20 jeltoqsanda el aýmaǵyna bir mezette sheteldik azamattar tobynyń kelgeni anyqtaldy – Erlan Qarın
2022 jylǵy 19 qańtar 10:37

20 jeltoqsanda el aýmaǵyna bir mezette sheteldik azamattar tobynyń kelgeni anyqtaldy – Erlan Qarın

NUR-SULTAN. QazAqparat – 20 jeltoqsanda elimizdiń aýmaǵyna bir mezette sheteldik azamattar tobynyń kelgeni anyqtaldy. Bul týraly QR Memlekettik hatshysy Erlan Qarın málim etti, dep habarlaıdy QazAqparat tilshisi.

«Qazirdiń ózinde jeltoqsannyń 20-sy kúni elimizdiń aýmaǵyna bir ýaqytta sheteldik azamattar tobynyń kelgeni, odan keıin 7-8 qańtar kúnderi túrli baǵyttar arqyly el aýmaǵynan shyǵyp ketýge tyrysqany anyqtaldy. Sonymen qatar arnaýly qyzmetterimiz sońǵy oqıǵalarǵa elimizdiń ishinde áreket etken birqatar radıkaldy, ekstremıstik uıymdardyń músheleriniń de qatysý faktilerin naqtylady. Munan bólek, qazaqstandyq radıkaldar sheteldik terrorıstik uıymdardy jańa shabýyldar uıymdastyrý úshin osy oqıǵalarǵa qatystyrýǵa tyrysqan. Keıinnen arnaýly qyzmetterimiz mundaı áreketterdiń jolyn der ýaqytynda kesti», - dedi Memlekettik hatshy «Habar 24» telearnasy bergen suhbatynda.

Onyń atap ótýinshe, qazirgi ýaqytta da ahýal óte kúrdeli.

«Arnaýly qyzmetter atalǵan tulǵalardy anyqtaý, ustaý, qarý-jaraqty tárkileý jumystaryn jalǵastyryp jatyr. Tek osy kúnderi ǵana quqyq qorǵaý organdarymyz 2 myńnan astam qarý tárkiledi. Tek terrorızm babymen ǵana 44 qylmystyq is qozǵaldy. Jumys jalǵasyp jatyr», - dedi ol.


Jańalyqtar

MURAǴAT