+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

2020 jyldan bastap ShOB-tan túsetin tabys salyǵy jergilikti bıýdjetterge berilmek

2019 jylǵy 23 qazan 11:14
Bólisińiz:
2020 jyldan bastap ShOB-tan túsetin tabys salyǵy jergilikti bıýdjetterge berilmek

NUR-SULTAN. QazAqparat – Búgin Parlament Májilisiniń jalpy otyrysynda «Respýblıkalyq jáne oblystyq bıýdjetter, respýblıkalyq mańyzy bar qalalar, astana bıýdjetteri arasyndaǵy 2020-2022 jyldarǵa arnalǵan jalpy sıpattaǵy transfertterdiń kólemi týraly» zań jobasy maquldandy, dep habarlaıdy QazAqparat tilshisi.

Uqsas jańalyqtar
Almatyda «Almaty Invest» halyqaralyq ınvestıtsııalyq forýmy ótedi Túrik ınvestory «Qyzyljar» ekonomıkalyq aımaǵynyń alǵashqy qatysýshysy atandy Mundaı oqıǵa ár eldiń tarıhynda bir-aq ret kezdesedi - Elbasy teńgeniń engizilýi jaıly

Zań jobasy aǵymdaǵy jyly 2017-2019 jyldarǵa arnalǵan transfertter týraly zańnyń qoldanysy aıaqtalýyna baılanysty ázirlendi. Jalpy sıpattaǵy transfertter óńirlerdiń bıýdjettik qamtamasyz etilýin teńestirýge jáne óńirlik ekonomıkany damytýǵa jergilikti atqarýshy organdardyń yntasyn arttyrýǵa baǵyttalǵan.

«2020-2022 jyldarǵa arnalǵan jalpy sıpattaǵy transfertterdi esepteýdiń tıisti erekshelikteri bar. Birinshiden, jergilikti atqarýshy organdardy shaǵyn jáne orta bıznesti damytýǵa yntalandyrý. Ol úshin shaǵyn jáne orta bıznesten túsetin korporatıvtik tabys salyǵyn 2020 jyldan bastap jergilikti bıýdjetterge berý qarastyryldy. Ekinshiden, óńirlerdiń erekshelikterin eskerý. Ol úshin jańa koeffıtsıentter engizildi. Bul rette mektepter shaǵyn jınaqtylyǵy, aýyl sharýashylyǵynyń áleýetti ónimderiniń kólemi, aýmaq aýdany, turǵyn úı sany, óńirdiń jalpy óńirlik óniminde shaǵyn jáne orta bıznestiń úlesi eskerilgen», - dedi Ulttyq ekonomıka mınıstri Rýslan Dálenov.

Sonymen qatar, mınıstr jergilikti kiristerdiń ósýi áleýeti aıasynda damý bıýdjetine eki jańa komponent engizilgenin atap ótti. Jergilikti bıýdjetterdiń kiristeri ósken jaǵdaıda, damý bıýdjeti ulǵaıady.

«Úshjyldyq kezeńde jalpy óńirlik ónimniń ósýi jyldamdaǵan jaǵdaıda sýbventsııaly óńirler qosymsha koeffıtsıent alady. Buryn nysanaly transferttermen qarjylandyrylǵan shyǵystar jalpy sıpattaǵy transfertterge berildi. Bul 2020 jyly 617 mlrd teńge, 2021 jyly – 650 mlrd teńge, 2022 jyly – 664 mlrd. teńge. Zań jobasyna Parlament Májilisinde talqylaý nátıjesinde tolyqtyrýlar engizildi. Agroónerkásiptik keshendi sýbsıdııalaýǵa jáne medıtsınalyq mekemelerdiń kúrdeli shyǵyndaryna baǵyttalatyn bıýdjet qarajatynyń mınımaldy kólemi qosymsha bekitildi», - dedi vedomstvo basshysy.

Mıkro jáne shaǵyn bıznesti tabys salyǵyn tóleýden bosatý, sondaı-aq pedagogtardyń jáne mádenıet, óner qyzmetkerleriniń eńbekaqysyn arttyrýǵa qarajatty nysanaly transferttermen bólýdi eskere otyryp, sýbventsııalar men alyp qoıýlar túzetildi.

Osyny eskere otyryp, jalpy sıpattaǵy transfertter mynadaı kólemde aıqyndalady:

Bıýdjettik alyp qoıýlar:

2020 jyly – 420 mlrd teńge;

2021 jyly – 451 mlrd teńge;

2022 jyly – 490 mlrd teńge.

Bıýdjettik sýbventsııalar:

2020 jyly – 2 trln 104 mlrd teńge;

2021 jyly – 2 trln 121 mlrd. teńge;

2022 jyly – 2 trln 125 mlrd. teńge.

«Osylaısha, 2020-2022 jyldary 13 sýbventsııalyq jáne tórt donor óńir anyqtaldy», - dedi Rýslan Dálenov.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT