+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

2020 jyldan bıznesten túsetin korporatıvtik tabys salyǵy jergilikti bıýdjetterge beriledi

2019 jylǵy 12 qyrkúıek 11:58
Bólisińiz:
2020 jyldan bıznesten túsetin korporatıvtik tabys salyǵy jergilikti bıýdjetterge beriledi

NUR-SULTAN. QazAqparat – Parlament Májilisinde «Respýblıkalyq jáne oblystyq bıýdjetter, respýblıkalyq mańyzy bar qalalar, astana bıýdjetteri arasyndaǵy 2020-2022 jyldarǵa arnalǵan jalpy sıpattaǵy transfertterdiń kólemi týraly» zań jobasy tanystyryldy, dep habarlaıdy QazAqparat tilshisi.

Uqsas jańalyqtar
Rýdnyı kásiporyndary eksport kólemin ulǵaıtpaq Salyq bereshegi bar jeke tulǵa neni bilýi kerek - Memlekettik kirister komıteti Qazaqstan A deńgeıindegi kredıttik reıtıngke kirý úshin ne isteý kerek

«2020-2022 jyldarǵa arnalǵan jalpy sıpattaǵy transfertter týraly zań jobasy Bıýdjet kodeksiniń 45-babyna sáıkes, aǵymdaǵy jyly 2017-2019 jyldarǵa arnalǵan transfertter týraly zańnyń qoldanysy aıaqtalýyna baılanysty ázirlendi. Jalpy sıpattaǵy transfertter óńirlerdiń bıýdjettik qamtamasyz etilýin teńestirýge jáne óńirlik ekonomıkany damytýǵa jergilikti atqarýshy organdardyń yntasyn arttyrýǵa baǵyttalǵan. Transfertterdiń kólemi Ádistemege sáıkes esepteldi», - dedi QR Ulttyq ekonomıka vıtse-mınıstri Mádı Takıev.

Osy oraıda ol 2020-2022 jyldarǵa arnalǵan jalpy sıpattaǵy transfertterdi esepteýdiń erekshelikterine toqtaldy.

«Birinshiden, jergilikti atqarýshy organdardy shaǵyn jáne orta bıznesti damytýǵa yntalandyrý. Ol úshin shaǵyn jáne orta bıznesten túsetin korporatıvtik tabys salyǵyn 2020 jyldan bastap jergilikti bıýdjetterge berý qarastyryldy (2020 jyly 403 mlrd teńge). Ekinshiden, óńirlerdiń erekshelikterin eskerý. Ol úshin jańa koeffıtsentter engizildi. Bul mektepter shaǵyn jınaqtylyǵy, aýyl sharýashylyǵynyń áleýetti ónimderiniń kólemi, aýmaq aýdany, turǵyn úı sany, óńirdiń jalpy óńirlik óniminde shaǵyn jáne orta bıznestiń úlesi», - dedi vıtse-mınıstr.

Munymen qosa ol jergilikti kiristerdiń ósý áleýetine toqtala kele, damý bıýdjetine eki jańa komponent engizilgenin atap ótti.

«Jergilikti bıýdjetterdiń kiristeri ósken jaǵdaıda, damý bıýdjeti ulǵaıady. Úshjyldyq kezeńde jalpy óńirlik ónimniń ósýi jyldamdaǵan jaǵdaıda sýbventsııaly óńirler qosymsha koeffıtsıent alady. Buryn nysanaly transferttermen qarjylandyrylǵan shyǵystar jalpy sıpattaǵy transfertterge berildi. Bul 2020 jyly 635,8 mlrd teńge, 2021 jyly – 775,9 mlrd teńge, 2022 jyly – 909,7 mlrd teńge. Baıandalǵannyń negizinde jergilikti bıýdjetterdiń jalpy shyǵystarynyń kólemi 2020 jyly – 4,8 trln teńge, 2021 jyly – 5,1 trln teńge, 2022 jyly – 5,4 trln teńge kóleminde aıqyndaldy», - dedi Ulttyq ekonomıka mınıstrligi ókili.

Mádı Takıevtiń atap ótýinshe, 2020-2022 jyldarǵa on úsh sýbventsııaly jáne tórt donor-óńirler anyqtaldy. Al jergilikti bıýdjetterdiń jalpy túsimderinde transfertterdiń úlesi 2019 jyly 60,3 paıyzdan 2020 jyly 53,6 paıyzǵa deıin jáne 2022 jyly 49,3 paıyzǵa deıin azaıady.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT