2019 jyly 136 myń otbasy muqtajdyqtan shyqty - Úkimettiń keńeıtilgen otyrysy

NUR-SULTAN. QazAqparat - 2019 jyly 136 myń otbasy muqtajdyqtan shyqty. Bul týraly Úkimettiń keńeıtilgen otyrysynda QR Premer-Mınıstriniń orynbasary Berdibek Saparbaev aıtty, dep habarlaıdy QazAqparat tilshisi.

Uqsas jańalyqtar

Saparbaev tótenshe jaǵdaı saldaryn joıý jónindegi shtab otyrysyn ótkizdi

Berdibek Saparbaev alǵashqy jumys saparyn Qordaı aýdanynan bastady Qordaı oqıǵasy: nelikten tehnogendik sıpattaǵy tótenshe jaǵdaı jarııalandy Berdibek Saparbaev oblys ákimi bolyp taǵaıyndalýyna qatysty pikir bildirdi

«Halyqtyń turmys jaǵdaıyn jaqsartý boıynsha sizdiń bergen tapsyrmańyzdy oryndaý úshin Úkimet ótken jyly 2 mln 700 myń adamnyń, 770 myń muǵalimniń, dárigerlerdiń, áleýmettik, mádenıet, óner, sport, arhıv salalary qyzmetkerleriniń jalaqysyn 30 paıyzǵa ulǵaıtty. Zeınetaqy, járdemaqy orta eseppen 7-20 paıyzǵa kóbeıdi. Bularǵa beriletin qarjy byltyrǵymen salystyrǵanda 300 mlrd teńgege artyp, 3 trln 300 mrld teńgeni qurady», - dedi Prezıdent Qasym-Jomart Toqaevqa esep bergen Úkimet basshysynyń orynbasary.

Onyń atap ótýinshe, 550 myń azamattyń boryshtyq júktemesi, ıaǵnı 1,2 mln ósimpuly keshirildi. Bul maqsatqa bıýdjetten jalpy 149 mlrd teńge jumsaldy.

«315 myń otbasyǵa ataýly áleýmettik kómek kórsetildi. Sonyń nátıjesinde 136 myń otbasy muqtajdyqtan shyqty. 150 myńy jeke sharýa qojalyǵyn damytty. 94 myń adam jumyspen qamtý sharasymen qamtyldy. Sonyń nátıjesinde 8,5 myń otbasy óziniń kásibin ashty. Oǵan qosa jergilikti bılik pen demeýshilerdiń qoldaýymen 2,2 mln qazaqstandyqqa 80 mlrd teńgeniń kómegi kórsetildi», - dedi Berdibek Saparbaev.