+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

2021 jylǵy 1 qańtardan bastap Qazaqstanda mıkroqarjylyq qyzmet lıtsenzııalanady

2020 jylǵy 2 qarasha 11:37
Bólisińiz:
2021 jylǵy 1 qańtardan bastap Qazaqstanda mıkroqarjylyq qyzmet lıtsenzııalanady

NUR-SULTAN. QazAqparat - 2021 jylǵy 1 qańtardan bastap Qazaqstanda mıkroqarjylyq qyzmetti lıtsenzııalaý engiziledi. Bul jaıynda QR Qarjy naryǵyn retteý jáne damytý agenttiginiń tóraıymy Mádına Ábilqasovanyń Májilis depýttarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Bıyl naýryzda Qazaqstan Respýblıkasy Prezıdentiniń tapsyrmasy boıynsha mıkrokredıtteý sýbektilerine qatysty qatań biliktilik talaptary belgilendi. Olardyń aıasynda lombardtardyń, kredıttik seriktestikterdiń basshy qyzmetkerleri men qatysýshylaryna qoıylatyn talaptar kúsheıtildi», - dedi agenttik tóraıymy.

Onyń atap ótýinshe, mıkrokredıtteý sýbektilerin eseptik tirkeýge alý jedeldetildi. Jarǵylyq kapıtaldyń eń tómen mólsherine, lombardtardyń qyzmetin uıymdastyrýǵa, olardyń úıjaılarynyń qaýipsizdigi men tehnıkalyq nyǵaıtylýyna qoıylatyn talaptar arttyryldy.

«Sonymen qatar, Memleket basshysynyń tapsyrmasyna sáıkes 2021 jylǵy 1 qańtardan bastap mıkroqarjylyq qyzmetti lıtsenzııalaý engiziletin bolady. Zańnamalyq aktilerge tıisti túzetýlerge Qazaqstan Respýblıkasynyń Prezıdenti osy jylǵy 3 shildede qol qoıdy. Lıtsenzııalaýdy engizý mıkroqarjylyq qyzmet sýbektilerin qarjy uıymdaryna jatqyzýǵa jáne tutynýshylardyń quqyqtaryn qorǵaý qaǵıdattaryna sáıkes keletin qarjylyq kórsetiletin qyzmetter men qarjy naryǵynyń biryńǵaı zańnamalyq anyqtamasyn qurýǵa múmkindik beredi. Osylaısha, bankterge jáne mıkroqarjylyq qyzmetti júzege

asyratyn uıymdarǵa qatysty qaryzdar berýge qatysty retteý men

qadaǵalaýǵa qoıylatyn biryńǵaı talaptar belgilenedi», - dedi Mádına Ábilqasymova.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT