+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

2020-2022 jyldarǵa arnalǵan bıýdjettiń áleýmettik baǵyty saqtalady

2019 jylǵy 23 qazan 12:52
Bólisińiz:
2020-2022 jyldarǵa arnalǵan bıýdjettiń áleýmettik baǵyty saqtalady

NUR-SULTAN. QazAqparat – Parlament Májilisiniń jalpy otyrysynda palata depýtattary «2020-2022 jyldarǵa arnalǵan respýblıkalyq bıýdjet týraly» zań jobasyn maquldady, dep habarlaıdy QazAqparat tilshisi.

Uqsas jańalyqtar
«Bir kúndik» fırmalardy bastapqy satyda anyqtaý boıynsha jańa joba júrgizilýde 2025 jylǵa taman 41 trln teńge ınvestıtsııa tartý boıynsha jobalar pýly jasaqtaldy Shıkizattyq emes eksportty arttyrýda qazaqstandyq ekonomıkanyń áleýeti zor – Dosaev

Májiliste zań jobasyn talqylaý barysynda birqatar túzetýler engizildi jáne bıýdjet jobasynyń parametrleri qaıta qaraldy. Túzetýlerdiń bir blogy Memleket basshysynyń Joldaýyn, sondaı-aq onyń jekelegen tapsyrlamalaryn qarjylyq qamtamasyz etýge baǵyttalǵan. Shyǵystardyń negizgi bóligi muǵalimder men mádenıet qyzmetkerleriniń jalaqysyn ulǵaıtýǵa kózdeledi. Bul úsh jylǵa shamamen 1,1 trln teńge.

Mıkro jáne shaǵyn bıznesti tabysqa salynatyn salyq tóleýden bosatýdy eskere otyryp, sýbventsııalar kólemi ózgertildi.

«Túzetýlerdiń ekinshi blogyn depýtattar usyndy jáne halyqtyń ómir súrý deńgeıin jaqsartýǵa jáne aımaqtardy damytýǵa baǵyttalǵan. Máselen, aýyldyq eldimekenderdi taza aýyzsýmen, sý burý qyzmetterimen qamtamasyz etýge, sondaı-aq turǵyn-úı kommýnaldyq sharýashylyǵy nysandaryn jáne kólik ınfraqurylymyn damytýǵa qosymsha qarajat kózdelgen. 2020 jyly óńirlerge respýblıkalyq bıýdjet qarajaty esebinen 3,8 trln teńge bólinedi. Bul bıýdjettiń jalpy shyǵystarynyń 29 paıyzy. Engizilgen túzetýler aıasynda Esep komıtetiniń birqatar usynymdary eskerildi. Qosymsha Úkimet jergilikti atqarýshy organdardyń qarajatty jumsaýyna monıtorıngti jáne baqylaýdy kúsheıtý tetikterin pysyqtaýda», - dedi Premer-Mınıstrdiń birinshi orynbasary - Qarjy mınıstri Álıhan Smaıylov.

Onyń sózine qaraǵanda, 2020 jyldaǵy túsimder Májiliske engizilgen bıýdjet jobasynan 108 mlrd teńgege ulǵaıa otyryp, 11,3 trln teńge somasynda belgilendi. (2021 j. – 12 trln teńge, 2022 j. – 12,8 trln teńge)

«2020 jylǵa bıýdjet tapshylyǵy 1,6 trln teńge deńgeıinde josparlandy. Ol 2022 jylǵa qaraı kezeń-kezeńmen 890 mlrd teńgege deıin tómendetiledi. Bul boryshty qaýipsiz deńgeıde ustap qalý boıynsha mindetti iske asyrýdy qamtamasyz etedi», - dedi Á. Smaıylov.

Respýblıkalyq bıýdjettiń shyǵystary Májiliske engizilgen jobadan 3 jyldyq kezeńde 329 mlrd teńgege, onyń ishinde 2020 jyly 172 mlrd teńgege ulǵaıdy. Nátıjesinde, shyǵystar 2020 jyly 12,9 trln teńgeni quraıdy (2021 j. - 13,2 trln teńge, 2021 j. – 13,7 trln teńge).

«Bıýdjettiń áleýmettik baǵyty saqtalady. 3 jyldyq kezeńde respýblıkalyq bıýdjettegi áleýmettik bloktyń shyǵystary 20 trln teńgeni quraıdy, onyń ishinde 2020 jylǵa 6 trln teńge nemese shyǵystardyń jalpy kóleminiń 46,4 paıyzy mólsherinde. 2022 jylǵa qaraı bul kórsetkish 53,8 paıyzdy quraıdy. Áleýmettik shyǵystardyń negizgi úlesi áleýmettik qamsyzdandyrýǵa jáne áleýmettik kómek kórsetýge keledi. Máselen, 3 jylǵa osy baǵytqa 11 trln teńge josparlanǵan, onyń ishinde 2020 jyly – 3,4 trln teńge», - dedi Úkimet basshysynyń birinshi orynbasary.

2020-2022 jyldarǵa densaýlyq saqtaý júıesine arnalǵan shyǵystar 4,7 trln teńgeni qamtymaq.

«Tuńǵysh Prezıdenttiń tapsyrmasyn iske asyrý maqsatynda «Pedagog mártebesitýraly» zań jobasy ázirlendi. Ony iske asyrýǵa bıýdjette 2,2 trln teńge, onyń ishinde 2020 jylǵa 390 mlrd teńge kózdelgen», - dedi Á. Smaıylov.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT