+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

2021 jylǵy jalaqy men zeınetaqynyń eń tómengi mólsheri belgilendi

2020 jylǵy 4 jeltoqsan 14:30
Bólisińiz:
2021 jylǵy jalaqy men zeınetaqynyń eń tómengi mólsheri belgilendi

NUR-SULTAN. QazAqparat - Memleket basshysy Qasym-Jomart Toqaev «2021-2023 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna qol qoıdy, dep habarlaıdy QazAqparat.

Atalǵan Zańǵa sáıkes, 2021 jylǵy 1 qańtardan bastap: jalaqynyń eń tómen mólsheri - 42 500 teńge; memlekettik bazalyq zeınetaqy tóleminiń eń tómen mólsheri - 18 524 teńge; zeınetaqynyń eń tómen mólsheri - 43 272 teńge; járdemaqylardy jáne ózge de áleýmettik tólemderdi esepteý, sondaı-aq Qazaqstan Respýblıkasynyń zańnamasyna sáıkes aıyppul sanktsııalaryn, salyqtardy jáne basqa da tólemderdi qoldaný úshin aılyq eseptik kórsetkish - 2 917 teńge; bazalyq áleýmettik tólemderdiń mólsherlerin esepteý úshin eń tómen kúnkóris deńgeıiniń shamasy - 34 302 teńge bolyp belgilendi.

Jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine jumsalatyn qarajat 2021 jylǵy 1 qańtardan bastap olardyń mólsherlerin 7 protsentke kóterý eskerile otyryp kózdelgen.

2021 jylǵy 1 qańtardan bastap áleýmettik medıtsınalyq saqtandyrý qoryna tóleýge jatatyn mindetti áleýmettik medıtsınalyq saqtandyrýǵa memleket jarnalarynyń mólsheri memleket jarnalaryn esepteý obektisinen 1,6 paıyz dep belgilendi.

2021 jylǵy 1 qańtardan bastap áskerı qyzmetshilerge (merzimdi qyzmettegi áskerı qyzmetshilerden basqa) jáne arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerlerine turǵynjaıdy kútip-ustaýǵa jáne kommýnaldyq qyzmetterge aqy tóleýge aqshalaı ótemaqynyń aılyq mólsheri 3 739 teńge somasynda bolady.

Zań 2021 jylǵy 1 qańtardan bastap qoldanysqa engiziledi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT