandar, balalar alańdary men sport obektileri, onyń ishinde múmkindigi shekteýli adamdarǵa arnalǵan sportzaldar, qart adamdarǵa arnalǵan salaýatty ómir salty úıirmeleri jáne taǵy basqa ortalyqtar ashyldy», - degen mınıstrlik ókili aýyldaǵy bastamalardy qoldaýmen budan bylaı jergilikti ákimdikter de aınalysatynyn atady. Ol úshin olardyń janynan arnaıy ortalyqtar ashylmaq.

«Aýyldaǵy azamattyq bastamany qoldaýǵa arnalǵan osyndaı jobalar kelesi jyly da josparlanǵan. Aýyldy jerelerdegi qoǵamdyq bastamalardy keńinen qamtýǵa bul jetkiliksiz. Osyǵan baılanysty ákimdikterdi osy protsesterge tartý tartý boıynsha belsendi jumys júrgizizilip jatyr. Qazirgi tańda jergilikti ákimdiktermen kelissózdar júrgizilip, kelesi jylǵa olardyń bıýdjetteri arqyly azamattyq bastamalardy qoldaý ortalyǵy jumysyn bastaǵaly otyr», - dedi Madııar Qojahmet.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT