+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

2021 jyly elordada sot saraptamasy ǵımaraty paıdalanýǵa beriledi

2020 jylǵy 17 qańtar 12:56
Bólisińiz:
2021 jyly elordada sot saraptamasy ǵımaraty paıdalanýǵa beriledi

NUR-SULTAN. QazAqparat – Ádilet mınıstrligi óńirlerde sot saraptamasy ǵımaratyn salý baǵytyndaǵy jumystardy jarııalady, dep habarlaıdy QazAqparat tilshisi.

«Búginde mınıstrlik úshin joǵary standarttar men talaptarǵa saı keletin qyzmettik ǵımaratpen sot saraptamasy organdaryn qamtamasyz etý negizgi másele bolyp otyr. Osy oraıda bul taqyryp vedomstvo úshin basymdyqty sıpatqa ıe. Ony sheshý úshin óńirler ákimdikterimen tıisti jumystar atqaryldy», - dep atap ótti Ádilet vıtse-mınıstri Almat Madalıev vedomstvonyń keńeıtilgen alqa májilisinde.

Onyń sózine qaraǵanda, Qostanaı jáne Batys Qazaqstan oblystary ınstıtýttaryna ákimdikter qajetti ǵımaratty bóldi. Al Aqtóbe oblysynda ınstıtýt ǵımaratyn salý úshin jergilikti bıýdjet esebinen jobalyq-smetalyq qujatnama ázirlenip, 1,5 gektar jer telimi qarastyryldy.

«Nur-Sultan qalasynda ǵımarattyń qurylysyna jer ýchaskesi bólinip, respýblıkalyq bıýdjetten qajetti qarajat eskerildi. Shymkent qalasynda da osyndaı qadamdar arqyly ǵımarat salý josparlanyp otyr», - dedi A. Madalıev.

Tilshiler saýalyna jaýap berý barysynda Ádilet mınıstri Marat Beketaev respýblıkalyq bıýdjet esebinen elordadaǵy ǵımart qurylysyn 2020 jyly bastaý kózdelgenin aıtty.

«Ár oblysta halyq sany ártúrli ekeni belgili, sondyqtan qajettilik kólemi de ózgeshe bolady. Nur-Sultan qalasy úshin qurylysqa 1,5 mlrd teńgege jýyq qarjy qarastyrylǵan. Jobalyq-smetalyq qujatnama zamanaýı standarttar boıynsha ázirlengen. Onda tek máıithana ǵana emes, sonymen qatar sot saraptamasynyń ózge de qyzmetteri qamtylady. Atap aıtqanda, barlyq sot sarapshylaryn bir nysanda ornalastyrǵan durys bolady, bul óz kezeginde quqyq qorǵaý organdaryna da qolaıly», - dedi Marat Beketaev.

Belgili bolǵandaı, elordadaǵy ǵımarattyń qurylysyn 2021 jyly aıaqtaý josparlanyp otyr.

«Bul ǵımarat kúrdeli nysandardyń qataryna jatady. Máselen, onda tırge arnaıy oryn bólý eskerilgen. Ballıstıkalyq saraptamalar úshin qarýdy tekserý kerek bolady. Sáıkesinshe, barlyq standarttarǵa saı keletin tır jasaqtalýy tıis», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT