+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

2019 jylǵy UBT jaıynda neni bilý kerek

2019 jylǵy 16 maýsym 11:11
Bólisińiz:
2019 jylǵy UBT jaıynda neni bilý kerek

NUR-SULTAN. QazAqparat - QR Bilim jáne ǵylym mınıstrligi Facebook-tegi paraqshasynda talapkerlerdiń UBT jaıly suraqtaryna jaýap berdi, dep habarlaıdy QazAqparat.

Joǵary oqý ornyna qujat tapsyrǵan kezde mamandyq emes bilim berý toptaryn tańdaý kerektigi buǵan deıin habarlanǵan. Jalpy, 97 top bar. Oǵan bir nemese birneshe baǵdarlama kiredi. Toptar tizimi men olarǵa sáıkes pánder tizimin Ulttyq testileý ortalyǵy saıtynan nemese tómendegi vıdeodan kórýge bolady.


UBT KEZEŃDERІ

Birinshi qadam: 20 maýsym men 5 shilde aralyǵynda aldyn-ala ótinim berip, test tapsyrý kerek.

Bıyl UBT men KT biriktirildi. Test tapsyrý oryndary tizimi Ulttyq testileý ortalyǵynyń saıtynda bar. Mektep burynǵydaı túlekterdi test tapsyrý ornyna aparyp-alyp kelýge jaýapty emes.

Ekinshi kezeń: 13-20 shilde aralyǵynda bilim berý grantyna baıqaý ótedi. Oǵan UBT-dan ótip, jetkilikti ball alǵan jaǵdaıda ǵana qatysa alasyzdar.

Úshinshi qadam: bilim berý toptaryn tańdaısyzdar.

Birinshi jaǵdaıda: mysaly maýsym aıyndaǵy UBT kezinde siz «Bıologııa» + «Hımııa» boıynsha synaq tapsyrsańyz, bul pánderge tıesili 16 toptyń ishinen (tizimi UTO saıtyndaǵy vıdeoda kórsetilgen) ár túrli JOO-dan tórt bilim berý tobyn tańdaı alasyz. Árıne, top UBT-da tańdaǵan pánińizge saı kelýi kerek. Sizde mynadaı tańdaý bolýy múmkin:
1. «Hımııa páni muǵalimi».
2. «Bıologııa men aralas ǵylymdar».
3. «Veterınarııa».
4. «Jalpy medıtsına».

Siz osy kórsetilgen tórteýin ǵana emes, on alty toptyń ishinen basqa bilim berý toptaryn da tańdaı alasyz.

Ekinshi jaǵdaıda: shyǵarmashylyq mamandyqqa tapsyratyn talapkerler grant baıqaýyna qatysý kezinde tek bir ǵana bilim berý tobyn tańdaı alady.
Mysaly, «Aýdıovızýal quraldar men medıaóndiris» tańdaǵanda eki shyǵarmashylyq synaq tapsyrasyzdar. Bilim berý toptarynan tómendegi mamandyqtardy tańdaı alasyzdar:
1. «Operatorlyq sheberlik».
2. «Baspa isi».
3. «Polıgrafııa».

Tórtinshi qadam: oqýǵa qabyldaý.

Grant bilim berý toptaryna bólinedi. Al bilim berý baǵdarlamasyn (buryn bul «mamandyq» dep atalǵan) joǵary oqý ornyna barǵan soń tańdaısyz.

Mysaly, «Hımııa pániniń muǵalimi» boıynsha grantqa ıe bolsańyz joǵary oqý ornynyń bilim berý baǵdarlamalaryn qaraısyz. Aıtalyq, JOO-da «Hımııa» nemese «Hımııa-Bıologııa» degen bilim berý baǵdarlamalary bolsa - bireýin tańdaısyz.

Oqýǵa qabyldaý kezeńi 10-25 tamyz aralyǵynda, on kúnge sozylady. Oqýǵa túskeni jaıly buıryq naqty bilim berý baǵdarlamasyna qaraı shyǵady. Keıin oqý bitirgen sol boıynsha dıplom beriledi.

AQYLY OQÝǴA TÚSÝ

Joǵary oqý ornyna aqyly túrde túspek bolǵan talapkerler úshin UBT-ny birneshe ret tapsyrý múmkindigi bar. 2019 jyldan bastap test qańtar, naýryz, maýsym jáne tamyz aılarynda ótedi. Ár kezde ár túrli pán tańdap test tapsyrýǵa bolady. UBT-2019 sertıfıkaty jyldyń sońyna deıin jaramdy. Osylaısha, joǵary oqý ornynyń aqyly bólimine qujat tapsyrǵan kezde qalaǵan páni boıy shekti ball jınaǵanyn rastaıtyn sertıfıkat usynasyz.

GRANTTAR SANY

2019-2020 oqý jylyna memleket 66 556 grant bólip otyr. Onyń 51 085-i bakalavrıatqa, 13 159-i magıstratýra, 2 312-i doktorantýraǵa (PhD).

Bizdiń kanalymyzǵa jazylyńyz:

Bólisińiz:

Avtor:

Jánibek Amangeldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT