+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

2020 jylǵy 1 qańtardan bastap AÁK qalaı tólenedi

2019 jylǵy 28 qazan 17:19
Bólisińiz:
2020 jylǵy 1 qańtardan bastap AÁK qalaı tólenedi

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi 2020 jyldyń 1 qańtarynan bastap ataýly áleýmettik kómek qalaı beriletinin túsindirdi, dep habarlaıdy QazAqparat.

Uqsas jańalyqtar
Tarazda bólimniń bas mamany AÁK áperemin dep 200 myń teńge para alǵan Jyl basynan beri balalarǵa arnalǵan járdemaqyǵa bıýdjetten 162 mlrd teńge tólendi Ataýly áleýmettik kómekti toqtatý, zańsyz alý jáne shara qoldaný  - mınıstrlik ókili jaýap berdi

Mınıstrliktiń baspasóz qyzmetiniń málimetinshe, ataýly áleýmettik kómek burynǵydaı, tabysy az otbasylarǵa tólenedi. Alaıda, AÁK taǵaıyndaýdyń jańa tetikteri ár otbasyna jeke tásildi usynady. Negizgi prıntsıp - memleket shynymen kómekke muqtaj adamdarǵa kómektesedi.

«Ataýly áleýmettik kómek – bul járdemaqy emes, tabysy az otbasylardyń qarjylyq jaǵdaıyn jaqsartýǵa jáne daǵdarysty eńserý úshin olardyń resýrstaryn yntalandyrýǵa baǵyttalǵan qıyn jaǵdaıǵa tap bolǵan azamattarǵa memleket tarapynan qoldaý kórsetý», delingen habarlamada.

QR Eńbek jáne halyqty áleýmettik qorǵaý mınıstrligi Memleket basshysynyń 2 qyrkúıektegi Qazaqstan halqyna Joldaýynda aıtylǵan tapsyrmasyna sáıkes AÁK usynýdyń jańa tetikterin ázirledi, olar mynalardy kózdeıdi:

- AÁK kórsetýge arnalǵan qoldanystaǵy shekti ólshemdi saqtaý, ıaǵnı, jan basyna shaqqandaǵy ortasha tabysy óńirlik kúnkóris deńgeıiniń 70% -dan az otbasylar ataýly áleýmettik kómek alýǵa júgine alady;

- AÁK otbasynyń barlyq músheleri úshin jan basyna shaqqandaǵy tabystar men kedeılik shegi arasyndaǵy aıyrmashylyq retinde anyqtalady. Osylaısha, tabysy az otbasylardyń balalaryna tólenetin bekitilgen eń tómengi kúnkóris deńgeıiniń 70% mólsherindegi tólemderden alshaqtaý josparlanyp otyr;

- AÁK alatyn otbasylardyń eńbekke qabiletti músheleri jumys isteýge tıis. Olardyń jumysqa ornalasýy úshin Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasynyń barlyq tetikteri qoldanylady. Eger otbasynyń eńbekke jaramdy múshesi usynylǵan jumystan jáne jumyspen qamtýǵa járdemdesý sharalarynan bas tartsa, onda AÁK tóleý tek oǵan ǵana emes, búkil otbasyna toqtatylady;

- AÁK-tiń ádildigi men ashyqtyǵyn qamtamasyz etý maqsatynda ataýly áleýmettik kómek taǵaıyndaý úshin azamattardyń toqsan saıynǵy ótinishterin qaıtadan engizý usynylady. Bul qosymsha qujattardy jınaýdy talap etpeıdi. AÁK taǵaıyndaý úshin memlekettik organdardyń derekter qorynda tolyq málimetter bolǵan jaǵdaıda tek jeke kýáligin kórsetý qajet;

- otbasynyń materıaldyq jaǵdaıyna tekserý júrgizý merzimin 3 kúnnen 7 kúnge deıin ulǵaıtý. Qazirgi ýaqytta mınıstrlik muqtajdyqty anyqtaý krıterıılerin ázirleýde. Otbasy belgilengen krıterıılerge sáıkes kelmegen jaǵdaıda ýchaskelik komıssııa AÁK kórsetýge muqtajdyqtyń joqtyǵy týraly qorytyndy shyǵarady, bul ýákiletti organ tarapynan ony taǵaıyndaýdan bas tartý úshin negiz bolady.

Qoldanystaǵy zańnamaǵa tıisti túzetýler QR Parlamenti Májilisiniń qaraýyna jiberildi.

Esterińizge sala keteıik, Memleket basshysynyń ataýly áleýmettik kómek kórsetýdiń jańa tásilderimen qatar, AÁK tóleý tetikterin túzetý jónindegi tapsyrmasyn oryndaý maqsatynda 2020 jylǵy 1 qańtardan bastap Qazaqstanda barlyq kópbalaly otbasylar úshin olardyń tabysyna qaramastan memlekettik járdemaqy men tabysy az otbasylardan shyqqan balalarǵa arnalǵan kepildendirilgen áleýmettik paket engiziletin bolady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT